Prabhas: ಜಪಾನ್‌ ರಿಲೀಸ್‌ ಆಗಲಿದೆ ʼರಾಜಾಸಾಬ್‌ʼ ಆಡಿಯೋ

Team Udayavani, Jan 12, 2025, 3:32 PM IST

ಭಾರತೀಯ ಚಿತ್ರರಂಗದ ಸ್ಟಾರ್‌ ನಟರಿಗೆ ವಿದೇಶದಲ್ಲೂ ಅಭಿಮಾನಿಗಳಿರುವುದು ವಿಶೇಷ. ಅದರಲ್ಲೂ ನಟ ಪ್ರಭಾಸ್‌ ಅವರಿಗೆ ಜಪಾನ್‌ ದೇಶದಲ್ಲಿ ತಕ್ಕಮಟ್ಟಿಗೆ ಕ್ರೇಜ್‌, ಫ್ಯಾನ್‌ ಬೇಸ್‌ ಎರಡೂ ಇದೆ. ಅವರ “ಕಲ್ಕಿ 2898 ಎಡಿ’ ಸಿನಿಮಾ ಜಪಾನ್‌ನಲ್ಲಿ ಬಿಡುಗಡೆಗೊಂಡು ಭರ್ಜರಿ ಪ್ರದರ್ಶನ ಕಂಡಿತ್ತು. ಈಗ ಅವರ ನಟನೆಯ ಮುಂದಿನ ಸಿನಿಮಾ “ರಾಜಾಸಾಬ್‌’ನ ಆಡಿಯೋ ಲಾಂಚ್‌ ಕಾರ್ಯಕ್ರಮ ಜಪಾನ್‌ನಲ್ಲಿ ನಡೆಯಲಿದೆ.

ಜಪಾನ್‌ನಲ್ಲಿ ಭಾರತೀಯ ಚಿತ್ರವೊಂದರ ಆಡಿಯೋ ಬಿಡುಗಡೆಯಾಗುತ್ತಿರುವುದು ಇದೇ ಮೊದಲು ಎಂಬುದು ರಾಜಾಸಾಬ್‌ನ ಹೆಗ್ಗಳಿಕೆಯಾಗಿದೆ. ಸದ್ಯ ರಾಜಾಸಾಬ್‌ ಚಿತ್ರದ ಚಿತ್ರೀಕರಣ ಮುಕ್ತಾಯ ಹಂತದಲ್ಲಿದೆ. ಎಸ್‌. ತಮನ್‌ ಅವರ ಸಂಗೀತ ನಿರ್ದೇಶನದಲ್ಲಿ ಚಿತ್ರದ ಹಾಡುಗಳು ವೈಭವವಾಗಿ ಮೂಡಿ ಬಂದಿದ್ದು, ಅವುಗಳನ್ನು ಜಪಾನ್‌ ಅವತರಣಿಕೆಯಲ್ಲೂ ನಿರ್ಮಿಸಲಾಗುತ್ತಿದೆ.

ಜಪಾನ್‌ನಲ್ಲಿ ಕಲ್ಕಿ ಚಿತ್ರ ಬಿಡುಗಡೆ ವೇಳೆ ಪ್ರಭಾಸ್‌, ಜಪಾನ್‌ ಅಭಿಮಾನಿಗಳೊಂದಿಗೆ ವಿಡಿಯೋ ಮೂಲಕ ಜಪಾನ್‌ ಭಾಷೆಯಲ್ಲೇ ಮಾತನಾಡಿದ್ದರು.