Thalapathy 69: ರಿಲೀಸ್ ಗೂ ಮುನ್ನ ಕೋಟಿ‌ ಕೋಟಿ ಕಮಾಯಿ ಮಾಡಿದ ವಿಜಯ್ ಕೊನೆಯ ಸಿನಿಮಾ

Team Udayavani, Nov 6, 2024, 11:07 AM IST

ಚೆನ್ನೈ: ದಳಪತಿ ವಿಜಯ್  (Thalapathy Vijay) ಅವರ ವೃತ್ತಿ ‌ಜೀವನದ ಕೊನೆಯ ಸಿನಿಮಾವೆಂದೇ ಹೇಳಲಾಗುತ್ತಿರುವ ‘ದಳಪತಿ 69’ (Thalapathy 69) ರಿಲೀಸ್ ಗೂ ಮುನ್ನ ಕಾಲಿವುಡ್ ನಲ್ಲಿ ಟ್ರೆಂಡ್ ಕ್ರಿಯೇಟ್ ಮಾಡಿದೆ.

ವಿಜಯ್ ಸಿನಿಮಾಗಳು ಬಾಕ್ಸಾಫೀಸ್ ನಲ್ಲಿ ಚಿನ್ನದ ಮೊಟ್ಟೆಯಿಡುವ ಕೋಳಿಯಂತೆ ಕೋಟಿ ಕೋಟಿ ಕಮಾಯಿ ಮಾಡುತ್ತದೆ. ಹೀಗಾಗಿ ವಿಜಯ್ ಕೇಳಿದ್ದಷ್ಟು ಸಂಭಾವನೆಯನ್ನು ನಿರ್ಮಾಪಕರು ಅವರ ಜೇಬಿಗೆ ಹಾಕುತ್ತಾರೆ.

ಹೆಚ್. ವಿನೋದ್ (H. Vinoth) ಅವರು ನಿರ್ದೇಶನ ಮಾಡಲಿರುವ ಈ ಸಿನಿಮಾಕ್ಕೆ ಕನ್ನಡದ ಕೆವಿಎನ್ ಪ್ರೊಡಕ್ಷನ್ಸ್ (Kvn Productions)  ಬಂಡವಾಳ ಹಾಕಲಿದೆ.

ಇದನ್ನೂ ಓದಿ: Kantara: Chapter 1: ‘ಕಾಂತಾರ’ ಸೆಟ್ ಗೆ ಮರಳಿದ ರಿಷಬ್; ಮೂರನೇ ಹಂತದ ಚಿತ್ರೀಕರಣ ಶುರು

ಸಿನಿಮಾದಲ್ಲಿ ನಟಿಸಲು ‌’ಮಾಸ್ಟರ್’ ಬರೋಬ್ಬರಿ‌ 275 ಕೋಟಿ ರೂ. ಸಂಭಾವನೆ ‌ಪಡೆಯಲಿದ್ದಾರೆ ಎನ್ನುವ ಮಾತಗಳು ಕೇಳಿ ಬರುತ್ತಿದೆ. ಈ ಮಾತಿನ ನಡುವೆಯೇ ಇದೀಗ ಸಿನಿಮಾದ ವಿದೇಶಿ ಹಂಚಿಕೆ ಹಕ್ಕು ಬರೋಬ್ಬರಿ 78 ಕೋಟಿ ರೂಪಾಯಿಗೆ ಮಾರಾಟ ಆಗಿದೆ ಎಂದು ವರದಿಯಾಗಿದೆ.

ವಿಜಯ್ ಅವರ ‘ಗೋಟ್’ ಸಿನಿಮಾವನ್ನು ವಿತರಣೆ ಮಾಡಿದ್ದ  ಫಾರ್ಸ್ ಫಿಲ್ಮ್ಸ್‌ ‘ದಳಪತಿ‌ 69’ ಸಿನಿಮಾದ ವಿದೇಶಿ ವಿತರಣೆಯ ಹಕ್ಕನ್ನು ಪಡೆದುಕೊಂಡಿದೆ ಎಂದು ವರದಿಯಾಗಿದೆ.

2025ರ ಅಕ್ಟೋಬರ್‌ ನಲ್ಲಿ ಸಿನಿಮಾ ರಿಲೀಸ್‌ ಆಗಲಿದೆ ಎಂದು ಈಗಾಗಲೇ ಚಿತ್ರತಂಡ ಅನೌನ್ಸ್‌ ಮಾಡಿದೆ.

ಚಿತ್ರತಂಡ ಒಂದೊಂದೇ ಪಾತ್ರವರ್ಗವನ್ನು ರಿವೀಲ್‌ ಮಾಡುತ್ತಿದೆ.  ಬಾಲಿವುಡ್‌ ನಟ ಬಾಬಿ ಡಿಯೋಲ್ (Bobby Deol), ಪೂಜಾ ಹೆಗ್ಡೆ(Pooja Hegde), ಮಮಿತಾ ಬೈಜು (Mamitha Baiju), ಪ್ರಕಾಶ್‌ ರಾಜ್‌ (Prakash Raj) ಸಿನಿಮಾದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.