Megastar Chiranjeevi;ವಿಶ್ವಂಭರ ಟೀಸರ್ ಬಿಡುಗಡೆ: ಸದ್ಯದ ಟ್ರೆಂಡ್ ಗೋಚರ

Team Udayavani, Oct 12, 2024, 6:10 PM IST

ಹೈದರಾಬಾದ್ : ಮೆಗಾಸ್ಟಾರ್ ಚಿರಂಜೀವಿ(Megastar Chiranjeevi) ಅವರು ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿರುವ ”ವಿಶ್ವಂಭರ”(VISHWAMBHARA) ಚಿತ್ರದ ಟೀಸರ್ ವಿಜಯದಶಮಿಯ ದಿನ ಶನಿವಾರ(ಅ12) ರಂದು ಬಿಡುಗಡೆಯಾಗಿದೆ. ಬಿಡುಗಡೆಯಾಗಿ 6 ಗಂಟೆಗಳ ಒಳಗೆ 58 ಲಕ್ಷಕ್ಕೂ ಹೆಚ್ಚು ವೀಕ್ಷಣೆ ಪಡೆದಿದೆ.

ಫ್ಯಾಂಟಸಿ ಚಿತ್ರವನ್ನು ಮಲ್ಲಿಡಿ ವಸಿಷ್ಟ ಕಥೆ ಬರೆದು ನಿರ್ದೇಶಿಸಿದ್ದಾರೆ. UV ಕ್ರಿಯೇಷನ್ಸ್ ನಿರ್ಮಾಣ ಮಾಡಿದೆ. ಚಿತ್ರದಲ್ಲಿ ಚಿರಂಜೀವಿ ಅವರರೊಂದಿಗೆ ತ್ರಿಶಾ, ಕುನಾಲ್ ಕಪೂರ್, ಮೀನಾಕ್ಷಿ ಚೌಧರಿ ಮತ್ತು ಆಶಿಕಾ ರಂಗನಾಥ್ ಮುಖ್ಯ ಭೂಮಿಕೆಯಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

2023, ಆಗಸ್ಟ್ ನಲ್ಲಿ ಘೋಷಿಸಲಾದ ಚಿತ್ರದ ಶೂಟಿಂಗ್ 2024 ರ ಜನವರಿಯಲ್ಲಿ ಪ್ರಾರಂಭಿಸಲಾಗಿತ್ತು. 2025 ಜನವರಿ 10 ರಂದು ಬಿಡುಗಡೆ ಮಾಡಲು ಚಿತ್ರ ತಂಡ ನಿರ್ಧಾರ ಮಾಡಿತ್ತು , ಆದರೆ ಅದಿನ್ನೂ ಅಂತಿಮವಾಗಿಲ್ಲ.

ಚಿರಂಜೀವಿ ತೆಲುಗು ಚಿತ್ರರಂಗದ ದಿಗ್ಗಜನಾಗಿ ಭಾರೀ ಸಂಖ್ಯೆಯ ಅಭಿಮಾನಿಗಳನ್ನು ಹೊಂದಿದ್ದಾರೆ. ಸದ್ಯ ‘ವಿಶ್ವಂಭರ’ ಟೀಸರ್ ಬಿಡುಗಡೆಯಾಗಿ ಅಭಿಮಾನಿಗಳಿಗೆ ರಸದೌತಣ ನೀಡಿದ್ದು, ಟೀಸರ್ ನಲ್ಲಿ ಸದ್ಯ ಬರುತ್ತಿರುವ ಚಿತ್ರಗಳ ಶೇಡ್ ಕಾಣಿಸಿದ್ದು, ಚಿತ್ರದ ಕಥಾ ವಸ್ತುವಿನ ಕುರಿತು ಕುತೂಹಲ ಹೆಚ್ಚಿಸಿದ್ದಾರೆ.