Samantha Ruth Prabhu: ಖ್ಯಾತ ನಿರ್ದೇಶಕನ ಜತೆ ಸಮಂತಾ ಡೇಟಿಂಗ್? ಇವರೇ ನೋಡಿ ಅವರು

Team Udayavani, Aug 14, 2024, 5:40 PM IST

ಹೈದರಾಬಾದ್:‌ ಟಾಲಿವುಡ್‌ ನಟಿ ಸಮಂತಾ (Samantha Ruth Prabhu) ಅವರ ಮಾಜಿ ಪತ್ನಿ ನಾಗಚೈತನ್ಯ(Naga Chaitanya) ಶೋಭಿತಾ (Sobhita Dhulipala) ಅವರೊಂದಿಗೆ ಇತ್ತೀಚೆಗೆ ನಿಶ್ಚಿತಾರ್ಥ ಮಾಡಿಕೊಂಡ ಬಳಿಕ ಸಮಂತಾ ಅವರ ಲವ್‌ ಲೈಫ್‌ ವಿಚಾರ ಮತ್ತೆ ಚರ್ಚೆ ಆಗುತ್ತಿದೆ.

ಸಮಂತಾ ಕೂಡ ಮದುವೆ ಆಗಬೇಕೆಂದು ಅವರ ಅಭಿಮಾನಿಗಳು ನಾಗಚೈತನ್ಯ ಅವರ ಎಂಗೇಜ್‌ ಮೆಂಟ್‌ ಬಳಿಕ ಮಾತನಾಡಿಕೊಳ್ಳುತ್ತಿದ್ದಾರೆ. ಕೆಲ ಫ್ಯಾನ್ಸ್‌ ಗಳು ಸಮಂತಾ ಅವರಿಗೆ ಪ್ರಪೋಸ್‌ ಮಾಡುವ ಮಿಮ್ಸ್‌ ರೀತಿಯ ವಿಡಿಯೋಗಳನ್ನು ಹರಿದುಬಿಟ್ಟಿದ್ದಾರೆ.

ಈ ನಡುವೆ ಸಮಂತಾ ಡೇಟಿಂಗ್‌ ಲೈಫ್‌ ಬಗ್ಗೆ ಗಾಸಿಪ್‌ಯೊಂದು ಹರಿದಾಡುತ್ತಿದೆ. ‘ರಾಜ್ & ಡಿಕೆ'(Raj & DK) ಖ್ಯಾತಿಯ ನಿರ್ದೇಶಕರ ಜೊತೆ ಸಮಂತಾ ʼಫ್ಯಾಮಿಲಿ ಮ್ಯಾನ್‌-2ʼ ಸರಣಿಯಲ್ಲಿ ಕೆಲಸ ಮಾಡಿದ್ದಾರೆ. ಮುಂದೆ ‘ರಾಜ್ & ಡಿಕೆ’ ಅವರ “ಸಿಟಾಡೆಲ್: ಹನಿ ಬನ್ನಿ” (Citadel: Honey Bunny) ಸರಣಿಯಲ್ಲಿ ಸಮಂತಾ ಕಾಣಿಸಿಕೊಳ್ಳಲಿದ್ದಾರೆ.

ಇವರಲ್ಲಿ ಸಮಂತಾ ನಿರ್ದೇಶಕ ರಾಜ್‌ ಜೊತೆ ಆಪ್ತವಾಗಿ ಕಾಣಿಸಿಕೊಂಡಿದ್ದು, ಇಬ್ಬರ ನಡುವಿನ ಸ್ನೇಹದಲ್ಲಿ ಆತ್ಮೀಯತೆ ಹೆಚ್ಚಾಗಿದೆ ಎನ್ನಲಾಗಿದೆ. ʼಸಿಟಾಡೆಲ್‌ʼ ಸರಣಿ ಶೂಟಿಂಗ್‌ ವೇಳೆ ಸಮಂತಾ, ರಾಜ್‌ ನಡುವಿನ ಆತ್ಮೀಯತೆ ಹೆಚ್ಚಾಗಿದ್ದು, ಸಮಂತಾ ರಾಜ್‌ ಅವರೊಂದಿಗೆ ತಮ್ಮ ಹುಟ್ಟುಹಬ್ಬವನ್ನು ಆಚರಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಸದ್ಯ ಹಬ್ಬಿರುವ ವರದಿಗಳ ಬಗ್ಗೆ ಸಮಂತಾ – ರಾಜ್‌ ಇದುವರೆಗೆ ಪ್ರತಿಕ್ರಿಯೆ ನೀಡಿಲ್ಲ.

ನಿರ್ದೇಶಕ ರಾಜ್ ನಿಡಿಮೋರು ವಿವಾಹಿತರಾಗಿದ್ದು, ಶೀಘ್ರವೇ ಅವರು ವಿಚ್ಛೇದನಕ್ಕೆ ಮುಂದಾಗಲಿದ್ದಾರೆ ಎನ್ನುವ ಮಾತುಗಳೂ ಟಾಲಿವುಡ್‌ ನಲ್ಲಿ ಕೇಳಿ ಬರುತ್ತಿದೆ ಎಂದು ವರದಿ ತಿಳಿಸಿದೆ.