Kollywood: ದೀಪಾವಳಿ ಹಬ್ಬಕ್ಕೆ ಕಾಲಿವುಡ್‌ನಲ್ಲಿ ದೊಡ್ಡ ಸಿನಿಮಾಗಳ ಪೈಪೋಟಿ

Team Udayavani, Aug 1, 2024, 1:34 PM IST

ಚೆನ್ನೈ: ಕಾಲಿವುಡ್‌ ನಲ್ಲಿ(Kollywood) ಬಿಗ್‌ ಬಜೆಟ್‌ ಸಿನಿಮಾಗಳ ರಿಲೀಸ್‌ ಗೆ ಪೈಪೋಟಿ ಶುರುವಾಗಿದೆ. ರಜಾ ದಿನಗಳಲ್ಲಿ ತಮ್ಮ ಸಿನಿಮಾವನ್ನು ರಿಲೀಸ್‌ ಮಾಡಬೇಕೆನ್ನುವ ಯೋಜನೆಯನ್ನು ಈಗಾಗಲೇ ಚಿತ್ರತಂಡಗಳು ಹಾಕಿಕೊಂಡಿದೆ.

ಪ್ರತಿವರ್ಷ ಕಾಲಿವುಡ್‌, ಟಾಲಿವುಡ್‌ನಲ್ಲಿ ಸಂಕ್ರಾಂತಿ ಹಬ್ಬದಂದು ದೊಡ್ಡ ಸಿನಿಮಾಗಳು ರಿಲೀಸ್‌ ಆಗುತ್ತವೆ. ಈ ವರ್ಷ ಸ್ವಾತಂತ್ರ್ಯ ದಿನ ಹಾಗೂ ದೀಪಾವಳಿ ಹಬ್ಬಕ್ಕೆ ಬಾಕ್ಸ್‌ ಆಫೀಸ್‌ ಪೈಪೋಟಿ ಉಂಟಾಗಲಿದೆ.

ದೀಪಾವಳಿ ಹಬ್ಬಕ್ಕೆ ಕಾಲಿವುಡ್‌ ಬ್ಯುಸಿ: ಈ ವರ್ಷ ಕಾಲಿವುಡ್‌ ನಲ್ಲಿ ಬಹುನಿರೀಕ್ಷಿತ ಸಿನಿಮಾಗಳು ತೆರೆಗೆ ಬರಲಿದೆ. ವರ್ಷದ ದ್ವಿತೀಯಾರ್ಧದಲ್ಲಂತೂ ಸ್ಟಾರ್‌ ನಟರ ಸಿನಿಮಾಗಳೇ ಹೆಚ್ಚಾಗಿ ತೆರೆಗೆ ಬರಲಿದೆ.

ದೀಪಾವಳಿ ರಜಾ ದಿನವನ್ನು ಗುರಿಯಾಗಿಸಿಕೊಂಡು ಶಿವಕಾರ್ತಿಕೇಯನ್ (Sivakarthikeyan) ಅವರ  ಬಹು ನಿರೀಕ್ಷಿತ ವಾರ್‌ ಬಯೋಪಿಕ್‌ ʼಅಮರನ್ʼ (Amaran) ಅಕ್ಟೋಬರ್‌ 31ರಂದು ರಿಲೀಸ್‌ ಆಗಲಿದೆ. ದೀಪಾವಳಿ ಹಬ್ಬದಂದೇ ಈ ಸಿನಿಮಾ ತೆರೆ ಕಾಣಲಿದೆ.

ಇನ್ನು ರಿಲೀಸ್‌ ಡೇಟ್‌ ಅಧಿಕೃತವಾಗಿಲ್ಲದಿದ್ರೂ ದೀಪಾವಳಿ ಹಬ್ಬದ ಸಂದರ್ಭದಲ್ಲೇ ರಿಲೀಸ್‌ ಆಗಬಹುದು ಎನ್ನಲಾಗುತ್ತಿರುವ ಸಿನಿಮಾಗಳ ಸಾಲಿನಲ್ಲಿ ಸ್ಟಾರ್‌ ನಟರ ಚಿತ್ರಗಳು ಸೇರಿವೆ.

ಸೂಪರ್‌ ಸ್ಟಾರ್‌ ರಜಿನಿಕಾಂತ್‌ (Rajinikanth) ಅವರ ʼವೆಟ್ಟೈಯನ್‌ʼ (Vettaiyan), ಅಜಿತ್‌ ಕುಮಾರ್ (Ajith Kumar) ಅವರ  ‘ವಿದಾಮುಯಾರ್ಚಿʼ (Vidaamuyarchi) ದೀಪಾವಳಿ ರಿಲೀಸ್‌ ಮೇಲೆ ಕಣ್ಣಿಟ್ಟಿದೆ. ಈ ಎರಡೂ ಸಿನಿಮಾಗಳನ್ನು ಲೈಕಾ ಪ್ರೊಡಕ್ಷನ್ಸ್ ನಿರ್ಮಾಣ ಮಾಡುತ್ತಿದೆ.

ಇದರಲ್ಲಿ ʼವಿದಾಮುಯಾರ್ಚಿʼ ದೀಪಾವಳಿ ಹಬ್ಬಕ್ಕೆ ರಿಲೀಸ್‌ ಆಗುವ ಯೋಜನೆ ಹಾಕಿಕೊಂಡಿದ್ದು, ʼವೆಟ್ಟೈಯನ್‌ʼ ಸೂರ್ಯ (Suriya) ಅವರ ʼಕಂಗುವʼ (Kanguva) ಜೊತೆ ಪೈಪೋಟಿಗಿಳಿಯುವ ಸಾಧ್ಯತೆಯಿದೆ ಎನ್ನಲಾಗಿದೆ. ʼಕಂಗುವʼ ಅಕ್ಟೋಬರ್‌ 10ಕ್ಕೆ ರಿಲೀಸ್‌ ಆಗಲಿದೆ.

ಈ ಎಲ್ಲಾ ಸಿನಿಮಾಗಳ ನಡುವೆ ಈಗ ಮತ್ತೊಬ್ಬ ಸ್ಟಾರ್‌ ನಟನ ಸಿನಿಮಾ ಕೂಡ ದೀಪಾವಳಿ ಹಬ್ಬದ ಸಂದರ್ಭದಲ್ಲೇ ರಿಲೀಸ್‌ ಆಗಲಿದೆ ಎನ್ನಲಾಗುತ್ತಿದೆ.

ಜಯಂ ರವಿ (Jayam Ravi) ಅವರ ʼಬ್ರದರ್‌ʼ (Brother)  ದೀಪಾವಳಿ ಹಬ್ಬಕ್ಕೆ ರಿಲೀಸ್‌ ಆಗಲಿದೆ ಎನ್ನುವ ಮಾತು ಕಾಲಿವುಡ್‌ ನಲ್ಲಿ ಕೇಳಿ ಬರುತ್ತಿದೆ.

ಸಾಲು ಸಾಲಾಗಿ ಕಾಲಿವುಡ್‌ ನಲ್ಲಿ ದೀಪಾವಳಿ ಹಬ್ಬಕ್ಕೆ ಸಿನಿಮಾಗಳು ತೆರೆ ಕಾಣುವ ಸಾಧ್ಯತೆಯಿದ್ದು ಬಾಕ್ಸ್‌ ಆಫೀಸ್‌ ನಲ್ಲಿ ಯಾವ ಸಿನಿಮಾ ಕಮಾಲ್‌ ಮಾಡುತ್ತದೆ ಎನ್ನುವುದನ್ನು ಕಾದುನೋಡಬೇಕಿದೆ.