Fauji Movie: ಪ್ರಭಾಸ್‌ ʼಫೌಜಿʼ ಮುಹೂರ್ತಕ್ಕೆ ಸಾಥ್‌ ಕೊಟ್ಟ ನೀಲ್;‌ ಫಸ್ಟ್‌ ಲುಕ್‌ ಔಟ್

Team Udayavani, Aug 17, 2024, 5:24 PM IST

ಹೈದರಾಬಾದ್:‌ ʼಕಲ್ಕಿ 2898 ಎಡಿʼ ಬಳಿಕ ಡಾರ್ಲಿಂಗ್‌ ಪ್ರಭಾಸ್‌ (Prabhas) ಕಾಣಿಸಿಕೊಳ್ಳುತ್ತಿರುವ ಹೊಸ ಸಿನಿಮಾದ ಮುಹೂರ್ತ ಕಾರ್ಯಕ್ರಮ ಶನಿವಾರ(ಆ.17ರಂದು) ನೆರವೇರಿದೆ.

ʼಸೀತಾ ರಾಮಂʼ ಸಿನಿಮಾವನ್ನು ನಿರ್ದೇಶನ ಮಾಡಿರುವ ಹನು ರಾಘವಪುಡಿ (Hanu Raghavapudi) ನಿರ್ದೇಶನದ ʼಫೌಜಿʼ(Fauji) ಸಿನಿಮಾದ ಮುಹೂರ್ತ ಅದ್ಧೂರಿಯಾಗಿ ನೆರವೇರಿದೆ. ಈ ಕಾರ್ಯಕ್ರಮಕ್ಕೆ ನಿರ್ದೇಶಕ ಪ್ರಶಾಂತ್‌ ನೀಲ್‌ (Prashanth Neel) ಬಂದು ಶುಭಕೋರಿದ್ದಾರೆ.

ಮುಹೂರ್ತ ಬಳಿಕ ಚಿತ್ರ ತಂಡ ಫಸ್ಟ್‌ ಲುಕ್‌ ಪೋಸ್ಟರ್‌ ರಿಲೀಸ್‌ ಮಾಡಿ ಕುತೂಹಲ ಹೆಚ್ಚಿಸಿದೆ.

1940ರ ಸಮಯದಲ್ಲಿ ನಡೆದ ʼರಜಾಕರ್ ಚಳುವಳಿ‌ʼ (Razakar Movement)ಯ ಸುತ್ತ ಸಿನಿಮಾದ ಕಥೆ ಸಾಗಲಿದೆ. ಇದೊಂದು ಯುದ್ಧ ಸಂದರ್ಭದ ಕಥೆಯೆಂದು ಪೋಸ್ಟರ್‌ನಲ್ಲಿ ಹೇಳಲಾಗಿದೆ. ಪ್ರಭಾಸ್‌ ಇಲ್ಲಿ ಕೆಚ್ಚೆದೆಯ ಯೋಧನಂತೆ ಹೋರಾಟ ನಡೆಸುವ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ ಎನ್ನಲಾಗಿದೆ.

ʼಫೌಜಿʼ ಸದ್ಯ ವರ್ಕಿಂಗ್‌ ಟೈಟಲ್‌ ಆಗಿದ್ದು ಮುಂದಿನ ದಿನಗಳಲ್ಲಿ ಟೈಟಲ್‌ ಬದಲಾಗುವ ಸಾಧ್ಯತೆಯಿದೆ. ಯುದ್ಧ ನಡೆಯುವ ಸನ್ನಿವೇಶ ಪೋಸ್ಟರ್‌ನಲ್ಲಿ ತೋರಿಸಲಾಗಿದೆ.

When wars were a battle for supremacy, ONE WARRIOR redefined what they were FOUGHT for 🪖❤️‍🔥#PrabhasHanu, a HISTORICAL FICTION set in the 1940s 🔥

Shoot begins soon 🎥

Rebel Star #Prabhas @hanurpudi #Imanvi #MithunChakraborty #JayaPrada @Composer_Vishal @kk_lyricist… pic.twitter.com/GsT5Ll3xIl

— Mythri Movie Makers (@MythriOfficial) August 17, 2024

ನಟಿ ಯಾರು?: ಸದ್ಯ ʼಫೌಜಿʼ ಮುಹೂರ್ತ ನೆರವೇರಿದ್ದು, ಸಿನಿಮಾದ ಪಾತ್ರವರ್ಗದ ಬಗ್ಗೆ ಹೆಚ್ಚಿನ ಮಾಹಿತಿ ರಿವೀಲ್‌ ಆಗಿಲ್ಲ. ಈ ಹಿಂದೆ ಪಾಕ್‌ ನಟಿ ಸಜಲ್ ಅಲಿ( Sajal Ali) ಅವರು ಪ್ರಭಾಸ್‌ ʼಫೌಜಿʼಯಲ್ಲಿ ಬಣ್ಣ ಹಚ್ಚಲಿದ್ದಾರೆ ಎಂದು ವರದಿಯಾಗಿತ್ತು. ಮೃಣಾಲ್‌ ಠಾಕೂರ್‌(Mrunal Thakur), ಶ್ರದ್ಧಾ ಕಪೂರ್‌ (Shraddha Kapoor) ಕೂಡ ನಾಯಕಿಯರ ಪಟ್ಟಿಯಲ್ಲಿದ್ದಾರೆ. ಆದರೆ ಇದ್ಯಾವುದು ಅಧಿಕೃತವಾಗಿಲ್ಲ.

ಸೋಶಿಯಲ್‌ ಮೀಡಿಯಾ ಪ್ರಭಾವಿ ಇಮಾನ್ ಎಸ್ಮೇಲ್(Iman Esmail) ʼಫೌಜಿʼಗೆ ನಾಯಕಿ ಎನ್ನಲಾಗುತ್ತಿದೆ. ಅವರು ಮುಹೂರ್ತ ಸಮಾರಂಭಕ್ಕೆ ಭಾಗಿಯಾಗಿದ್ದು, ಈ ಮಾತಿಗೆ ಹೆಚ್ಚು ಅರ್ಥ ಬರುವಂತೆ ಮಾಡಿದೆ.

ಮೈತ್ರಿ ಮೂವಿ ಮೇಕರ್ಸ್‌ ಸಿನಿಮಾಕ್ಕೆ ಬಂಡವಾಳ ಹಾಕಲಿದ್ದು,ಶೀಘ್ರದಲ್ಲಿ ಚಿತ್ರೀಕರಣ ಆರಂಭಗೊಳ್ಳಲಿದೆ ಎಂದು ಚಿತ್ರತಂಡ ಹೇಳಿದೆ.

ಪ್ರಭಾಸ್‌ ಮುಂದೆ ʼದಿ ರಾಜಾಸಾಬ್‌ʼ, ʼಸ್ಪಿರಿಟ್‌ʼ, ʼಸಲಾರ್‌ -2ʼ , ʼಕಲ್ಕಿʼ ಸೀಕ್ವೆಲ್‌ ನಂತಹ ಬಿಗ್‌ ಪ್ರಾಜೆಕ್ಟ್‌ ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.