ಸೋಂಕಿತರಿಗೆ ಭೀತಿ ಅಲ್ಲ ಪ್ರೀತಿ ಅವಶ್ಯಕತೆಯಿದೆ; ಕೋವಿಡ್ ಗೆದ್ದ ಸಚಿವ ಸಿ.ಟಿ.ರವಿ ಅಭಿಮತ

Team Udayavani, Jul 24, 2020, 4:08 PM IST

ಚಿಕ್ಕಮಗಳೂರು: ಕೋವಿಡ್ ರೋಗಿಗಳಿಗೆ ಪ್ರೀತಿ ಅವಶ್ಯಕತೆಯಿದೆ, ಭೀತಿ ಅಲ್ಲ ನನಗೆ ಆ ಪ್ರೀತಿ ನನ್ನ ಮನೆಯಲ್ಲಿ ಸಿಕ್ತು ಆದುದರಿಂದ ಕೋವಿಡ್ ಸೋಂಕಿನಿಂದ ಬೇಗ ಗುಣಮುಖನಾಗಿದ್ದೇನೆ  ಕೋವಿಡ್ ಗೆದ್ದಿರುವ ಸಚಿವ ಸಚಿವ ಸಿ.ಟಿ.ರವಿಯವರ ಅಭಿಮತ.

ಕೋವಿಡ್ ಗೆ ಹೆದರುವ ಅವಶ್ಯಕತೆ ಇಲ್ಲ ಜನರಿಗೆ ಈಗ ಬೇಕಾಗಿರುವುದು ಪ್ರೀತಿ, ವಿಶ್ವಾಸ, ಕೋವಿಡ್ ನ್ನು ಸುಲಭವಾಗಿ ಎದುರಿಸಬಹುದು. ಬೇರೆ ಖಾಯಿಲೆಯಿಂದ ಬಳಲುತ್ತಿರುವವರಿಗೆ ಕೋವಿಡ್ ಬಾಧಿಸಿದರೆ ಧೈರ್ಯದಿಂದ ಎದುರಿಸಬೇಕು ಎಂದು ಹೇಳಿದರು.

ವೈದ್ಯ ಗಿರಿಧರ್ ಕಜೆ ಅವರ ಮೆಡಿಸನ್ ನನ್ನು ತೆಗೆದುಕೊಳ್ಳುತ್ತಿದ್ದೆ ಹಾಗೂ ವ್ಯಾಯಾಮ, ಪ್ರಾಣಾಯಾಮ ಮಾಡುತ್ತಿದ್ದೆ ಹಾಗೆಯೇ ವಿಶ್ರಾಂತಿ ಪಡೆದುಕೊಳ್ಳುತ್ತಿದ್ದೆ ಇದು ನನ್ನ ಪ್ರತಿ ದಿನದ ದಿನಚರಿಯಾಗಿತ್ತು ಎಂದರು.

ಸಿದ್ದರಾಮಯ್ಯ ಹೇಳಿಕೆಗೆ ಪ್ರತಿಕ್ರಿಯೆ ನೀಡಲು ನಿರಾಕರಿಸಿದ ಅವರು ಸಚಿವ ಸಂಪುಟ ವಿಸ್ತರಣೆ ಬಗ್ಗೆ ನನಗೆ ಮಾಹಿತಿ ಇಲ್ಲ ಅದು ಸಿಎಂ ಯಡಿಯೂರಪ್ಪ ನವರಲ್ಲಿಯೇ ಕೇಳಿ ಎಂದರು.