ಮುಂದಿನ ವರ್ಷವೇ ʼಕಲ್ಕಿ 2898 ಎಡಿʼ ಸೀಕ್ವೆಲ್ ರಿಲೀಸ್; ನಿರ್ಮಾಪಕರೇ ಕೊಟ್ರು ಸುಳಿವು

Team Udayavani, Jul 4, 2024, 1:37 PM IST

ಹೈದರಾಬಾದ್:‌ ʼಸಲಾರ್‌ʼ ಬಳಿಕ  ಡಾರ್ಲಿಂಗ್‌ ಪ್ರಭಾಸ್‌ (Prabhas) ʼಕಲ್ಕಿ 2898 ಎಡಿʼ ಮೂಲಕ ಮತ್ತೊಮ್ಮೆ ಪ್ಯಾನ್‌ ಇಂಡಿಯಾದಲ್ಲಿ ಮಿಂಚಿದ್ದಾರೆ. ಬಾಕ್ಸ್‌ ಆಫೀಸ್‌ ನಲ್ಲಿ ʼಕಲ್ಕಿʼ ಹತ್ತಾರು ದಾಖಲೆಗಳನ್ನು ಉಡೀಸ್‌ ಮಾಡಿದೆ.

ರಿಲೀಸ್‌ ಆದ 7 ದಿನಗಳಲ್ಲಿ 700 ಕೋಟಿಗೂ ಹೆಚ್ಚಿನ ಕಮಾಯಿ ಮಾಡುವ ಮೂಲಕ ಹೊಸ ದಾಖಲೆಯನ್ನು ʼಕಲ್ಕಿʼ ಬರೆದಿದೆ. ಪ್ಯಾನ್‌ ಇಂಡಿಯಾ ಭಾಷೆಯಲ್ಲಿ ರಿಲೀಸ್‌ ಆಗಿ ಅಮೆರಿಕಾ, ಕೆನಡಾ ಸೇರಿದಂತೆ ವಿದೇಶದ ಥಿಯೇಟರ್‌ ಗಳಲ್ಲೂ ಚಿತ್ರ ಸಖತ್‌ ಸೌಂಡ್‌ ಮಾಡಿದೆ.

ಪ್ರಶಾಂತ್‌ ನೀಲ್‌ ಜೊತೆಗಿನ ʼಸಲಾರ್‌ʼ ಕೋಟಿ ಕೋಟಿ ಗಳಿಕೆ ಕಂಡ ಬಳಿಕ ಇದೀಗ ʼಕಲ್ಕಿʼ ಕೂಡ ಕೋಟಿ ಕೊಳ್ಳೆ ಹೊಡೆಯುವ ಮೂಲಕ ಪ್ರಭಾಸ್‌ ವೃತ್ತಿ ಬದುಕಿಗೆ ʼಬಾಹುಬಲಿʼ ಬಳಿಕ ಮತ್ತೊಮ್ಮೆ ದೊಡ್ಡ ಬ್ರೇಕ್‌ ಸಿಕ್ಕಂತಾಗಿದೆ.

ಈಗಾಗಲೇ ʼಕಲ್ಕಿʼ ವರ್ಷದ ಅತ್ಯಂತ ದೊಡ್ಡ ಸಿನಿಮಾವಾಗಿ ಮೂಡಿ ಬರುವತ್ತ ಸಾಗುತ್ತಿದೆ. ನಾಗ್‌ ಅಶ್ವಿನ್‌ (Nag Ashwin) ವರ್ಷಗಟ್ಟಲೆ ಸಿನಿಮಾಕ್ಕಾಗಿ ಪರಿಶ್ರಮ ಪಟ್ಟಿದ್ದು ಸಾರ್ಥಕವಾಗಿದೆ. ʼಕಲ್ಕಿ 2898 ಎಡಿʼ ಸೀಕ್ವೆಲ್‌ ಬರುವ ವಿಚಾರ ಗೊತ್ತೇ ಇದೆ. ಇದೀಗ ಸೀಕ್ವೆಲ್‌ ಬಗ್ಗೆ ಅಪ್ಡೇಟ್‌ ವೊಂದು ಹೊರಬಿದ್ದಿದೆ.

ಇದನ್ನೂ ಓದಿ: Sandalwood: ʼಭೈರವನ ಕೊನೆ ಪಾಠʼ ಕೇಳೋಕೆ ರೆಡಿಯಾಗಿ ಎಂದ ಹೇಮಂತ್‌ – ಶಿವಣ್ಣ

ಅಮಿತಾಭ್‌, ಕಮಲ್‌ ಹಾಸನ್‌, ದೀಪಿಕಾ ಅವರಂತಹ ದೊಡ್ಡ ಪಾತ್ರವರ್ಗವೇ ಇರುವ ಸೈನ್ಸ್‌ ಫಿಕ್ಷನ್‌ ʼ ʼಕಲ್ಕಿ 2898 ಎಡಿʼ ಸೀಕ್ವೆಲ್‌ ಮುಂದಿನ ವರ್ಷವೇ ರಿಲೀಸ್‌ ಆಗುವ ಸಾಧ್ಯತೆಯಿದೆ ಎನ್ನಲಾಗಿದೆ.

ʼಕಲ್ಕಿ 2898 ADʼ (Kalki 2898 AD) ಸೀಕ್ವೆಲ್ ಚಿತ್ರೀಕರಣ ಈ ವರ್ಷಾಂತ್ಯದಲ್ಲಿ ಶುರುವಾಗಲಿದೆ. 2025ರ ಜೂನ್‌ ತಿಂಗಳಿಗೆ ಚಿತ್ರ ಥಿಯೇಟರ್‌ ಗೆ ಬರಲಿದೆ ಎಂದು  ನಿರ್ಮಾಪಕ ಅಶ್ವಿನ್‌ ದತ್‌ ಹೇಳಿದ್ದಾರೆ.

ನಿರ್ದೇಶಕ ನಾಗ್ ಅಶ್ವಿನ್ ಅವರಿಗೆ 10 ದಿನಗಳ ಕಾಲ ವಿಶ್ರಾಂತಿ ತೆಗೆದುಕೊಂಡು ಮುಂದಿನ ಭಾಗಕ್ಕೆ ಕೆಲಸ ಮಾಡಲು ರೆಡಿಯಾಗಿ ಎಂದು ಪ್ರಭಾಸ್‌ ಈ ಹಿಂದೆ ಹೇಳಿದ್ದರು. ಆ ಮೂಲಕ ಪಾರ್ಟ್‌ -2 ಶೀಘ್ರದಲ್ಲಿ ಆರಂಭಗೊಳ್ಳಲಿದೆ ಎನ್ನುವ ಸುಳಿವನ್ನು ನೀಡಿದ್ದರು.

ಪ್ರಭಾಸ್‌ ಅವರ ʼರಾಜಾ ಸಾಬ್‌ʼ, ʼಸ್ಪಿರಿಟ್‌ʼ ಹಾಗೂ ʼಸಲಾರ್‌ -2ʼ ಸಿನಿಮಾಗಳು ಬರಲಿದ್ದು, ಈ ಸಿನಿಮಾಗಳು ಮುಂದಿನ ವರ್ಷವೇ ತೆರೆಕಾಣುವ ಸಾಧ್ಯತೆಯಿದೆ ಎಂದು ಹೇಳಲಾಗುತ್ತಿದೆ.