ಇಲ್ಲಿ ಪ್ರಧಾನಿಯೇ ಸೋಂಕಿತರ ವೈದ್ಯ ; ಶಾಪವೂ ವರವಾಯಿತು ಇವರಿಗೆ


Team Udayavani, Apr 15, 2020, 11:55 PM IST

ಇಲ್ಲಿ ಪ್ರಧಾನಿಯೇ ಸೋಂಕಿತರ ವೈದ್ಯ ; ಶಾಪವೂ ವರವಾಯಿತು ಇವರಿಗೆ

ಐರ್‌ಲ್ಯಾಂಡ್‌: ಪ್ರತಿ ಸಂಕಷ್ಟದಲ್ಲೂ ಅಗೋಚರವಾದ ವರವೊಂದು ಇರುತ್ತದೆ ಎನ್ನುತ್ತಾರೆ. ಇಲ್ಲಿನ ಪ್ರಧಾನಿ ಪ್ರಧಾನಿ ಲಿಯೊ ವರಾಡ್ಕರ್‌ ವಿಚಾರದಲ್ಲಿ ಇದು ನಿಜ. ವರಾಡ್ಕರ್‌ ವೃತ್ತಿಯಿಂದ ವೈದ್ಯ. ಈ ಸಂಕಷ್ಟದ ಸಮಯದಲ್ಲಿ ಅವರು ತನ್ನ ವೃತ್ತಿಗೆ ಮರಳಿರುವುದು ಈಗ ಸರ್ವತ್ರ ಪ್ರಶಂಸೆಗೆ ಪಾತ್ರವಾಗಿ ರುವುದು ಮಾತ್ರವಲ್ಲದೆ ವರಾಡ್ಕರ್‌ ಅವರ ಕಳೆಗುಂದಿದ್ದ ರಾಜಕೀಯ ವರ್ಚಸ್ಸಿಗೂ ಹೊಸ ಕಳೆಯನ್ನು ನೀಡಿದೆ.

ಕೋವಿಡ್‌-19 ಹರಡುವುದನ್ನು ತಡೆಯಲು ಇಲ್ಲಿಯೂ ಲಾಕ್‌ ಡೌನ್‌ ಜಾರಿಯಲ್ಲಿದೆ. ಈ ಸಂದರ್ಭದಲ್ಲಿ ವರಾಡ್ಕರ್‌ ಸ್ವತಃ ಸೋಂಕಿತರ ಚಿಕಿತ್ಸೆಗೆ ಇಳಿದು, ವೈದ್ಯಕೀಯ ಸಮುದಾಯದ ಮುಂಚೂಣಿಯಲ್ಲಿ ನಿಂತಿದ್ದಾರೆ. ಇದರಿಂದ ವೈದ್ಯಕೀಯ ಸಮುದಾಯಕ್ಕೂ ನೈತಿಕ ಬೆಂಬಲ ಸಿಕ್ಕಂತಾಗಿದೆ.

ಕಳೆಗುಂದಿದ್ದ ರಾಜಕೀಯ ವರ್ಚಸ್ಸು
ಎರಡು ತಿಂಗಳ ಹಿಂದೆಯಷ್ಟೇ ವರಾಡ್ಕರ್‌ಗೆ ವಿಫ‌ಲ ಪ್ರಧಾನಿ ಎಂಬ ಹಣೆಪಟ್ಟಿ ಇತ್ತು. ವಸತಿ ಸಮಸ್ಯೆಯನ್ನು ಬಗೆಹರಿಸಲು ವಿಫ‌ಲರಾದರೆಂಬ ಟೀಕೆಗೆ ಗುರಿಯಾಗಿದ್ದರು. ಫೆಬ್ರವರಿಯಲ್ಲಿ ನಡೆದ ಸಂಸದೀಯ ಚುನಾವಣೆಯಲ್ಲಿ ಅವರ ಪಕ್ಷ ತೃತೀಯ ಸ್ಥಾನಕ್ಕೆ ಕುಸಿದಿದೆ. ಆದರೂ ಅವರು ಉಸ್ತುವಾರಿ ಪ್ರಧಾನಿಯಾಗಿ ಈಗಲೂ ಅಧಿಕಾರದಲ್ಲಿದ್ದಾರೆ.

ದೇಶದಲ್ಲಿ ಕೋವಿಡ್‌-19 ಹಾವಳಿ ತೀವ್ರಗೊಳ್ಳುತ್ತಿರುವಂತೆಯೇ ಡಾ| ವರಾಡ್ಕರ್‌ ತನ್ನ ವೈದ್ಯಕೀಯ ಸೇವೆಯನ್ನು ಮರು ನೋಂದಣಿ ಮಾಡಿ ರಂಗಕ್ಕಿಳಿದರು. ವಾರದಲ್ಲಿ ಅರ್ಧ ದಿನ ಸೋಂಕು ಇದೆ ಎಂಬ ಶಂಕೆಯಿಂದ ಕರೆ ಮಾಡುವ ಜನರಿಗೆ ಸಲಹೆ ನೀಡಿ ಸಾಂತ್ವನ ಹೇಳುತ್ತಿದ್ದಾರೆ. ಉಳಿದ ಸಮಯ ಆಸ್ಪತ್ರೆಗಳಿಗೆ, ಪ್ರಯೋಗಾಲಯಗಳಿಗೆ ಭೇಟಿ ನೀಡುವುದು, ಸೋಂಕು ತೀವ್ರವಾಗಿರುವ ಪ್ರದೇಶಗಳನ್ನು ನಿರಂತರವಾಗಿ ಪರಾಮರ್ಶಿಸುವ ಕಾರ್ಯಗಳಲ್ಲಿ ನಿರತರಾಗಿದ್ದಾರೆ.

ಆರಂಭದಲ್ಲಿ ಡಾ| ವರಾಡ್ಕರ್‌ ಅವರ ಈ ಕ್ರಮ ಲಜ್ಜೆಗೇಡಿ ಪ್ರಚಾರದ ಗಿಮಿಕ್‌ ಎಂಬ ಟೀಕೆಗಳು ವ್ಯಕ್ತವಾಗಿದ್ದವು. ಆದರೆ ಕ್ರಮೇಣ ಓರ್ವ ವೈದ್ಯನ ಕರ್ತವ್ಯ ಪ್ರಜ್ಞೆಯನ್ನು ಜನರು ಅವರ ನಡೆಯಲ್ಲಿ ಗುರುತಿಸಿದ್ದಾರೆ. ಹೀಗಾಗಿ ಅವರು ಮತ್ತೂಮ್ಮೆ ಐರ್‌ಲ್ಯಾಂಡಿನ‌ ಕಣ್ಮಣಿಯಾಗಿ ಮಿಂಚುತ್ತಿದ್ದಾರೆ.

ಐರ್‌ಲ್ಯಾಂಡಿನಲ್ಲಿ ಇಷ್ಟರ ತನಕ 270ಕ್ಕೂ ಹೆಚ್ಚು ಮಂದಿ ಅಸುನೀಗಿದ್ದಾರೆ ಹಾಗೂ ಸುಮಾರು 6,500 ಮಂದಿಯಲ್ಲಿ ಸೋಂಕು ದೃಢಪಟ್ಟಿದೆ. ಸೋಂಕಿನ ವಿರುದ್ಧ ಹಗಲಿರುಳು ಹೋರಾಡುತ್ತಿರುವ ವೈದ್ಯಕೀಯ ಸಮುದಾಯಕ್ಕೆ ಸ್ವತಃ ಪ್ರಧಾನಿಯೇ ಮುಂಚೂಣಿಯಲ್ಲಿ ನಿಂತು ತಮ್ಮನ್ನು ಮುನ್ನಡೆಸುತ್ತಿರುವುದು ಭಾರೀ ಸ್ಫೂರ್ತಿ ನೀಡಿದೆ.

ಭಾರತ ಮೂಲದವರು
ಡಾ| ಲಿಯೊ ವರಾಡ್ಕರ್‌ ಭಾರತೀಯ ಮೂಲದವರು. ಅವರ ತಂದೆ ಅಶೋಕ್‌ ವರಾಡ್ಕರ್‌ ಮೂಲ ಮನೆ ಮಹಾರಾಷ್ಟ್ರದ ರತ್ನಗಿರಿ ಸಮೀಪ ಇದೆ. ಅಶೋಕ್‌ ವರಾಡ್ಕರ್‌ ಮುಂಬಯಿಯಲ್ಲಿ ವೈದ್ಯರಾಗಿದ್ದರು. 1960ರಲ್ಲಿ ಬ್ರಿಟನ್‌ಗೆ ವಲಸೆ ಹೋಗಿ ಅಲ್ಲಿಯೇ ನೆಲೆಯಾದರು. ಅಲ್ಲಿನ ನರ್ಸ್‌ ಮರಿಯಂ ಎಂಬವರನ್ನು ಪ್ರೀತಿಸಿ ಮದುವೆಯಾಗಿದ್ದರು. ಡಾ| ಲಿಯೊ ವರಾಡ್ಕರ್‌ ಡಬ್ಲಿನ್‌ನಲ್ಲಿ ಜನಿಸಿದರು.

ಪ್ರಶಂಸೆಗಳ ಸುರಿಮಳೆ
ಯಾವ ಜನರು ಡಾ| ವರಾಡ್ಕರ್‌ ಅವರನ್ನು ವಿಫ‌ಲ ನಾಯಕ ಎಂದು ಜರೆದಿದ್ದಾರೋ ಅವರೇ ಈಗ ಸೋಂಕಿನ ವಿರುದ್ಧ ಕೈಗೊಂಡಿರುವ ಕ್ರಮಗಳನ್ನು ನೋಡಿ ಸಮರ್ಥ ನಾಯಕ ಎಂದು ಪ್ರಶಂಸಿಸುತ್ತಿದ್ದಾರೆ. ಸೋಂಕು ತೀವ್ರಗೊಳ್ಳುವ ಮುನ್ಸೂಚನೆ ಸಿಕ್ಕಿದ ಕೂಡಲೇ ವರಾಡ್ಕರ್‌ ಜನಪ್ರಿಯ ಪ್ಯಾಟಿಕ್ಸ್‌ ಡೇ ಉತ್ಸವವನ್ನು ನಿರ್ದಾಕ್ಷಿಣ್ಯವಾಗಿ ರದ್ದುಗೊಳಿಸಿದರು.

ಪ್ರಾಥಮಿಕ ಹಂತದಲ್ಲೇ ಜನರನ್ನು ಕೋವಿಡ್‌ ಪರೀಕ್ಷೆಗೊಳಪಡಿಸಿದರು. ಹೊಟೇಲ್‌, ಪಬ್‌ ಮತ್ತು ಶಾಲೆಗಳನ್ನು ಮುಚ್ಚಿಸಿದರು. ಚುನಾವಣೆ ಬಳಿಕ ವರಾಡ್ಕರ್‌ ರಾಜಕೀಯ ನಾಯಕರ ಶ್ರೇಯಾಂಕದಲ್ಲಿ ಆರು ಅಥವಾ ಏಳನೇ ಸ್ಥಾನಕ್ಕೆ ಜಾರಿದ್ದರು. ಆದರೆ ಈಗ ಮರಳಿ ಅಗ್ರಸ್ಥಾನಕ್ಕೇರಿದ್ದಾರೆ. ಈಗ ಡಾ|ವರಾಡ್ಕರ್‌ ಐರ್‌ಲ್ಯಾಂಡಿನ ಜನಪ್ರಿಯ ನಾಯಕನಾಗಿ ಮಿಂಚುತ್ತಿದ್ದಾರೆ.

ನಾವು ಕೋವಿಡ್‌ ಹರಡುವುದನ್ನು ತಡೆಯಬೇಕಿದೆ. ಜತೆಗೆ ಕೋವಿಡ್‌ ಕುರಿತಾದ ಭಯ ಹರಡುವುದನ್ನೂ ತಡೆಯಬೇಕು. ಭೀತಿಯೂ ಒಂದು ವೈರಸ್‌ ಇದು ಡಾ| ವರಾಡ್ಕರ್‌ ದೇಶದ ಜನರಿಗೆ ನೀಡಿದ ಅಭಯ. ವರಾಡ್ಕರ್‌ರ ಸಹೋದರಿಯರು ಮತ್ತು ಅವರ ಪತಿಯಂದಿರೂ ವೈದ್ಯಕೀಯ ಕ್ಷೇತ್ರದಲ್ಲಿದ್ದಾರೆ.

ಈ ಸಂಕಷ್ಟದ ಸಮಯದಲ್ಲಿ ಜನಸೇವೆ ಮಾಡುತ್ತಿರುವ ಎಲ್ಲರಿಗೂ ಅಭಿನಂದನೆಗಳು. ಸೂಪರ್‌ಹೀರೊಗಳು ಟೋಪಿ ಧರಿಸಿರಲೇಬೇಕೆಂದಿಲ್ಲ. ಅವರು ಮಾಸ್ಕ್ ಮತ್ತು ಗೌನ್‌ (ವೈದ್ಯಕೀಯ) ಧರಿಸಿರಬಹುದು.

– ಡಾ| ವರಾಡ್ಕರ್‌

ಟಾಪ್ ನ್ಯೂಸ್

Employaement

Mangaluru: ಕೇರಳ ಏಜೆನ್ಸಿಯಿಂದ ಇಸ್ರೇಲ್‌ನಲ್ಲಿ ಉದ್ಯೋಗದ ಆಮಿಷ

Hy[per–sonic

Army Wepon: ಭಾರತದ ಬತ್ತಳಿಕೆಗೆ ದೇಸಿ ಹೈಪರ್‌ಸಾನಿಕ್‌ ಅಸ್ತ್ರ !

Manipur

Mobs Storm: ಮಣಿಪುರದಲ್ಲಿ ಭುಗಿಲೆದ್ದ ಹಿಂಸಾಚಾರ!, ಮೈತೇಯಿ ಸಮುದಾಯದಿಂದ ಭಾರೀ ಪ್ರತಿಭಟನೆ

Horoscope: ಉದ್ಯೋಗದಲ್ಲಿ ಸಮಾಧಾನದ ಸ್ಥಿತಿ ಇರಲಿದೆ

Horoscope: ಉದ್ಯೋಗದಲ್ಲಿ ಸಮಾಧಾನದ ಸ್ಥಿತಿ ಇರಲಿದೆ

SUBHODH

Bantwala: ಕೆದಿಲ ಗ್ರಾಮದಲ್ಲಿ ಸಿಡಿಲು ಬಡಿದು ಬಾಲಕ ಸಾವು

Bantwala1

Bantwala: ಅಧಿಕಾರಿಗಳ ನಡೆ ವಸತಿ ನಿಲಯಗಳ ಕಡೆ; ವಿನೂತನ ಕಾರ್ಯಕ್ರಮ

arrested

Illegal immigrants; ಬಂಧಿತ ಪಾಕ್‌ ಅಕ್ರಮ ವಲಸಿಗರು ಉಗ್ರರಲ್ಲ!: ಯಾರಿವರು?


ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

WhatsApp Image 2024-11-17 at 21.01.59

Kyiv: ಉಕ್ರೇನ್‌ ವಿದ್ಯುತ್‌ ಸ್ಥಾವರ ಮೇಲೆ ರಷ್ಯಾ 120 ಕ್ಷಿಪಣಿ ದಾಳಿ

Israel; ಪ್ರಧಾನಿ ನಿವಾಸಕ್ಕೆ ಬಾಂಬ್‌ ದಾಳಿ: 3 ಮಂದಿ ಸೆರೆ

Israel; ಪ್ರಧಾನಿ ನಿವಾಸಕ್ಕೆ ಬಾಂಬ್‌ ದಾಳಿ: 3 ಮಂದಿ ಸೆರೆ

PM Modi: ಜಗತ್ತಿನಲ್ಲಿ ಎಲ್ಲೇ ಸಮಸ್ಯೆಯಾದರೂ ಭಾರತದಿಂದ ಸ್ಪಂದನೆ

PM Modi: ಜಗತ್ತಿನಲ್ಲಿ ಎಲ್ಲೇ ಸಮಸ್ಯೆಯಾದರೂ ಭಾರತದಿಂದ ಸ್ಪಂದನೆ

400ಕ್ಕೂ ಅಧಿಕ ಉದ್ಯೋಗಿಗಳಿಗೆ ವಜಾ ನೋಟಿಸ್‌ ನೀಡಿದ ಬೋಯಿಂಗ್‌

Boeing: 400ಕ್ಕೂ ಅಧಿಕ ಉದ್ಯೋಗಿಗಳಿಗೆ ವಜಾ ನೋಟಿಸ್‌ ನೀಡಿದ ಬೋಯಿಂಗ್‌

1-USAA

America; ಭಾರತಕ್ಕೆ 84.40 ಕೋ.ರೂ. ಮೌಲ್ಯದ 1,400 ಕಲಾಕೃತಿ ವಾಪಸ್‌

MUST WATCH

udayavani youtube

ಉಚ್ಚಿಲದ ರೆಸಾರ್ಟ್‌ ಈಜುಕೊಳದಲ್ಲಿ ಮುಳುಗಿ ಮೂವರು ವಿದ್ಯಾರ್ಥಿನಿಯರ ಸಾ**ವು

udayavani youtube

ಇಂಗ್ಲೀಷ್ ಒಂದು ಭಾಷೆ ಅನ್ನೋದೇ ತಪ್ಪು -ಪ್ರಕಾಶ್ ಬೆಳವಾಡಿ

udayavani youtube

ಕಾರಿನ ಟಯರ್ ಒಳಗಿತ್ತು ಬರೋಬ್ಬರಿ 50 ಲಕ್ಷ

udayavani youtube

ಹೊಸ ತಂತ್ರಜ್ಞಾನಕ್ಕೆ ತೆರೆದುಕೊಂಡ ತುಳುನಾಡ ಕಂಬಳ

udayavani youtube

ಉಡುಪಿಯ ಶ್ರೀ ಕೃಷ್ಣ ಮಠದಲ್ಲಿ ಕಾರ್ತಿಕ ಲಕ್ಷದೀಪೋತ್ಸವ

ಹೊಸ ಸೇರ್ಪಡೆ

Employaement

Mangaluru: ಕೇರಳ ಏಜೆನ್ಸಿಯಿಂದ ಇಸ್ರೇಲ್‌ನಲ್ಲಿ ಉದ್ಯೋಗದ ಆಮಿಷ

WhatsApp Image 2024-11-17 at 21.01.59

Kyiv: ಉಕ್ರೇನ್‌ ವಿದ್ಯುತ್‌ ಸ್ಥಾವರ ಮೇಲೆ ರಷ್ಯಾ 120 ಕ್ಷಿಪಣಿ ದಾಳಿ

Hy[per–sonic

Army Wepon: ಭಾರತದ ಬತ್ತಳಿಕೆಗೆ ದೇಸಿ ಹೈಪರ್‌ಸಾನಿಕ್‌ ಅಸ್ತ್ರ !

Manipur

Mobs Storm: ಮಣಿಪುರದಲ್ಲಿ ಭುಗಿಲೆದ್ದ ಹಿಂಸಾಚಾರ!, ಮೈತೇಯಿ ಸಮುದಾಯದಿಂದ ಭಾರೀ ಪ್ರತಿಭಟನೆ

courts

Puttur: ಮಹಿಳೆಯ ಮಾನಭಂಗಕ್ಕೆ ಯತ್ನ; ಆರೋಪಿಗೆ ಜೈಲು ಶಿಕ್ಷೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.