ದೇಶದಲ್ಲಿ ಒಂದೇ ದಿನ 83,527 ಸೋಂಕಿತರು, 1,085 ಸಾವು: 45 ಲಕ್ಷ ಜನರು ಸೋಂಕಿನಿಂದ ಗುಣಮುಖ

Team Udayavani, Sep 23, 2020, 10:09 AM IST

ನವದೆಹಲಿ: ದೇಶದಲ್ಲಿ ಕೋವಿಡ್ ಸೋಂಕಿತರ ಸಂಖ್ಯೆ 56 ಲಕ್ಷದ ಗಡಿ ದಾಟಿದೆ. ಕಳೆದ 24 ಗಂಟೆಗಳಲ್ಲಿ 83, 527 ಜನರು ಸೋಂಕಿಗೆ ತುತ್ತಾಗಿದ್ದಾರೆ ಎಂದು ಆರೋಗ್ಯ ಸಚಿವಾಲಯ ತನ್ನ ವರದಿಯಲ್ಲಿ ತಿಳಿಸಿದೆ.

ಸೋಂಕಿನಿಂದ ಗುಣಮುಖರಾಗುವವರ ಸಂಖ್ಯೆಯೂ ಕೂಡ ಹೆಚ್ಚಿದ್ದು ಆಶಾದಾಯಕ ಬೆಳವಣಿಗೆಯಾಗಿದೆ. ಕಳೆದ ಒಂದೇ ದಿನ ಸುಮಾರು 89,746 ಮಂದಿ ಆಸ್ಪತ್ರೆಯಿಂದ ಡಿಸ್ ಚಾರ್ಜ್ ಆಗಿದ್ದಾರೆ. ಕಳೆದ 5 ದಿನಗಳಿಂದ ಸೋಂಕಿತರಿಗಿಂತ ಗುಣಮುಖರ ಸಂಖ್ಯೆ ಅಧಿಕವಾಗಿದೆ.

ಇದೀಗ ಒಟ್ಟಾರೆ ಕೋವಿಡ್ ನಿಂದ ಚೇತರಿಸಿಕೊಂಡಿರುವವರ ಪ್ರಮಾಣ, 45,87,613ಕ್ಕೆ (80%) ತಲುಪಿದೆ. ಕಳೆದ ಒಂದು ದಿನದಲ್ಲಿ ವೈರಾಣು ಪೀಡಿತರಾಗಿದ್ದ 1,085 ಜನರು ಮೃತಪಟ್ಟಿದ್ದಾರೆ. ಸೋಂಕು ಆರಂಭವಾದಗಿನಿಂದ ಇಲ್ಲಿಯವರೆಗೂ ಸುಮಾರು 90 ಸಾವಿರ ಮಂದಿ ಪ್ರಾಣತ್ಯೆಜಿಸಿದ್ದಾರೆ. ದೇಶದಲ್ಲಿ ಮೃತರ ಪ್ರಮಾಣ ಶೇ. 1.59% ರಷ್ಟಿದೆ.

ಭಾರತದಲ್ಲಿ ಇದೀಗ 9.68 ಲಕ್ಷ ಸಕ್ರೀಯ ಪ್ರಕರಣಗಳಿವೆ.  ದೇಶದಲ್ಲಿ ಕೋವಿಡ್ ಪರೀಕ್ಷಾ ಪ್ರಮಾಣ ಕೂಡ ಹೆಚ್ಚಿದ್ದು ಪ್ರತಿನಿತ್ಯ 12 ಲಕ್ಷ ಜನರನ್ನು ಪರೀಕ್ಷೆಗೊಳಪಡಿಸಲಾಗುತ್ತಿದೆ. ಇಲ್ಲಿಯವರೆಗೂ ಸುಮಾರು 6.5 ಕೋಟಿ ಜನರನ್ನು ದೇಶಾದ್ಯಂತ ತಪಾಸಣೆಗೊಳಪಡಿಸಲಾಗಿದೆ.