ಹತ್ತೇ ನಿಮಿಷದಲ್ಲಿ ಸೋಂಕು ಪತ್ತೆ ಹಚ್ಚುವ ಕಿಟ್ ಅಭಿವೃದ್ಧಿಪಡಿಸಿದ SCTI

Team Udayavani, Apr 19, 2020, 7:27 PM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ತಿರುವನಂತಪುರ: ಕೇವಲ ಹತ್ತೇ ನಿಮಿಷದಲ್ಲಿ ಕೋವಿಡ್ 19 ವೈರಸ್ ಸೋಂಕು ಪತ್ತೆ ಮಾಡಿ, ಎರಡೇ ಗಂಟೆಯಲ್ಲಿ ಸೋಂಕು ಇರುವಿಕೆಯನ್ನು ದೃಢಪಡಿಸುವ ಪರೀಕ್ಷಾ ಕಿಟ್‌ ಒಂದನ್ನು ತಿರುವನಂತಪುರದ ಶ್ರೀ ಚಿತ್ರ ತಿರುನಾಳ್‌ ವೈದ್ಯಕೀಯ ವಿಜ್ಞಾನ ಮತ್ತು ತಂತ್ರಜ್ಞಾನ ಸಂಸ್ಥೆ (ಎಸ್‌ಸಿಟಿಐ) ಅಭಿವೃದ್ಧಿಪಡಿಸಿದೆ.

ಮತ್ತೊಂದು ವಿಶೇಷತೆಯೆಂದರೆ ಒಬ್ಬನ ಪರೀಕ್ಷೆಗೆ ತಗುಲುವ ವೆಚ್ಚ ಕೇವಲ 1,000 ರೂ. ‘ಚಿತ್ರ ಜೀನ್‌ಲ್ಯಾಂಪ್‌-ಎನ್‌’ ಹೆಸರಿನ ಈ ಕಿಟ್‌ ಸೋಂಕನ್ನು ನಿರ್ದಿಷ್ಟವಾಗಿ ಪತ್ತೆಹಚ್ಚುವ ಸಾಮರ್ಥ್ಯ ಹೊಂದಿದೆ.

ಸೋಂಕು ಹರಡುವಿಕೆಯ ಸಂದರ್ಭದಲ್ಲಿ ವೈರಲ್‌ ಜೀನ್‌ ರೂಪಾಂತರಗೊಂಡ ಬಳಿಕವೂ ಈ ಕಿಟ್‌ ಮೂಲಕ ಪರೀಕ್ಷೆ ನಡೆಸಿದರೆ ಅತಿ ಸ್ಪಷ್ಟ ಫಲಿತಾಂಶ ಸಿಗುತ್ತದೆ. ಇದನ್ನು ಅಭಿವೃದ್ಧಿಪಡಿಸಿರುವ ತಜ್ಞರು ಹೇಳುವಂತೆ, ಈ ಕಿಟ್‌ 10 ನಿಮಿಷಕ್ಕೂ ಕಡಿಮೆ ಅವದಿಯಲ್ಲಿ ರೋಗ ಪತ್ತೆ ಮಾಡಲಿದ್ದು, ವ್ಯಕ್ತಿಯಿಂದ ಸಂಗ್ರಹಿಸಿದ ನಮೂನೆ (ಸ್ಯಾಂಪಲ್‌) ಪರೀಕ್ಷಿಸಿ ಸೋಂಕು ದೃಢಪಡಿಸಲು ಎರಡು ಗಂಟೆಗಿಂತಲೂ ಕಡಿಮೆ ಸಮಯ ಹಿಡಿಯುತ್ತದೆ.