ಕೋವಿಡ್ 19: ಆರು ಮೆಟ್ರೋ, ಪ್ರಮುಖ ನಗರಗಳು ರೆಡ್ ಝೋನ್: ಕೇಂದ್ರದಿಂದ ಪಟ್ಟಿ ಬಿಡುಗಡೆ

Team Udayavani, Apr 15, 2020, 11:18 PM IST

Representative Image

ನವದೆಹಲಿ: ಎಲ್ಲಾ ಆರು ಮೆಟ್ರೋ ಹಾಗೂ ಬಹುತೇಕ ದೊಡ್ಡ ನಗರಗಳನ್ನು ಸೇರಿಸಿದಂತೆ ದೇಶದ 170 ಜಿಲ್ಲೆಗಳನ್ನು ಹಾಟ್ ಸ್ಪಾಟ್ ಎಂದು ಗುರುತಿಸಿ ಕೇಂದ್ರ ಸರ್ಕಾರ ಪಟ್ಟಿಯಲ್ಲಿ ಬಿಡುಗಡೆ ಮಾಡಿದೆ. ಇದರಲ್ಲಿ 123 ಜಿಲ್ಲೆಗಳಲ್ಲಿ ಅತೀ ಹೆಚ್ಚು ಸೋಂಕು ಹರಡಿರುವುದಾಗಿ ತಿಳಿಸಿದೆ.

ರಾಜಧಾನಿ ದಿಲ್ಲಿಯ 9 ಜಿಲ್ಲೆಗಳು, ಮುಂಬೈ, ಕೋಲ್ಕತಾ, ಬೆಂಗಳೂರು ನಗರದ 9 ಜಿಲ್ಲೆಗಳು, ಹೈದರಾಬಾದ್, ಚೆನ್ನೈ, ಜೈಪುರ್ ಹಾಗೂ ಆಗ್ರಾ ಹಾಟ್ ಸ್ಪಾಟ್ ಪಟ್ಟಿಯಲ್ಲಿದೆ ಎಂದು ವರದಿ ತಿಳಿಸಿದೆ.

ಆರು ಮೆಟ್ರೋ ನಗರಗಳಾದ ದಿಲ್ಲಿ, ಮುಂಬೈ, ಕೋಲ್ಕತಾ, ಚೆನ್ನೈ, ಬೆಂಗಳೂರು ಮತ್ತು ಹೈದರಾಬಾದ್ ನಲ್ಲಿ ಅತೀ ಹೆಚ್ಚು ಕೋವಿಡ್ ಪ್ರಕರಣಗಳು ದಾಖಲಾಗಿದೆ.

ಮುಂಬೈನಲ್ಲಿ 2000 ಪ್ರಕರಣ, ದಿಲ್ಲಿಯಲ್ಲಿ 1561ಪ್ರಕರಣ, ದಿಲ್ಲಿಯ 56 ಪ್ರದೇಶಗಳನ್ನು ನಿಯಂತ್ರಿತ ಪ್ರದೇಶ ಎಂದು ಗುರುತಿಸಲಾಗಿದೆ. ಇಲ್ಲಿ ತುರ್ತು ಸೇವೆಗಳನ್ನು ಕೂಡಾ ನಿರ್ಬಂಧಿಸಲಾಗಿದೆ. ಈ ಪ್ರದೇಶದಿಂದ ಯಾರೊಬ್ಬರು ಹೊರಬರುವಂತಿಲ್ಲ.

ರೆಡ್ ಝೋನ್:(ಕೆಲವು ಪ್ರಮುಖ ನಗರ)
ಗುಜರಾತ್: ಅಹ್ಮದಾಬಾದ್, ವಡೋದರಾ, ಸೂರತ್, ಭಾವ್ ನಗರ್, ರಾಜ್ ಕೋಟ್
ಹರ್ಯಾಣ: ನುಹ್, ಗುರ್ಗಾಂವ್, ಫರಿದಾಬಾದ್, ಪಾಲ್ವಾಲ್,
ಕರ್ನಾಟಕ: ಬೆಂಗಳೂರು ನಗರ, ಮೈಸೂರು, ಬೆಳಗಾವಿ (ಜಿಲ್ಲೆಗಳು)
ಕೇರಳ: ಕಾಸರಗೋಡು, ಕಣ್ಣೂರು, ಎರ್ನಾಕುಲಂ, ಮಲಪ್ಪುರಂ, ತಿರುವನಂತಪುರಂ, ಪಟ್ಟಣತಿಟ್ಟಾ
ಮಹಾರಾಷ್ಟ್ರ: ಮುಂಬೈ, ಪುಣೆ, ಥಾಣೆ, ನಾಗ್ಪುರ್, ಸಾಂಗ್ಲಿ, ಅಹ್ಮದ್ ನಗರ್, ಯಾವಾಟ್ ಮಾಲ್, ಔರಂಗಾಬಾದ್, ಬುಲ್ದಾನಾ, ಮುಂಬೈ ಸಬ್ ಅರ್ಬನ್, ನಾಸಿಕ್.