ಲಾಕ್‌ಡೌನ್‌ ಸಡಿಲಿಕೆ: ವ್ಯಾಪಿಸುತ್ತಿರುವ ಸೋಂಕು

Team Udayavani, Jun 20, 2020, 12:24 PM IST

ನ್ಯೂಯಾರ್ಕ್‌: ಲಾಕ್‌ಡೌನ್‌ ಸಡಿಲಿಕೆ ಬಳಿಕ ಆ್ಯಪಲ್‌ ಎಲೆಕ್ಟ್ರಾನಿಕ್ಸ್‌ ಮಳಿಗೆಯೊಂದರ ಎದುರು ಖರೀದಿಗಾಗಿ ನಿಂತಿರುವ ಗ್ರಾಹಕರು.

ವಾಷಿಂಗ್ಟ್ ನ್‌: ಆರ್ಥಿಕ ಚೇತರಿಕೆ ದೃಷ್ಟಿಯಿಂದ ಕೋವಿಡ್ ವೈರಸ್‌ ಕಾಣಿಸಿಕೊಂಡ ಜಗತ್ತಿನ ಎಲ್ಲ ರಾಷ್ಟ್ರಗಳಲ್ಲೂ ನಿರ್ಬಂಧಗಳನ್ನು ಸಡಿಲಗೊಳಿಸಲಾಗಿದೆ. ಆದರೆ ಇನ್ನೊಂದೆಡೆ ಪ್ರಪಂಚಾದ್ಯಂತ ಕೋವಿಡ್‌ -19 ಸೋಂಕು ವ್ಯಾಪಿಸುವಿಕೆ ಮುಂದುವರಿದಿದೆ. ಶುಕ್ರವಾರ ಮಧ್ಯಾಹ್ನದ ವೇಳೆಗೆ ಜಗತ್ತಿನಲ್ಲಿ ಕೋವಿಡ್‌ -19 ಸೋಂಕಿತರ ಸಂಖ್ಯೆ 86 ಲಕ್ಷ ದಾಟಿದೆ.

ಕೊರೊನಾ ವೈರಸ್‌ನ ತವರೂರಾದ ಚೀನ, ಯುರೋಪ್‌ ರಾಷ್ಟ್ರಗಳಲ್ಲಿ ಹೊಸ ಕೋವಿಡ್‌-19 ಪ್ರಕರಣಗಳು ಪತ್ತೆಯಾಗುತ್ತಿರುವುದು ಆತಂಕಕ್ಕೆ ಕಾರಣವಾಗಿದೆ.
ಶುಕ್ರವಾರ ಮಧ್ಯಾಹ್ನದ ವೇಳೆಗೆ ಕೋವಿಡ್ ಸೋಂಕಿತರ ಸಂಖ್ಯೆ ಜಗತ್ತಿನಲ್ಲಿ 86,02,416ಕ್ಕೂ ಅಧಿಕವಾಗಿದೆ. ಅಲ್ಲದೆ 4,56,802 ಮಂದಿ ಕೋವಿಡ್‌ -19 ಸೋಂಕಿಗೆ ಬಲಿ ಯಾಗಿದ್ದಾರೆ. ಈ ವರೆಗೆ ಜಗತ್ತಿನಲ್ಲಿ 45,52,526 ಮಂದಿ ಸೋಂಕಿನಿಂದ ಗುಣಮುಖರಾಗಿದ್ದು, 35,93,088 ಮಂದಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಸೋಂಕಿತರ ಪಟ್ಟಿಯಲ್ಲಿ ಮುಂದಿರುವ ಅಮೆರಿಕದಲ್ಲಿ ಈ ವರೆಗೆ 22,63,982 ಪ್ರಕರಣಗಳು ಪತ್ತೆಯಾಗಿವೆ. ಅನಂತರದ ಸ್ಥಾನಗಳಲ್ಲಿ ಕ್ರಮವಾಗಿ ಬ್ರಜಿಲ್‌, ರಷ್ಯಾ, ಭಾರತ ಇವೆ.