Kollywood: ರಿಲೀಸ್‌ ಆಗಿ ತಿಂಗಳೊಳಗೆ ಓಟಿಟಿಗೆ ಬರಲಿದೆ ಕಮಲ್‌ ಹಾಸನ್‌ ʼINDIAN 2ʼ

Team Udayavani, Aug 5, 2024, 4:11 PM IST

ಚೆನ್ನೈ: ಸೂಪರ್‌ ಸ್ಟಾರ್‌ ಕಮಲ್‌ ಹಾಸನ್‌  (Kamal Hasan) ಹಾಗೂ ಶಂಕರ್‌ (Shankar) ಅವರ ʼಇಂಡಿಯನ್‌ -2ʼ (Indian -2) ಓಟಿಟಿ ರಿಲೀಸ್‌ ಗೆ ರೆಡಿಯಾಗಿದೆ.

ಜು.12 ರಂದು ಥಿಯೇಟರ್‌ಗೆ ಬಂದ ʼಇಂಡಿಯನ್‌ -2ʼ ಮೇಲೆ ದೊಡ್ಡ ನಿರೀಕ್ಷೆಯನ್ನಿಟ್ಟುಕೊಳ್ಳಲಾಗಿತ್ತು. ಆದರೆ ಮೊದಲ ದಿನವೇ ಸಿನಿಮಾದ ಬಗ್ಗೆ ಕಳಪೆ ಅಭಿಪ್ರಾಯ ಎಲ್ಲೆಡೆ ಕೇಳಿ ಬಂತು. ಬಾಕ್ಸ್‌ ಆಫೀಸ್‌ ನಲ್ಲೂ ಸಾಮಾನ್ಯ ಗಳಿಕೆ ಕಂಡ ʼಇಂಡಿಯನ್‌ -2ʼ ಈಗ ಓಟಿಟಿಗೆ ರಿಲೀಸ್‌ ಗೆ ಸಿದ್ದವಾಗಿದೆ.

1996ರಲ್ಲಿ ಶಂಕರ್‌ ಕಮಲ್‌ ಹಾಸನ್‌ ಅವರೊಂದಿಗೆ ʼಇಂಡಿಯನ್‌ʼ ಸಿನಿಮಾವನ್ನು ಮಾಡಿದ್ದರು. ಭ್ರಷ್ಟರ ವಿರುದ್ಧ ʼಸೇನಾಪತಿʼಯನ್ನು ಕಾಣಲು ಥಿಯೇಟರ್‌ ಹೌಸ್‌ ಫುಲ್‌ ಆಗಿತ್ತು. ಭ್ರಷ್ಟಾಚಾರದ ವಿರುದ್ಧ ಹೋರಾಟ ಮಾಡುವ ಹಾದಿಯ ಕಥೆಯನ್ನು ಚಿತ್ರದಲ್ಲಿ ತೋರಿಸಲಾಗಿತ್ತು. ಹಿರಿಯ ಸ್ವಾತಂತ್ರ್ಯ ಹೋರಾಟಗಾರನಾಗಿ ಸೇನಾಪತಿ ಹಾಗೂ ಮಗ ಚಂದ್ರಬೋಸ್ ಆಗಿ ಡಬಲ್ ರೋಲ್‌ನಲ್ಲಿ ಕಮಲ್ ಹಾಸನ್ ಕಾಣಿಸಿಕೊಂಡಿದ್ದರು.

Thatha varaaru, kadhara vida poraaru 🔥#Indian2 is coming to Netflix on 9 August in Tamil, Telugu, Malayalam and Kannada!#Indian2OnNetflix pic.twitter.com/cJN0JWaprp

— Netflix India South (@Netflix_INSouth) August 4, 2024

ಸೀಕ್ವೆಲ್‌ನಲ್ಲೂ ಅದೇ ರೀತಿಯ ಕಮಾಲ್‌ ಮಾಡುವ  ನಿರೀಕ್ಷೆ ಇತ್ತು. ಆದರೆ ಸಿನಿಮಾ ಸಕ್ಸಸ್‌ ಕಾಣಲಿಲ್ಲ. ಥಿಯೇಟರ್‌ ನಲ್ಲಿ ಜನಮನ ಗೆಲ್ಲಲು ಸಾಧ್ಯವಾಗದ ʼಇಂಡಿಯನ್‌ -2ʼ ಈಗ ಓಟಿಟಿಗೆ ಬರಲಿದೆ.

ಇದೇ ಆಗಸ್ಟ್‌ 9 ರಂದು ನೆಟ್‌ ಫ್ಲಿಕ್ಸ್‌ ನಲ್ಲಿ ಸಿನಿಮಾ ಸ್ಟ್ರೀಮ್‌ ಆಗಲಿದೆ. ತಮಿಳು, ತೆಲುಗು, ಮಲಯಾಳಂ ಮತ್ತು ಕನ್ನಡ ಭಾಷೆಯಲ್ಲಿ ಸಿನಿಮಾ ಸ್ಟ್ರೀಮ್‌ ಆಗಲಿದೆ.

ʼಇಂಡಿಯನ್‌ -2ʼ ನಲ್ಲಿ ಕಮಲ್‌ ಹಾಸನ್‌ ಜೊತೆಗೆ ಸಿದ್ಧಾರ್ಥ್, ರಕುಲ್‌ ಪ್ರೀತ್‌ ಸಿಂಗ್‌ ಮುಂತಾದವರು ನಟಿಸಿದ್ದಾರೆ

ʼಇಂಡಿಯನ್‌ -3ʼ 2025ಕ್ಕೆ ರಿಲೀಸ್‌ ಆಗುವ ಸಾಧ್ಯತೆ.