Kannappa Movie: ವಿಷ್ಣು ಮಂಚು ʼಕಣ್ಣಪ್ಪʼ ರಿಲೀಸ್‌ಗೆ ಡೇಟ್‌ ಫಿಕ್ಸ್

Team Udayavani, Nov 25, 2024, 1:25 PM IST

ಹೈದರಾಬಾದ್:‌ ಸೆಟ್ಟೇರಿದ ದಿನದಿಂದ ದೊಡ್ಡ ಮಟ್ಟದಲ್ಲಿ ಸದ್ದು ಮಾಡುತ್ತಿರುವ ಪ್ಯಾನ್‌ ಇಂಡಿಯಾ (Pan India) ‘ಕಣ್ಣಪ್ಪʼ (Kannappa) ಚಿತ್ರದ ರಿಲೀಸ್‌ ಡೇಟ್‌ ಸೋಮವಾರ (ನ.25ರಂದು) ರಿವೀಲ್‌ ಆಗಿದೆ.

ಟಾಲಿವುಡ್‌ ನಟ ವಿಷ್ಣು ಮಂಚು (Vishnu Manchu) ಅವರ ಬಿಗ್‌ ಬಜೆಟ್‌ ʼಕಣ್ಣಪ್ಪʼ ಸಿನಿಮಾದಲ್ಲಿ ಮಲ್ಟಿಸ್ಟಾರ್ಸ್‌ಗಳಿದ್ದಾರೆ. ಅತಿಥಿ ಪಾತ್ರಗಳಲ್ಲಿ ದಕ್ಷಿಣ ಭಾರತದ ಖ್ಯಾತ ಕಲಾವಿದರು ಕಾಣಿಸಿಕೊಳ್ಳಲಿದ್ದಾರೆ. ಈ ಕಾರಣದಿಂದಲೂ ಚಿತ್ರ ನಿರೀಕ್ಷೆಯನ್ನು ಹೆಚ್ಚಾಗಿಸಿದೆ.

ಇದನ್ನೂ ಓದಿ: IPL Mega Auction: ಮೊದಲ ದಿನದ ಹರಾಜಿನ ಬಳಿಕ ಎಲ್ಲಾ 10 ತಂಡಗಳು ಹೀಗಿವೆ ನೋಡಿ

ಅಂತಾರಾಷ್ಟ್ರೀಯ ವೇದಿಕೆಯಲ್ಲಿ ʼಕಣ್ಣಪ್ಪʼನಿಗೆ ದೊಡ್ಡಮಟ್ಟದ ರೆಸ್ಪಾನ್ಸ್‌ ಸಿಕ್ಕಿದೆ. ಚಿತ್ರದ ಟೀಸರ್‌ ಪ್ರತಿಷ್ಠಿತ ಕೇನ್ಸ್ ಚಲನಚಿತ್ರೋತ್ಸವದಲ್ಲಿ ರಿಲೀಸ್‌ ಆಗಿ, ಆ ಬಳಿಕ ಭಾರತದಲ್ಲಿ ರಿಲೀಸ್‌ ಆಗಿತ್ತು.

ಇದೀಗ ಚಿತ್ರತಂಡ ಸಿನಿಮಾ ರಿಲೀಸ್‌ ಡೇಟ್‌ ಅನೌನ್ಸ್‌ ಮಾಡಿದೆ. “ಹರ್‌ ಹರ್‌ ಮಹಾದೇವ್” ಎನ್ನುವ ಕ್ಯಾಪ್ಷನ್‌ ಬರೆದು 2025ರ ಏಪ್ರಿಲ್‌  25 ಕ್ಕೆ ʼಕಣ್ಣಪ್ಪʼ ಬಿಡುಗಡೆ ಆಗಲಿದೆ ಎಂದು ವಿಷ್ಣು ಮಂಚು ಪೋಸ್ಟರ್‌ವೊಂದನ್ನು ಹಂಚಿಕೊಂಡು ರಿಲೀಸ್‌ ಡೇಟ್‌ ರಿವೀಲ್‌ ಮಾಡಿದ್ದಾರೆ.

#HarHarMahadevॐ #Kannappa🏹 pic.twitter.com/qGFxAOKp14

— Vishnu Manchu (@iVishnuManchu) November 25, 2024

ಈ ಹಿಂದೆ ʼಕಣ್ಣಪ್ಪʼ ಡಿಸೆಂಬರ್‌ ತಿಂಗಳಿನಲ್ಲಿ ರಿಲೀಸ್‌ ಆಗುತ್ತದೆ ಎನ್ನಲಾಗಿತ್ತು. ʼಪುಷ್ಪ-2ʼ, ʼಗೇಮ್‌ ಚೇಂಜರ್‌ʼ ಜತೆಗಿನ ಬಾಕ್ಸ್‌ ಆಫೀಸ್‌ ರೇಸ್‌ನಿಂದ ಹೊರಗೆ ಉಳಿದು ಸೋಲೋ ರಿಲೀಸ್‌ಗೆ ʼಕಣ್ಣಪ್ಪʼ ಮುಂದಾಗಿದೆ.

ಇತ್ತೀಚೆಗೆ ʼಕಣ್ಣಪ್ಪʼ ಸಿನಿಮಾದಲ್ಲಿನ ಪ್ರಭಾಸ್‌ ಅವರ ಕ್ಯಾರೆಕ್ಟರ್‌ ಫೋಟೋ ಸೋಶಿಯಲ್‌ ಮೀಡಿಯಾದಲ್ಲಿ ಲೀಕ್‌ ಆಗಿತ್ತು. ಪರಿಣಾಮ ಚಿತ್ರತಂಡ ಫೋಟೋ ಲೀಕ್‌ ಮಾಡಿದ ಆರೋಪಿಯನ್ನು ಪತ್ತೆ ಮಾಡಿದವರಿಗೆ 5 ಲಕ್ಷ ನಗದು ನೀಡುವುದಾಗಿ ಘೋಷಿಸಿತ್ತು. ಇದಾದ ನಂತರ ಸ್ವತಃ ಆರೋಪಿಯೇ ತಾನು ಮಾಡಿದ ತಪ್ಪನ್ನು ಒಪ್ಪಿಕೊಂಡಿದ್ದ.

ಮುಖೇಶ್ ಕುಮಾರ್ ಸಿಂಗ್ ನಿರ್ದೇಶನದ ʼಕಣ್ಣಪ್ಪʼ ಸಿನಿಮಾದಲ್ಲಿ ವಿಷ್ಣು ಮಂಚು, ಪ್ರಭಾಸ್‌, ಮೋಹನ್‌ ಲಾಲ್‌, ಕಾಜಲ್ ಅಗರ್ವಾಲ್, ಅಕ್ಷಯ್‌ ಕುಮಾರ್‌, ಮಧುಬಾಲ ಮುಂತಾದವರು ಕಾಣಿಸಿಕೊಳ್ಳಲಿದ್ದಾರೆ.