Mollywood: ನಟಿ ಅನುಶ್ರೀ ಜೊತೆ ಉನ್ನಿ ಮುಕುಂದನ್ ವಿವಾಹ?; ವೈರಲ್‌ ಪೋಸ್ಟ್‌ಗೆ ನಟ ಸ್ಪಷ್ಟನೆ

Team Udayavani, Feb 13, 2024, 12:45 PM IST

ಕೊಚ್ಚಿ: ಮಾಲಿವುಡ್‌ ಸಿನಿಮಾರಂಗದ ಖ್ಯಾತ ನಟ ಉನ್ನಿ ಮುಕುಂದನ್ ಅವರ ಮದುವೆಯ ವಿಚಾರವಾಗಿ ಕಳೆದ ಕೆಲ ದಿನಗಳಿಂದ ಸೋಶಿಯಲ್‌ ಮೀಡಿಯಾದಲ್ಲಿ ಸುದ್ದಿ ಹರಿದಾಡುತ್ತಿದೆ. ಖ್ಯಾತ ಮಾಲಿವುಡ್ ನಟಿಯೊಬ್ಬರನ್ನು ಉನ್ನಿ ಮುಕುಂದನ್ ಮದುವೆ ಆಗಲಿದ್ದಾರೆ ಎನ್ನುವ ವಿಚಾರ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.

ಮಾಲಿವುಡ್‌ ನಲ್ಲಿ ತನ್ನ ನಟನೆಯಿಂದಲೇ ಜನಪ್ರಿಯರಾಗಿರುವ ಉನ್ನಿ ಮುಕುಂದನ್ ಅವರು ನಟಿ ಅನುಶ್ರೀ ಅವರೊಂದಿಗೆ ವಿವಾಹವಾಗಲಿದ್ದಾರೆ ಎನ್ನುವ ಪೋಸ್ಟ್‌ ವೊಂದು ಮಾಲಿವುಡ್‌ ಸೋಶಿಯಲ್‌ ಮೀಡಿಯಾಗಳಲ್ಲಿ ಹರಿದಾಡಿದೆ.

ನಟಿ ಅನುಶ್ರೀ 36 ವರ್ಷದ ಬ್ಯಾಚುಲರ್‌ ಉನ್ನಿ ಮುಕುಂದನ್‌ ಅವರೊಂದಿಗೆ ಮದುವೆಯಾಗಲಿದ್ದಾರೆ ಎಂದು ಮಾಲಿವುಡ್‌ ಫೇಸ್‌ ಬುಕ್‌ ಗ್ರೂಪ್ ವೊಂದರಲ್ಲಿ ಪೋಸ್ಟ್‌ ವೊಂದನ್ನು ಹಂಚಿಕೊಳ್ಳಲಾಗಿತ್ತು. ಈ ಪೋಸ್ಟ್‌ ವೈರಲ್‌ ಆಗುತ್ತಿದ್ದಂತೆ ಅನುಶ್ರೀ ಹಾಗೂ ಉನ್ನಿ ಮುಕುಂದನ್‌ ಅವರು ಪರಸ್ಪರ ಸಂಬಂಧದಲ್ಲಿ ಇದ್ದಾರೆ. ಅದನ್ನು‌ ಎಲ್ಲೂ ಕೂಡ ಬಹಿರಂಗಪಡಿಸಿಲ್ಲ ಎನ್ನುವ ಕಮೆಂಟ್‌ ಗಳು ಬಂದಿವೆ.

ಪೋಸ್ಟ್‌  ವೈರಲ್‌ ಆಗುತ್ತಿದ್ದಂತೆ ಸ್ವತಃ ಉನ್ನಿ ಮುಕುಂದನ್‌ ಅವರ ತನ್ನ‌ ಅಧಿಕೃತ ಫೇಸ್‌ ಬುಕ್ ಖಾತೆಯಲ್ಲಿ ಬರೆದುಕೊಂಡು ಸ್ಪಷ್ಟನೆ ನೀಡಿದ್ದಾರೆ. “ಈ ರೀತಿಯ ಸುದ್ದಿಯನ್ನು ನಿಲ್ಲಿಸಲು ನಾನು ಎಷ್ಟು ಪಾವತಿಸಬೇಕು ???” ಎಂದು ಉನ್ನಿ ಮುಕುಂದನ್‌ ಪೋಸ್ಟ್‌ ನ ಸ್ಕ್ರೀನ್ ಶಾಟ್‌ ನ್ನು ಹಂಚಿಕೊಂಡು ಬರೆದುಕೊಂಡಿದ್ದಾರೆ.

ಉನ್ನಿ ಮುಕುಂದನ್‌ ಹಾಗೂ ನಟಿ ಅನುಶ್ರೀ ಇಬ್ಬರು ಸ್ನೇಹತರಾಗಿದ್ದಾರೆ. ಹಲವು ಕಾರ್ಯಕ್ರಮದಲ್ಲಿ ಅವರಿಬ್ಬರು ಜೊತೆಯಾಗಿ ಕಾಣಿಸಿಕೊಂಡಿದ್ದಾರೆ. ಅನುಶ್ರೀ ಅವರೊಂದಿಗೆ ಗಣೇಶ ಹಬ್ಬದ ಸಂದರ್ಭದಲ್ಲಿ ತೆಗೆದ ಫೋಟೋವನ್ನು ಹಂಚಿಕೊಂಡು ಮದುವೆ ವಿಚಾರದ ಬಗ್ಗೆ ಪೋಸ್ಟ್ ಮಾಡಲಾಗಿದೆ ಎಂದು ವರದಿ ತಿಳಿಸಿದೆ.