Desi Swara: ಮುದ್ದಣ್ಣನ ಶ್ರೀ ರಾಮಾಶ್ವಮೇಧಂ ಪುಸ್ತಕ ಸಮರ್ಪಣೆ

Team Udayavani, Nov 30, 2024, 1:09 PM IST

ಮೆಲ್ಬರ್ನ್: ಮೆಲ್ಬರ್ನ್ ಕನ್ನಡ ಸಂಘದ ಬೆಳ್ಳಿಹಬ್ಬದ ಸಂಭ್ರಮದಲ್ಲಿ , ಗ್ರಂಥಾಲಯಕ್ಕೆ ಮುದ್ದಣ ಪ್ರಕಾಶನದ ಶ್ರೀರಾಮಾಶ್ವಮೇಧಂ, ರತ್ನಾವತಿ ಕಲ್ಯಾಣ, ಕುಮಾರ ವಿಜಯ ಮತ್ತು ಹರಿಕಥೆಯ ದಂತಕಥೆ ಎಂ.ಎಸ್‌. ಪದ್ಮಾವತಿ ರಾವ್‌ ಹಾಗೂ ಇತರ ಕೃತಿಗಳನ್ನು ಮುದ್ದಣ ಪ್ರಕಾಶನದ ಅಧ್ಯಕ್ಷ ನಂದಳಿಕೆ ಬಾಲಚಂದ್ರ ರಾವ್‌ ಸಮರ್ಪಿಸಿದರು.

ಈ ಕಾರ್ಯಕ್ರಮದಲ್ಲಿ ಅಧ್ಯಕ್ಷ ಗಾಂಧಿ ಬೇವಿನಕೊಪ್ಪ , ಗ್ರಂಥಾಧಿಕಾರಿ ಸತೀಶ್‌ ಸವನೂರ, ವಿಂಡಮ್‌ ಕನ್ನಡ ಬಳಗದ ಅಧ್ಯಕ್ಷ ಗಣೇಶ ಉಬರಳೆ ಕೃಷ್ಣಯ್ಯ ಹಾಗೂ ಪದಾಧಿಕಾರಿಗಳು ಭಾಗವಹಿಸಿದರು. ಕನ್ನಡ ಸಾಹಿತ್ಯದ ಪ್ರಚಾರಕ್ಕೆ ಈ ಕೃತಿಗಳು ಪ್ರೇರಣೆ ನೀಡಲಿವೆ ಎಂದು ಅಧ್ಯಕ್ಷರು ಅಭಿಪ್ರಾಯಪಟ್ಟರು.

ಜತೆಗೆ ಇಲ್ಲಿನ ಮುರುಂಬಿನಾದ ಶ್ರೀ ವೆಂಕಟಕೃಷ್ಣ ವೃಂದಾವನ, ಶ್ರೀ ರಾಘವೇಂದ್ರ ಸ್ವಾಮಿ ಮಠದಲ್ಲಿ ಮುದ್ದಣ ಪ್ರಕಾಶನದ ಸುವರ್ಣ ಸಂಭ್ರಮ ಕೃತಿ “ಹೊಂಬಾಳೆ’ ಅನ್ನು ಶ್ರೀ ಮಠದ ಆಡಳಿತಾಧಿಕಾರಿ ಶ್ರೀ ವಿಶ್ವನಾಥ್‌ ಭಟ್‌ ಅವರಿಗೆ ಮುದ್ದಣ ಪ್ರಕಾಶನದ ಅಧ್ಯಕ್ಷ ನಂದಳಿಕೆ ಬಾಲಚಂದ್ರ ರಾವ್‌ ಸಮರ್ಪಿಸಿದರು. ಈ ಸಂದರ್ಭದಲ್ಲಿ ವಿಂಡಮ್‌ ಕನ್ನಡ ಬಳಗದ ಅಧ್ಯಕ್ಷ ಗಣೇಶ ಉಬರಳೆ ಕೃಷ್ಣಯ್ಯ ಮತ್ತು ಬಳಗದ ಪದಾಧಿಕಾರಿಗಳು ಭಾಗವಹಿಸಿದ್ದರು.