ಕೋವಿಡ್ ವೈರಸ್ ಗಿಲ್ಲ ತಡೆ ; ಸೌದಿಯಲ್ಲಿ ಕರ್ಫ್ಯೂ ವಿಸ್ತರಣೆ

Team Udayavani, Apr 6, 2020, 1:49 AM IST

ಸಾಂದರ್ಭಿಕ ಚಿತ್ರವನ್ನು ಬಳಸಲಾಗಿದೆ – Representative Image Used

ಸೌದಿ ಅರೇಬಿಯಾ ಹಾಗೂ ಯುಎಇನಲ್ಲಿ ಕೋವಿಡ್ ಸೋಂಕು ಏರಿಕೆಯಾಗುತ್ತಿರುವ ಹಿನ್ನೆಲೆಯಲ್ಲಿ ಲಾಕ್‌ ಡೌನ್‌ ಹಾಗೂ ಕರ್ಫ್ಯೂ ವಿಸ್ತರಿಸಲಾಗಿದೆ. ಬೆಳಗ್ಗೆ 6ರಿಂದ ಮಧ್ಯಾಹ್ನ 3 ರವರೆಗೆ ಮಾತ್ರ ಅಗತ್ಯ ವಸ್ತುಗಳ ಅಂಗಡಿ ಹಾಗೂ ವೈದ್ಯಕೀಯ ಕೇಂದ್ರಗಳು ತೆರೆದಿರುತ್ತವೆ. ಉಳಿದ ಅವಧಿಯಲ್ಲಿ ನಿರ್ಬಂಧ ಇರುತ್ತದೆ ಎಂದು ಅಲ್ಲಿನ ಗೃಹ ಸಚಿವಾಲಯ ತಿಳಿಸಿದೆ.

ಸೌದಿ ಹಾಗೂ ದಾಮ್ಮಮ್‌ನಲ್ಲಿ ಈಗಾಗಲೇ ಕಟ್ಟುನಿಟ್ಟಿನ ಕ್ರಮ ಕೈಗೊಳ್ಳಲಾಗಿದೆ. ಸೌದಿ ಅರೇಬಿಯಾದಲ್ಲಿ 2,179 ಸೋಂಕಿತರು ಕಂಡು ಬಂದಿದ್ದು, 74 ಮಂದಿ ಮೃತಪಟ್ಟಿದ್ದಾರೆ. ಯುಎಐನಲ್ಲಿ ಸೋಂಕಿ ಬಾಧಿತ ಪ್ರದೇಶದಲ್ಲಿ ಮಾರ್ಚ್‌ 26ರಿಂದ ಕರ್ಫ್ಯೂ ಜಾರಿಯಲ್ಲಿತ್ತು, ಇದನ್ನೀಗ ವಿಸ್ತರಿಸಲಾಗಿದೆ. ಕುವೈತ್‌ನಲ್ಲಿ 479 ಮಂದಿ ಸೋಂಕು ತಗುಲಿದ್ದು, ಓರ್ವ ಮೃತಪಟ್ಟಿದ್ದಾರೆ. ಒಮಾನ್‌ನಲ್ಲಿ 277 ಸೋಂಕಿತರು ಹಾಗೂ ಖತಾರ್‌ನಲ್ಲಿ 1,325 ಕೊರೊನಾ ಸೋಂಕಿತರು ಕಂಡು ಬಂದಿದ್ದಾರೆ.