ನಿಶ್ಚಿತಾರ್ಥ ಸುದ್ದಿಯ ಬೆನ್ನಲ್ಲೇ ಜೊತೆಯಾಗಿ ವಿಯೆಟ್ನಾಂ ಸುತ್ತಾಡಿದ ರಶ್ಮಿಕಾ – ದೇವರಕೊಂಡ?

Team Udayavani, Jan 15, 2024, 6:02 PM IST

ಹೈದರಾಬಾದ್: ನಟಿ ರಶ್ಮಿಕಾ – ದೇವರಕೊಂಡ ಅವರು ಡೇಟಿಂಗ್‌ ನಲ್ಲಿದ್ದಾರೆ ಎನ್ನುವ ಮಾತುಗಳು ಹರಿದಾಡುತ್ತಿರುವುದು ಹೊಸದೇನಲ್ಲ. ಇಬ್ಬರು ಎಲ್ಲಿ ಹೋದರು ಡೇಟಿಂಗ್‌ ವಿಚಾರ ಚರ್ಚೆಗೆ ಬರುತ್ತದೆ. ಇತ್ತೀಚೆಗಿನ ಇಬ್ಬರ ಫೋಟೋಗಳು ವೈರಲ್‌ ಆಗಿದ್ದು, ಜೊತೆಯಾಗಿಯೇ ತಿರುಗಾಡಲು ಹೋಗಿದ್ದಾರೆ ಎನ್ನಲಾಗುತ್ತಿದೆ.

ರಶ್ಮಿಕಾ – ವಿಜಯ್‌ ದೇವರಕೊಂಡ ರಿಲೇಷನ್‌ ಬಗ್ಗೆ ಸಿನಿವಲಯದಲ್ಲಿ ಹತ್ತಾರು ಗಾಸಿಪ್‌ ಗಳು ಹಬ್ಬಿವೆ. ಫೆಬ್ರವರಿ ತಿಂಗಳಿನಲ್ಲಿ ರಶ್ಮಿಕಾ – ದೇವರಕೊಂಡ ಅವರು ಎಂಗೇಜ್‌ ಮೆಂಟ್‌ ಮಾಡಿಕೊಳ್ಳಲಿದ್ದಾರೆ ಎನ್ನುವ ವಿಚಾರ ವೈರಲ್‌ ಆಗಿದೆ. ಆದರೆ ಈ ಬಗ್ಗೆ ಯಾವ ಅಧಿಕೃತ ಮಾಹಿತಿಯೂ ಹೊರಬಿದ್ದಿಲ್ಲ.

ಇದೀಗ ರಶ್ಮಿಕಾ – ದೇವರಕೊಂಡ ಅವರು ಜೊತೆಯಾಗಿಯೇ ವಿಯೆಟ್ನಾಂ ಸುತ್ತಾಟದಲ್ಲಿದ್ದಾರೆ ಎನ್ನಲಾಗುತ್ತಿದ್ದು, ಈ ಸಂಬಂಧ ಇಬ್ಬರ ಫೋಟೋ ನೋಡಿ ನೆಟ್ಟಿಗರು ನಾನಾ ಕಮೆಂಟ್‌ ಮಾಡುತ್ತಿದ್ದಾರೆ.

ಇದನ್ನೂ ಓದಿ: Salaar OTT release: ಓಟಿಟಿ ರಿಲೀಸ್‌ಗೆ ರೆಡಿಯಾದ ʼಸಲಾರ್‌ʼ; ಈ ದಿನದಿಂದ ಸ್ಟ್ರೀಮಿಂಗ್?‌

ಟೋಪಿ ಹಾಕಿಕೊಂಡು ರಶ್ಮಿಕಾ ಅವರು ಫೋಟೋವೊಂದನ್ನು ಅಪ್ಲೋಡ್‌ ಮಾಡಿದ್ದಾರೆ. ಇದಕ್ಕೂ ಮೊದಲು ವಿಯೆಟ್ನಾಂನಲ್ಲಿ ವಿಜಯ್‌ ದೇವರಕೊಂಡ ಸಮಯ ಕಳೆದಿದ್ದರು. ರಶ್ಮಿಕಾ ಅವರ ಫೋಟೋವನ್ನು ನೋಡಿ “ಟೋಪಿಯನ್ನು ದೇವರಕೊಂಡ ಬಳಿ ನೋಡಿದ್ದೇವೆ” ಎಂದು ನೆಟ್ಟಿಗರೊಬ್ಬರು ಕಮೆಂಟ್‌ ಮಾಡಿದ್ದಾರೆ. “ಇದು ದೇವರಕೊಂಡ ಅವರ ಟೋಪಿ” ಎಂದು ಮತ್ತೊಬ್ಬರು ಕಮೆಂಟ್‌ ಮಾಡಿದ್ದಾರೆ.

ಇಬ್ಬರ ಫೋಟೋ ನೋಡಿ,ವಿಯೆಟ್ನಾಂ ಮಾರುಕಟ್ಟೆಯನ್ನು ನೋಡಿ ರಶ್ಮಿಕಾ – ದೇವರಕೊಂಡ ಒಂದೇ ಕಡೆ ಇದ್ದಾರೆ. ಫೋಟೋವನ್ನು ರಶ್ಮಿಕಾ ಕ್ಲಿಕ್ಕಿಸಿದ್ದಾರೆ ಎನ್ನುವ ಕಮೆಂಟ್‌ ನ್ನು ನೆಟ್ಟಿಗರು ಮಾಡಿದ್ದಾರೆ.

ಇಬ್ಬರು ಜೊತೆಯಾಗಿಯೇ ವಿಯೆಟ್ನಾಂ ಹೋಗಿದ್ದಾರೆ ಎನ್ನುವ ಮಾತುಗಳು ಫ್ಯಾನ್ಸ್‌ ವಲಯದಲ್ಲಿ ಹರಿದಾಡುತ್ತಿದೆ.

ರಶ್ಮಿಕಾ , ದೇವರಕೊಂಡ ʼಗೀತಾ ಗೋವಿಂದಂʼ, ʼಡಿಯರ್‌ ಕಾಮ್ರೆಡ್‌ʼ ಸಿನಿಮಾದಲ್ಲಿ ಜೊತೆಯಾಗಿ ನಟಿಸಿದ ಬಳಿಕ ಆತ್ಮೀಯರಾಗಿ ಕಾಣಿಸಿಕೊಂಡಿದ್ದಾರೆ.