ಟ್ರೇಲರ್‌ಗೂ ಮುನ್ನ ಹೊಸ ಪೋಸ್ಟರ್‌ ರಿಲೀಸ್‌ ಮಾಡಿ ಕುತೂಹಲ ಹೆಚ್ಚಿಸಿದ ʼಕಲ್ಕಿ 2898 ಎಡಿʼ

Team Udayavani, Jun 9, 2024, 4:43 PM IST

ಹೈದರಾಬಾದ್:‌ ಡಾರ್ಲಿಂಗ್‌ ಪ್ರಭಾಸ್‌ ಅವರ ಬಹು ನಿರೀಕ್ಷಿತ ಪ್ಯಾನ್‌ ಇಂಡಿಯಾ ʼ ಕಲ್ಕಿ 2898 ಎಡಿʼ ಚಿತ್ರದ ಟ್ರೇಲರ್‌ ರಿಲೀಸ್‌ ಗೆ ಕೆಲವೇ ಗಂಟೆ ಬಾಕಿ ಉಳಿದಿದೆ. ಟ್ರೇಲರ್‌ ರಿಲೀಸ್‌ ಟೈಮ್‌ ಸಮೀಪವಾಗುತ್ತಿದ್ದಂತೆ ಚಿತ್ರತಂಡ ಹೊಸ ಪೋಸ್ಟರ್‌ ರಿಲೀಸ್‌ ಮಾಡಿ ಕುತೂಹಲವನ್ನ ಹೆಚ್ಚಿಸಿದೆ.

ನಾಗ್‌ ಅಶ್ವಿನ್‌ ನಿರ್ದೇಶನದಲ್ಲಿ ಬರುತ್ತಿರುವ ʼ ಕಲ್ಕಿ 2898 ಎಡಿʼ ಸೈನ್ಸ್‌ ಫೀಕ್ಷನ್‌ ನಲ್ಲಿ ಮೂಡಿ ಬಂದಿದ್ದು, ವಿಎಫ್‌ ಎಕ್ಸ್‌ ದೃಶ್ಯಗಳು ರೋಚಕವಾಗಲಿರಲಿದೆ ಎನ್ನುವುದನ್ನು ಈಗಾಗಲೇ ಚಿತ್ರದ ಟೀಸರ್‌ ನಿಂದ ಗೊತ್ತಾಗಿದೆ.

ಇತ್ತೀಚೆಗಷ್ಟೇ ʼ ಕಲ್ಕಿ 2898 ಎಡಿʼ ಚಿತ್ರತಂಡ ಪ್ರಭಾಸ್‌ ಅವರ ಪೋಸ್ಟರ್‌ ವೊಂದನ್ನು ರಿಲೀಸ್‌ ಮಾಡಿ ಟ್ರೇಲರ್‌ ರಿಲೀಸ್‌ ಡೇಟ್‌ ರಿವೀಲ್‌ ಮಾಡಿತ್ತು.

ಸೋಮವಾರ(ಜೂ.10 ರಂದು) ಚಿತ್ರದ ಟ್ರೇಲರ್‌ ರಿಲೀಸ್‌ ಆಗಲಿದೆ. ಇದಕ್ಕೂ ಮುನ್ನ ಚಿತ್ರತಂಡ ದೀಪಿಕಾ ಪಡುಕೋಣೆ ಅವರ ಪಾತ್ರದ ಪೋಸ್ಟರ್‌ ರಿಲೀಸ್‌ ಮಾಡಿ ಕುತೂಹಲವನ್ನು ಹೆಚ್ಚಿಸಿದೆ.

ದೀಪಿಕಾ ಎಂದೂ ಕಾಣದ ಅವತಾರದಲ್ಲಿ ಕಾಣಿಸಿಕೊಂಡಿದ್ದು, “ಭರವಸೆ ಅವಳಿಂದ ಪ್ರಾರಂಭವಾಗುತ್ತದೆ” ಎನ್ನುವ ಕ್ಯಾಪ್ಷನ್‌ ನೀಡಲಾಗಿದೆ.

ದೀಪಿಕಾ ಅವರ ಪೋಸ್ಟರ್‌ ನೋಡಿ ಅವರ ಪತಿ ರಣ್ವೀರ್‌ ಕೂಡ ಫಿದಾ ಆಗಿದ್ದು, “ಬೂಮ್ ಸ್ಟನ್ನರ್” ಎಂದು ಕಮೆಂಟ್‌ ಮಾಡಿದ್ದಾರೆ.

ಅಮಿತಾಭ್‌ ಬಚ್ಚನ್‌, ಕಮಲ್‌ ಹಾಸನ್‌, ದಿಶಾ ಪಟಾನಿ, ಮತ್ತು ದೀಪಿಕಾ ಪಡುಕೋಣೆ ಮುಂತಾದ ಖ್ಯಾತ ಕಲಾವಿದರು ನಟಿಸಿದ್ದಾರೆ.

ವರ್ಷದ ಬಹು ನಿರೀಕ್ಷಿತ ಪ್ಯಾನ್‌ ಇಂಡಿಯಾ ಸಿನಿಮಾ ʼ ಕಲ್ಕಿ 2898 ಎಡಿʼ ಇದೇ ಜೂನ್‌ 27 ರಂದು ರಿಲೀಸ್‌ ಆಗಲಿದೆ.

𝐓𝐡𝐞 𝐡𝐨𝐩𝐞 𝐛𝐞𝐠𝐢𝐧𝐬 𝐰𝐢𝐭𝐡 𝐡𝐞𝐫.#Kalki2898AD Trailer out Tomorrow.@SrBachchan @ikamalhaasan #Prabhas @deepikapadukone @nagashwin7 @DishPatani @Music_Santhosh @VyjayanthiFilms @Kalki2898AD @saregamaglobal @saregamasouth #Kalki2898ADonJune27 pic.twitter.com/m89FpSyZ8M

— Kalki 2898 AD (@Kalki2898AD) June 9, 2024