Drink & Drive Case: ಕುಡಿದು ವಾಹನ ಚಾಲನೆ; ʼಮಂಜುಮ್ಮೆಲ್ ಬಾಯ್ಸ್ʼ ನಟ ಬಂಧನ

Team Udayavani, Nov 25, 2024, 11:11 AM IST

ತಿರುವನಂತಪುರಂ: ಕುಡಿದು ವಾಹನ ಚಲಾಯಿಸಿದಕ್ಕಾಗಿ ʼಮಂಜುಮ್ಮೆಲ್ ಬಾಯ್ಸ್ʼ ನಟ ಗಣಪತಿ (Actor Ganapathi) ಅವರನ್ನು ಪೊಲೀಸರು ಬಂಧಿಸಿರುವುದಾಗಿ ವರದಿಯಾಗಿದೆ.

ಶನಿವಾರ (ನ.23ರಂದು) ರಾತ್ರಿ ನಟ ಗಣಪತಿ ಮದ್ಯದ ಅಮಲಿನಲ್ಲಿ ಅತಿವೇಗದಿಂದ ತಮ್ಮ ವಾಹನ ಡ್ರೈವ್‌ ಮಾಡಿಕೊಂಡು ಅಂಗಮಾಲಿಯಿಂದ ಕಲಮಸ್ಸೆರಿಗೆ ಪ್ರಯಾಣಿಸಿದ್ದಾರೆ.

ಮದ್ಯದ ಅಮಲಿನಲ್ಲಿದ್ದ ಅವರು ಸಿಗ್ನಲ್‌ಗಳನ್ನು ದಾಟಿಕೊಂಡು ಹೋಗಿದ್ದಾರೆ. ಪೊಲೀಸರು ಅವರ ವಾಹನವನ್ನು ತಡೆ ಹಿಡಿಯಲೂ ಯತ್ನಿಸಿದರೂ ವೇಗವಾಗಿ ಅಲ್ಲಿಂದ ಅವರು ಹೋಗಿದ್ದಾರೆ ಎನ್ನಲಾಗಿದೆ.

ಪೊಲೀಸರು ಕಲಮಸ್ಸೆರಿಯಲ್ಲಿ ಅವರನ್ನು ನಿಲ್ಲಿಸಿ ಪರೀಕ್ಷಿಸಿದಾಗ ಮದ್ಯಪಾನ ಮಾಡಿರುವುದು ದೃಢಪಟ್ಟಿದೆ. ಈ ಕುರಿತು ಭಾನುವಾರ (ನ.24ರಂದು) ದೂರು ದಾಖಲಿಸಿ ಮದ್ಯ ಸೇವಿಸಿ ವಾಹನ ಚಲಾಯಿಸಿದ್ದು ಮತ್ತು ಸಂಚಾರ ನಿಯಮದ ಉಲ್ಲಂಘನೆ ಮಾಡಿದ್ದಕ್ಕಾಗಿ ಅವರನ್ನು ಬಂಧಿಸಿ, ಬೇಲ್‌ ಮೇಲೆ ರಿಲೀಸ್‌ ಮಾಡಲಾಗಿದೆ ಎಂದು ವರದಿಯಾಗಿದೆ.

ʼಮಂಜುಮ್ಮೆಲ್ ಬಾಯ್ಸ್ʼ ಸಿನಿಮಾದಲ್ಲಿ ನಟಿಸಿರುವ ಗಣಪತಿ ಬಾಲ್ಯದಿಂದಲೇ ನಟನಾಗಿ ಮಾಲಿವುಡ್‌ ಸಿನಿಮಾರಂಗದಲ್ಲಿ ಗುರುತಿಸಿಕೊಂಡಿದ್ದಾರೆ. ʼವಿನೋದಯಾತ್ರೆʼ, ʼಪ್ರಾಂಚಿಯೆಟ್ಟನ್ʼ & ದಿ ಸೇಂಟ್, ʼಚಿತ್ರಸಾಲಭಂಗಲುಡೆ ವೀಡುʼ ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.