Salaar cast fees: ʼಸಲಾರ್‌ʼನಲ್ಲಿ ನಟಿಸಲು ಸ್ಟಾರ್‌ಗಳು ಪಡೆದ ಸಂಭಾವನೆ ಎಷ್ಟು?

Team Udayavani, Dec 20, 2023, 6:54 PM IST

ಹೈದರಾಬಾದ್: ಬಹು ನಿರೀಕ್ಷಿತ ಪ್ಯಾನ್‌ ಇಂಡಿಯಾ ʼಸಲಾರ್‌ʼ ರಿಲೀಸ್‌ ಎರಡು ದಿನಗಳು ಮಾತ್ರ ಬಾಕಿ ಉಳಿದಿದೆ. ರಿಲೀಸ್‌ ಡೇಟ್ ಸಮೀಪಕ್ಕೆ ಬರುತ್ತಿದ್ದಂತೆ ಪ್ರೇಕ್ಷಕರ ಕುತೂಹಲವೂ ಹೆಚ್ಚಾಗಿದೆ.

ʼಕೆಜಿಎಫ್‌ʼ ಬಳಿಕ ಪ್ರಶಾಂತ್‌ ನೀಲ್‌ ಅವರಿಗೆ ಹಾಗೂ ʼಬಾಹುಬಲಿʼ ಬಳಿಕ ಪ್ರಭಾಸ್‌ ಅವರಿಗೆ ʼಸಲಾರ್‌ʼ ಮತ್ತೊಂದು ಬಿಗ್‌ ಹಿಟ್‌ ತಂದುಕೊಡುವ ನಿರೀಕ್ಷೆಯಿದೆ. ʼಸಲಾರ್‌ʼ ನಲ್ಲಿ ಮಲ್ಟಿಸ್ಟಾರ್ಸ್‌ ಗಳಿದ್ದಾರೆ. ಸಿನಿಮಾವನ್ನು ಹೊಂಬಾಳೆ ಫಿಲ್ಮ್ಸ್‌ 400 ಕೋಟಿ ಬಜೆಟ್‌ ನಲ್ಲಿ ನಿರ್ಮಿಸಿದೆ ಎನ್ನಲಾಗಿದೆ. ದೊಡ್ಡ ದೊಡ್ಡ ಸ್ಟಾರ್ಸ್‌ ಗಳು ʼಸಲಾರ್‌ʼ ನಲ್ಲಿ ನಟಿಸಲು ಪಡೆದ ಸಂಭಾವನೆ ಎಷ್ಟು ಎನ್ನುವುದರ ಬಗ್ಗೆ ʼಫೈನಾನ್ಶಿಯಲ್ ಎಕ್ಸ್‌ಪ್ರೆಸ್ʼ ವರದಿ ಮಾಡಿದೆ.

ಪ್ರಭಾಸ್:‌ ʼಸಲಾರ್‌ʼ ಸಿನಿಮಾದ ಪ್ರಧಾನ ಪಾತ್ರ ಅಂದರೆ ಅದು ಪ್ರಭಾಸ್‌ʼ ಮಾಸ್‌ ಲುಕ್‌ ನಲ್ಲಿ ಸಿನಿಮಾದಲ್ಲಿ ಅವರು ಕಾಣಿಸಿಕೊಂಡಿದ್ದಾರೆ. ʼದೇವʼ ಎನ್ನುವ ಪಾತ್ರವನ್ನು ಪ್ರಭಾಸ್‌ ಮಾಡಿದ್ದು, ಸ್ನೇಹಿತನಾಗಿ ʼಖಾನ್ಸರ್‌ʼ ಅಖಾಡದಲ್ಲಿ ಒಂಟಿಯಾಗಿ ಫೈಟ್‌ ಮಾಡುವುದನ್ನು ನೋಡಲು ಪ್ರೇಕ್ಷಕರು ತುದಿಗಾಲಲ್ಲಿ ನಿಂತಿದ್ದಾರೆ. ʼಬಾಹುಬಲಿʼ ಯ ಬಳಿಕ ಪ್ರಭಾಸ್‌ ಅವರ ಖ್ಯಾತಿ ಹೆಚ್ಚಾಗಿದೆ. ಅವರು ಸಿನಿಮಾದಲ್ಲಿ ನಟಿಸಲು ದುಬಾರಿ ಸಂಭಾವನೆ ಪಡೆಯುವ ನಟರ ಸಾಲಿನಲ್ಲಿದ್ದಾರೆ.

ʼಸಲಾರ್‌ʼ ಸಿನಿಮಾದಲ್ಲಿ ಅವರು ʼದೇವʼನ ಪಾತ್ರಕ್ಕಾಗಿ ಬರೋಬ್ಬರಿ 100 ಕೋಟಿ ರೂಪಾಯಿ ಸಂಭಾವನೆಯನ್ನು ಪಡೆದಿದ್ದಾರೆ. ಇದರ ಜೊತೆ ಸಿನಿಮಾದಿಂದ ಬರುವ  ಲಾಭದಲ್ಲಿ ಶೇ.10 ರಷ್ಟು ಲಾಭವನ್ನು ಅವರು ಪಡೆಯಲಿದ್ದಾರೆ ಎಂದು ʼಫೈನಾನ್ಶಿಯಲ್ ಎಕ್ಸ್‌ಪ್ರೆಸ್ʼ ವರದಿ ಮಾಡಿದೆ.

ಪ್ರಶಾಂತ್‌ ನೀಲ್‌ ಸಂಭಾವನೆ ಎಷ್ಟು? ʼಕೆಜಿಎಫ್‌ʼ ಸಿನಿಮಾದ ಬಳಿಕ ಪ್ಯಾನ್‌ ಇಂಡಿಯಾ ಡೈರೆಕ್ಟರ್‌ ಆಗಿ ಖ್ಯಾತಿಗಳಿಸಿರುವ ಪ್ರಶಾಂತ್‌ ನೀಲ್‌ ʼಸಲಾರ್‌ʼ ಮೂಲಕ ಮತ್ತೊಮ್ಮೆ ಮೋಡಿ ಮಾಡಲು ತಯಾರಾಗಿದ್ದಾರೆ. ಪ್ರಶಾಂತ್‌ ನೀಲ್‌ ʼಸಲಾರ್‌ʼ ಸಿನಿಮಾವನ್ನು ಬರೆದು ನಿರ್ದೇಶಿಸಲು 50 ಕೋಟಿ ಸಂಭಾವನೆಯನ್ನು ಪಡೆದಿದ್ದಾರೆ ಎಂದು ವರದಿ ತಿಳಿಸಿದೆ.

ಪೃಥ್ವಿರಾಜ್ ಸುಕುಮಾರನ್ ʼಸಲಾರ್ ʼಸಂಭಾವನೆ ಎಷ್ಟು? ʼಸಲಾರ್‌ʼ ಸಿನಿಮಾದಲ್ಲಿ ಪ್ರಭಾಸ್‌ ನಷ್ಟೇ ಪ್ರಧಾನವಾಗಿ ಕಾಣಿಸಿಕೊಳ್ಳುವವರು ಪೃಥ್ವಿರಾಜ್ ಸುಕುಮಾರನ್. ಮಾಲಿವುಡ್‌ ಸೂಪರ್‌ ಸ್ಟಾರ್‌ ಪ್ಯಾನ್‌ ಇಂಡಿಯಾ ʼಸಲಾರ್‌ʼ ನಲ್ಲಿ ʼವರದರಾಜ ಮನ್ನಾರ್ʼ ಆಗಿ ಕಾಣಿಸಿಕೊಳ್ಳಲಿದ್ದಾರೆ. ʼದೇವʼನ ಸ್ನೇಹಿತನಾಗಿ ಅವರು ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದು, ಅವರ ಪಾತ್ರಕ್ಕಾಗಿ ಪೃಥ್ವಿರಾಜ್‌ 4 ಕೋಟಿಯ ಸಂಭಾವನೆಯನ್ನು ಪಡೆದಿದ್ದಾರೆ ಎಂದು ವರದಿ ತಿಳಿಸಿದೆ.

ಇನ್ನುಳಿದಂತೆ ಸಿನಿಮಾದ ಇತರ ಪ್ರಮುಖಗಳಲ್ಲಿ ಕಾಣಿಸಿಕೊಂಡಿರುವ ನಟಿ ಶ್ರುತಿ ಹಾಸನ್ ತನ್ನ ಪಾತ್ರಕ್ಕಾಗಿ 8  ಕೋಟಿ ರೂಪಾಯಿಯನ್ನು ಸಂಭಾವನೆಯಾಗಿ ಪಡೆದಿದ್ದಾರೆ ಎಂದು ವರದಿ ತಿಳಿಸಿದೆ.

ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸುತ್ತಿರುವ ಜಗಪತಿ ಬಾಬು ಅವರು ತಮ್ಮ ಸಂಭಾವನೆಯಾಗಿ 4 ಕೋಟಿ ಚಾರ್ಜ್ ಮಾಡಿದ್ದಾರೆ ಎಂದು ವರದಿ ತಿಳಿಸಿದೆ.

ಬಹು ನಿರೀಕ್ಷಿತ ʼಸಲಾರ್‌ʼ ಸಿನಿಮಾ ಇದೇ ಡಿ.22 ರಂದು ತೆರೆ ಕಾಣಲಿದೆ.