ಗೋವಾ, ಮಣಿಪುರ ಬಳಿಕ ತ್ರಿಪುರಾ ಕೋವಿಡ್ 19 ವೈರಸ್ ಮುಕ್ತ ರಾಜ್ಯ: ನಿರ್ಬಂಧ ಮುಂದುವರಿಕೆ

ಏಪ್ರಿಲ್ 6ರಿಂದ ಐಸೋಲೇಶನ್ ನಲ್ಲಿದ್ದ ಮಹಿಳೆಯನ್ನು ಏಪ್ರಿಲ್ 16ರಂದು ಆಸ್ಪತ್ರೆಯಿಂದ ಡಿಸ್ ಚಾರ್ಜ್ ಮಾಡಲಾಗಿತ್ತು ಎಂದು ವರದಿ ತಿಳಿಸಿದೆ.

Team Udayavani, Apr 24, 2020, 6:08 PM IST

ಗೋವಾ, ಮಣಿಪುರ ಬಳಿಕ ತ್ರಿಪುರಾ ಕೋವಿಡ್ 19 ವೈರಸ್ ಮುಕ್ತ ರಾಜ್ಯ: ನಿರ್ಬಂಧ ಮುಂದುವರಿಕೆ

Representative Image

ಪಣಜಿ/ಅಗರ್ತಾಲಾ: ಗೋವಾ ಹಾಗೂ ಮಣಿಪುರ ರಾಜ್ಯಗಳು ಕೋವಿಡ್ 19 ವೈರಸ್ ಶೂನ್ಯ ಪಾಸಿಟಿವ್ ಪ್ರಕರಣಗಳನ್ನು ದಾಖಲಿಸಿದ ದೇಶದ ಮೊದಲ ಎರಡು ರಾಜ್ಯಗಳಾಗಿದ್ದು, ಇದೀಗ ತ್ರಿಪುರಾ ಮುಖ್ಯಮಂತ್ರಿ ಬಿಪ್ಲಾಬ್ ಕುಮಾರ್ ದೇಬ್ ಕೂಡಾ ರಾಜ್ಯವನ್ನು ಕೋವಿಡ್ ಮುಕ್ತ ಎಂದು ಶುಕ್ರವಾರ ಘೋಷಿಸಿದ್ದಾರೆ.

ತ್ರಿಪುರಾದ ಎರಡನೇ ಕೋವಿಡ್ 19 ವೈರಸ್ ಪೀಡಿತ ರೋಗಿಯನ್ನು ಸತತವಾಗಿ ಪರೀಕ್ಷಿಸಿದ ಬಳಿಕ ಇದೀಗ ನೆಗೆಟಿವ್ ಎಂದು ವರದಿ ಬಂದ ನಂತರ ತ್ರಿಪುರಾ ರಾಜ್ಯವನ್ನು ಕೋವಿಡ್ 19 ಮುಕ್ತ ಎಂದು ಘೋಷಿಸಲಾಗಿದೆ. ರಾಜ್ಯದ ಪ್ರತಿಯೊಬ್ಬರು ಸಾಮಾಜಿಕ ಅಂತರವನ್ನು ಕಾಪಾಡಿಕೊಳ್ಳಬೇಕು, ಸರ್ಕಾರದ ಸೂಚನೆಯನ್ನು ಪಾಲಿಸಿ ಮನೆಯಲ್ಲಿಯೇ ಸುರಕ್ಷಿತವಾಗಿ ಇರಿ ಎಂದು ಸಿಎಂ ಟ್ವೀಟ್ ಮೂಲಕ ತಿಳಿಸಿದ್ದಾರೆ.

ತ್ರಿಪುರಾದ ಗೋಮತಿ ಜಿಲ್ಲೆಯ ಉದಯ್ ಪುರ್ ಮಹಿಳೆ ಮೊದಲ ಕೋವಿಡ್ 19 ಸೋಂಕು ಪೀಡಿತೆಯಾಗಿದ್ದು, ಐಸೋಲೇಶನ್ ಬಳಿಕ ಈಕೆ ಗುಣಮುಖರಾಗಿದ್ದಾರೆ. ಏಪ್ರಿಲ್ 6ರಿಂದ ಐಸೋಲೇಶನ್ ನಲ್ಲಿದ್ದ ಮಹಿಳೆಯನ್ನು ಏಪ್ರಿಲ್ 16ರಂದು ಆಸ್ಪತ್ರೆಯಿಂದ ಡಿಸ್ ಚಾರ್ಜ್ ಮಾಡಲಾಗಿತ್ತು ಎಂದು ವರದಿ ತಿಳಿಸಿದೆ.

ನಂತರ ಗೋಮತಿ ಜಿಲ್ಲೆಯಿಂದ 50 ಕಿಲೋ ಮೀಟರ್ ದೂರದಲ್ಲಿ ಮಹಿಳೆಯನ್ನು ಕ್ವಾರಂಟೈನ್ ಸೆಂಟರ್ ನಲ್ಲಿ ಇಡಲಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿರುವುದಾಗಿ ವರದಿ ಹೇಳಿದೆ. ಏಪ್ರಿಲ್ 16ರಂದು ಪತ್ತೆಯಾಗಿದ್ದ ತ್ರಿಪುರಾ ಸ್ಟೇಟ್ ರೈಫಲ್ಸ್ ನ ಯೋಧನ ವರದಿ ಪಾಸಿಟಿವ್ ಎಂದು ಬಂದಿತ್ತು. ಬಳಿಕ ಜಿಬಿ ಪಂತ್ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಿದ್ದು ಏ.23ರಂದು ನೆಗೆಟಿವ್ ವರದಿ ಬಂದಿರುವುದಾಗಿ ತಿಳಿಸಿದೆ.