Tollywood: ಲೋಕೇಶ್‌, ಪ್ರಶಾಂತ್‌ ವರ್ಮಾ ಸಿನಿಮ್ಯಾಟಿಕ್ ಯೂನಿವರ್ಸ್ ಗೆ ಪ್ರಭಾಸ್‌ ಎಂಟ್ರಿ?

Team Udayavani, Nov 3, 2024, 4:59 PM IST

ಹೈದರಾಬಾದ್:‌ ಟಾಲಿವುಡ್‌ (Tollywood) ನಟ ಪ್ರಭಾಸ್ (Prabhas) ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾದಲ್ಲಿ ಬ್ಯುಸಿಯಾಗಿದ್ದಾರೆ. ʼಸಲಾರ್‌ʼ, ʼಕಲ್ಕಿʼ ಸಿನಿಮಾ ದೊಡ್ಡ ಹಿಟ್‌ ಆದ ಬಳಿಕ ರೆಬೆಲ್‌ ಸ್ಟಾರ್‌ ಮುಂದಿನ ಸಿನಿಮಾಗಳತ್ತ ಮುಖ ಮಾಡಿದ್ದಾರೆ.

ಪ್ರಭಾಸ್‌ ಮುಂದಿನ ಸಿನಿಮಾಗಳು ಸೆಟ್ಟೇರುವ ಮುನ್ನವೇ ದೊಡ್ಡದಾಗಿಯೇ ಸೌಂಡ್‌ ಮಾಡುತ್ತಿದೆ. ʼರಾಜಾಸಾಬ್‌ʼ(Raja Saab) ಸಿನಿಮಾದಲ್ಲಿ ಬ್ಯುಸಿಯಾಗಿದ್ದು, ಆ ಬಳಿಕ ಸಂದೀಪ್‌ ವಂಗಾ (Sandeep Reddy Vanga) ಅವರ ʼಸ್ಪಿರಿಟ್‌ʼ(Spirit) ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗುತ್ತಿದೆ.

ಇದಾದ ನಂತರ ʼಸಲಾರ್-‌2ʼ , ಹನು ರಾಘವಪುಡಿ ಅವರ ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಇದೀಗ ಈ ಸಿನಿಮಾಗಳ ಸಾಲಿಗೆ ಮತ್ತೆರೆಡು ಸಿನಿಮಾಗಳು ಸೇರಿವೆ.

ಇದನ್ನೂ ಓದಿ:  Guruprasad: ಲಾಟರಿ ಮಾರುತ್ತಿದ್ದ ಹುಡುಗ ʼಮಠʼ ಕಟ್ಟಿ ʼರಂಗನಾಯಕʼನಾಗಿ ಬೆಳೆದಿದ್ದೇಗೆ?

ಪ್ರಭಾಸ್‌ ಮುಂದೆ ಲೋಕೇಶ್ ಕನಕರಾಜ್ (Lokesh Kanagaraj) ಮತ್ತು ಪ್ರಶಾಂತ್ ವರ್ಮಾ (Prasanth Varma) ಜತೆಗೆ ಪ್ರಭಾಸ್‌ ಅವರು ಸಿನಿಮಾ ಮಾಡಲಿದ್ದಾರೆ ಎಂದು ʼಗುಲ್ಟೆʼ ವರದಿ ಮಾಡಿದೆ.

ಪ್ರಭಾಸ್ ಈ ನಿರ್ದೇಶಕರ ಸಿನಿಮಾ ಯೂನಿವರ್ಸ್‌ಗೆ ಸೇರಲಿದ್ದಾರೆ ಎನ್ನಲಾಗಿದೆ. ಲೋಕೇಶ್ ಕನಗರಾಜ್ ಅವರ ಸಿನಿಮ್ಯಾಟಿಕ್ ಯೂನಿವರ್ಸ್ (LCU) ಮತ್ತು ಪ್ರಶಾಂತ್ ವರ್ಮಾ ಅವರ ಸಿನಿಮ್ಯಾಟಿಕ್ ಯೂನಿವರ್ಸ್ (PVCU) ಪ್ರಾಜೆಕ್ಟ್‌ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎಂದು ವರದಿಯಾಗಿದೆ.

ಲೋಕೇಶ್ ಕನಕರಾಜ್ ಅವರ LCU 2019 ರಲ್ಲಿ ಕಾರ್ತಿ ಅಭಿನಯದ ʼಕೈಥಿʼಯೊಂದಿಗೆ ಪ್ರಾರಂಭವಾಯಿತು. ಕಮಲ್ ಹಾಸನ್ ನಟಿಸಿದ ವಿಕ್ರಮ್ ಮತ್ತು ದಳಪತಿ ವಿಜಯ್ ನಟಿಸಿದ ಲಿಯೋ ಚಿತ್ರಗಳಲ್ಲಿ ಇದು ವಿಸ್ತರಣೆ ಆಗಿದೆ.

ಪ್ರಶಾಂತ್‌ ವರ್ಮಾ ಅವರು ತೇಜ ಸಜ್ಜಾ ನಟಿಸಿದ ಹನುಮಾನ್ ಚಿತ್ರದೊಂದಿಗೆ ತಮ್ಮ ಹಿಂದೂ ಪುರಾಣ ಆಧಾರಿತ ಸೂಪರ್ ಹೀರೋ ಸಿನಿಮ್ಯಾಟಿಕ್ ಯೂನಿವರ್ಸ್ ಪ್ರಾರಂಭಿಸಿದ್ದಾರೆ. ಸದ್ಯ ಪ್ರಶಾಂತ್‌ ವರ್ಮ ಅವರ ʼಜೈ ಹನುಮಾನ್‌ʼ ಸಿನಿಮಾದ ಫಸ್ಟ್‌ ಲುಕ್‌ ಪೋಸ್ಟರ್‌ ಬಂದಿದೆ.

ಪ್ರಭಾಸ್‌ ಲೋಕೇಶ್‌, ಪ್ರಶಾಂತ್‌ ಸಿನಿಮಾದಲ್ಲಿ ನಟಿಸುವ ಬಗ್ಗೆ ಮುಂದಿನ ದಿನಗಳಲ್ಲಿ ಹೆಚ್ಚಿನ ಮಾಹಿತಿ ಬರಬೇಕಿದೆ.