ಪ್ರಜೆಗಳ ಮನ ತಣಿಸಿದ ಯುನಿಕಾರ್ನ್ !

Team Udayavani, Apr 24, 2020, 5:04 PM IST

ಸಾಂದರ್ಭಿಕ ಚಿತ್ರ

ಫ್ಲೋರಿಡಾ: ಸ್ವಚ್ಛಂದವಾಗಿ ಹಾರಾಡಿಕೊಂಡಿದ್ದ ಮಾನವನ ಸ್ಥಿತಿ ಇದೀಗ ಪಂಜರದ ಪಕ್ಷಿಯಂತಾಗಿದೆ. ಇಲ್ಲಿಯ ಓರ್ವ ಮಹಿಳೆ ಹೀಗೆ ಮನೆಯಲ್ಲಿರುವರ ಏಕಾಂತವನ್ನು ದೂರ ಮಾಡಲು ಪೌರಾಣಿಕದಲ್ಲಿ ಚಿತ್ರಿತವಾದ ಯುನಿಕಾರ್ನ್​ (ಕುದುರೆ ರೀತಿಯ ಪ್ರಾಣಿ) ವೇಷ ತೊಟ್ಟು ಬೀದಿಗಳಲ್ಲಿ ಸಂಚರಿಸಿದ್ದಾರೆ.

40 ವರ್ಷದ ಮಹಿಳೆ ಕೋರೆ ಜುರ್ಗೆನ್ಸನ್‌, ಯುನಿಕಾರ್ನ್ ವೇಷ ತೊಟ್ಟು ಮನೆ ಬಳಿ ಬೀದಿಗಳಲ್ಲಿ ಕುಣಿಯುತ್ತಾ, ಹಾಡುತ್ತಾ ಎಲ್ಲರನ್ನೂ ರಂಜಿಸಿದ್ದಾರೆ. ಮನೆಯಲ್ಲಿದ್ದವರು ಬಾಲ್ಕನಿಗೆ ಬಂದು ಮಹಿಳೆಯ ವೇಷ ನೋಡಿ ಸಂತೋಷ ಪಟ್ಟಿದ್ದಾರೆಂದು ಸ್ಥಳೀಯ ಮಾಧ್ಯಮ ವರದಿ ಮಾಡಿದೆ. ತಮ್ಮ ಸ್ನೇಹಿತರೊಬ್ಬರು ಪ್ರಾಣಿಯೊಂದರ ವೇಷ ತೊಟ್ಟು ರಸ್ತೆಯಲ್ಲಿ ಸಂಚರಿಸಿ ಜನರನ್ನು ಸಂತೋಷ ಪಡಿಸಿದ್ದನ್ನು ಸಾಮಾಜಿಕ ಜಾಲತಾಣದಲ್ಲಿ ಅಪ್‌ಲೋಡ್‌ ಮಾಡಿ ನೀವೂ ಹೀಗೆ ಮಾಡ್ತೀರಾ ಎಂದು ಸವಾಲು ಹಾಕಿದ್ದರು. ಹಾಗಾಗಿ ಆ ಸವಾಲನ್ನು ಸ್ವೀಕರಿಸಿ ಯುನಿಕಾರ್ನ್ ವೇಷ ತೊಟ್ಟು ಜನರನ್ನು ರಂಜಿಸಿದ್ದೇನೆ ಎಂದಿದ್ದಾರೆ ಜುರ್ಗೆನ್ಸನ್‌. ಮಹಿಳೆ ಬೀದಿಯಲ್ಲಿ ಸಂಚರಿಸುವಾಗ ವಾಹನಗಳಲ್ಲಿ ತೆರಳುತ್ತಿದ್ದವರು ಆಕೆಗೆ ಚಪ್ಪಾಳೆ ತಟ್ಟಿ ಗೌರವ ಕೂಡ ಸಲ್ಲಿಸಿದ್ದಾರಂತೆ.