Chennai ಪುಸ್ತಕ ಮಾರುವ ನೆಪದಲ್ಲಿ ಖ್ಯಾತ ನಟಿಯ ಕೈಯಲ್ಲಿದ್ದ ಹಣ ಕಸಿದು ಪರಾರಿಯಾದ 8ರ ಬಾಲಕ

Team Udayavani, Nov 4, 2024, 3:21 PM IST

ಚೆನ್ನೈ: ಖ್ಯಾತ ಕಾಲಿವುಡ್‌ – ಟಾಲಿವುಡ್‌ ನಟಿ ನಿವೇತಾ ಪೇತುರಾಜ್ (Nivetha Pethuraj) ಅವರ ಬಳಿಯಿಂದ 8 ವರ್ಷದ ಬಾಲಕನೊಬ್ಬ ಹಣ ಕಸಿದುಕೊಂಡು ಪರಾರಿ ಆಗಿರುಬ ಘಟನೆ ನಡೆದಿದೆ.

ಕಾಲಿವುಡ್‌ – ಟಾಲಿವುಡ್‌ ಸಿನಿಮಾರಂಗದಲ್ಲಿ ಜನಪ್ರಿಯ ನಟಿಯಾಗಿ ಗುರುತಿಸಿಕೊಂಡಿರುವ ನಟಿ ನಿವೇತಾ ಪೇತುರಾಜ್ ತಮ್ಮ ಜತೆ ನಡೆದ ಕಹಿ ಘಟನೆಯೊಂದರ ಬಗ್ಗೆ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: CELEBRITIES: ಶಾರುಖ್‌ ಟು ಸಲ್ಮಾನ್;‌ ಧೂಮಪಾನದ ಚಟಕ್ಕೆ ಬಿದ್ದು ಹೊರಬಂದ ಸೆಲೆಬ್ರಿಟಿಗಳು

ಚೆನ್ನೈನ ಅಡ್ಯಾರ್ ಸಿಗ್ನಲ್ ನಲ್ಲಿ ತಮ್ಮ ಕಾರಿನಲ್ಲಿದ್ದ ನಿವೇತಾ ಅವರ ಬಳಿ 8 ವರ್ಷ ಬಾಲಕನೊಬ್ಬ ಪುಸ್ತಕ ಮಾರುತ್ತಾ ಬಂದಿದ್ದಾನೆ. 50 ರೂಪಾಯಿಗೆ ಪುಸ್ತಕ ಮಾರಾಟ ಮಾಡುತ್ತಿದ್ದ ಬಾಲಕನ ಕೈಗೆ ನಟಿ 100 ರೂಪಾಯಿ ಕೊಟ್ಟಿದ್ದಾರೆ. ಆದರೆ ಈ ವೇಳೆ ಬಾಲಕ ನಟಿಯಿಂದ 500 ರೂಪಾಯಿ ಕೇಳಿದ್ದಾನೆ. ಇದಕ್ಕೆ ನಿವೇತಾ ಅವರು ಕೂಡಲೇ ಪುಸ್ತಕವನ್ನು ಹಿಂದಕ್ಕೆ ಕೊಟ್ಟು 100 ರೂಪಾಯಿ ವಾಪಾಸ್‌ ತೆಗೆದುಕೊಂಡಿದ್ದಾರೆ. ಇದರಿಂದ ಬಾಲಕ ನಟಿಯ ಕಾರಿನೊಳಗೆ ಪುಸ್ತಕ ಬಿಸಾಕಿ ಕೈಯಲ್ಲಿದ್ದ ಹಣವನ್ನು ಕಸಿದು ಸೀದಾ ಓಡಿ ಹೋಗಿದ್ದಾನೆ.

ಈ ಘಟನೆಯ ಬಗ್ಗೆ ನಟಿ ತಮ್ಮ ಇನ್ಸ್ಟಾಗ್ರಾಮ್‌ನಲ್ಲಿ ಬರೆದುಕೊಂಡಿದ್ದಾರೆ. ಸದ್ಯ ಅವರು ಹಂಚಿಕೊಂಡ ಘಟನೆಯ ವಿಚಾರ ಸೋಶಿಯಲ್‌ ಮೀಡಿಯಾದಲ್ಲಿ ವೈರಲ್‌ ಆಗಿದೆ.

ʼಒರು ನಾಲ್ ಕೂತು’ ಸಿನಿಮಾದ ಮೂಲಕ ಕಾಲಿವುಡ್‌ಗೆ ಕಾಲಿಟ್ಟ ನಿವೇತಾ ʼಟಿಕ್‌ ಟಿಕ್‌ ಟಿಕ್‌ʼ ‘ಚಿತ್ರಲಹರಿ’, ‘ಪೊಡುವಗ ಎಮ್ಮನಸು ತಂಗಂ’, ‘ಬ್ರೋಚೆವರೆವರೂರ’ ಸೇರಿದಂತೆ ಹಲವು ತಮಿಳು – ತೆಲುಗು ಸಿನಿಮಾಗಳಲ್ಲಿ ನಟಿಸಿದ್ದಾರೆ.