ಚಾಮರಾಜನಗರದಲ್ಲಿ ಕೋವಿಡ್ ಪ್ರಕರಣಗಳು ಗಣನೀಯ ಇಳಿಮುಖ

Team Udayavani, Oct 29, 2020, 8:45 PM IST

ಚಾಮರಾಜನಗರ: ಜಿಲ್ಲೆಯಲ್ಲಿ ಗುರುವಾರ 26 ಕೋವಿಡ್ ಪ್ರಕರಣಗಳು ದೃಢಪಟ್ಟಿದ್ದು, 90 ಮಂದಿ ಗುಣಮುಖರಾಗಿದ್ದಾರೆ. ಪ್ರಕರಣಗಳ ಸಂಖ್ಯೆ ಗಣನೀಯವಾಗಿ ಇಳಿಮುಖವಾಗುತ್ತಿರುವುದರಿಂದ ಜಿಲ್ಲೆಯಲ್ಲಿ ಪ್ರಸ್ತುತ 228 ಸಕ್ರಿಯ ಪ್ರಕರಣಗಳಿವೆ.

ಗುರುವಾರ ಒಟ್ಟು 1,182 ಮಾದರಿಗಳನ್ನು ಪರೀಕ್ಷಿಸಲಾಗಿತ್ತು.  ಇದರಲ್ಲಿ 26 ಮಾತ್ರ ಪಾಸಿಟಿವ್ ಬಂದಿರುವುದು ಗಮನಾರ್ಹ.  ಇದುವರೆಗೆ ಒಟ್ಟು 5,910 ಪ್ರಕರಣಗಳು ದೃಢಪಟ್ಟಿದ್ದು, ಇವರಲ್ಲಿ 5,559 ಮಂದಿ ಗುಣಮುಖರಾಗಿದ್ದಾರೆ. 45 ಮಂದಿ ಐಸಿಯುನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.  121 ಮಂದಿ ಹೋಂ ಐಸೋಲೇಷನ್‌ನಲ್ಲಿದ್ದಾರೆ. 123 ಮಂದಿ ಸೋಂಕಿತರು ಮೃತಪಟ್ಟಿದ್ದಾರೆ.

ಗುರುವಾರದ ಪ್ರಕರಣಗಳಲ್ಲಿ ಚಾಮರಾಜನಗರ ತಾಲೂಕಿನಿಂದ 13, ಗುಂಡ್ಲುಪೇಟೆ 5, ಕೊಳ್ಳೇಗಾಲ 2, ಹನೂರು 3 ಯಳಂದೂರು ತಾಲೂಕಿನಿಂದ 3 ಪ್ರಕರಣಗಳು ವರದಿಯಾಗಿವೆ.

ಇಂದಿನ ಪ್ರಕರಣಗಳು: 26

ಇಂದು ಗುಣಮುಖ: 90

ಒಟ್ಟು ಗುಣಮುಖ: 5559

ಇಂದಿನ ಸಾವು: 00

ಒಟ್ಟು ಸಾವು: 123

ಸಕ್ರಿಯ ಪ್ರಕರಣಗಳು: 228

ಒಟ್ಟು ಸೋಂಕಿತರು: 5910