Desi Swara: ಜಾನಪದ ನೃತ್ಯ ವೈಭವ, ಸಂಗೀತ ರಸಮಂಜರಿ

Team Udayavani, Dec 9, 2023, 10:50 AM IST

ದುಬೈ: ಇಲ್ಲಿನ ಕರ್ನಾಟಕ ಸಂಘ ದುಬೈ ಆಯೋಜನೆಯಲ್ಲಿ ನ.26ರಂದು ಕರ್ನಾಟಕ ರಾಜ್ಯೋತ್ಸವದ ಕಾರ್ಯಕ್ರಮವು
Al NASER LESUIR LAND ICE RINK OUD METHA DUBAIಯಲ್ಲಿ ಬಹಳ ಅದ್ದೂರಿಯಾಗಿ ನೆರವೇರಿತು.

ವೇದಿಕೆಯಲ್ಲಿ ಪ್ರಮುಖ ಗಣ್ಯರ ಸಮ್ಮುಖದಲ್ಲಿ ದೀಪ ಪ್ರಜ್ವಲಿಸುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಲಾಯಿತು. ವಿವಿಧ ಸಾಂಸ್ಕೃತಿಕ, ವೈವಿಧ್ಯಮಯ ಜಾನಪದ ನೃತ್ಯ ವೈಭವ, ಎದೆತುಂಬಿ ಹಾಡುವೆನು ಖ್ಯಾತಿಯ ಹಿನ್ನೆಲೆ ಗಾಯಕ ಸಂದೇಶ್‌ ನೀರುಮಾರ್ಗ, ನವೀರ ಬಾನು ಹಾಗೂ ದುಬೈಯ ಖ್ಯಾತ ಸಂಗೀತ ಗಾಯಕ ಉದ್ಯಮಿ ಸಮಾಜ ಸೇವಕರಾದ MI Navee Magundiಯವರಿಂದ ಕನ್ನಡ ಸಂಗೀತ ರಸಮಂಜರಿ, ಪಿಲಿನಲಿಕೆ ಕಾರ್ಯಕ್ರಮ ನಡೆಯಿತು.

ಯಕ್ಷಗಾನ ಅಭ್ಯಾಸ ಕೇಂದ್ರ ಯುಎಇಯ ಖ್ಯಾತ ಯಕ್ಷಗಾನ ಭಾಗವತರಾದ ಕೃಷ್ಣ ಪ್ರಸಾದ್‌ ರಾವ್‌ ಸುರತ್ಕಲ್‌ ಅವರ ಸುಮಧುರ ಕಂಠದ, ಇಂಪಾದ ಸ್ವರದ ಭಾಗವತಿಕೆ, ಭವಾನಿ ಶಂಕರ ಶರ್ಮಾ ದುಬೈರವರ ಚೆಂಡೆ ವಾದನ, ಗಿರೀಶ್‌ ನಾರಾಯಣ್‌ ಕಾಟಿಪಳ್ಳ ಅವರು ಮದ್ದಲೆಯಲ್ಲಿ ಸಹಕರಿಸಿ ಪ್ರಖ್ಯಾತ ಯಕ್ಷಗಾನ ಕಲಾವಿದರಾದ ದಿನೇಶ್‌ ಶೆಟ್ಟಿಗಾರ್‌ ಕೊಡಪದವು, ದಿನೇಶ್‌ ರೈ ಕಡಬ ಹಾಗೂ ಚಲನಚಿತ್ರ ಮತ್ತು ರಂಗಭೂಮಿ ಕಲಾವಿದ ಹಾಸ್ಯ ನಟ ನವೀನ್‌ ಡಿ. ಪಡೀಲ್, ದೀಪಕ್‌ ರೈ ಪಾಣಾಜೆಯವರಿಂದ ಯಕ್ಷ ಹಾಸ್ಯ ಸಾಗರ ನಡೆಯಿತು.

ಗಿಚ್ಚಿ ಗಿಲಿಗಿಲಿ ತಂಡದಿಂದ ಹಾಸ್ಯ-ಹಳ್ಳಿ -ಆಟ ಮತ್ತು ದುಬೈಯ ಟೀಮ್‌ ನೃತ್ಯ ಪ್ರಿಯೆ ಅಪ್ಪೆನ ಮೋಕೆದ ಪೊಣ್ಣು ಪಿಲಿಕುಳು ತಂಡದಿಂದ ಹೆಣ್ಣು ಹುಲಿ ಕುಣಿತ ಹಾಗೂ ಗಿರೀಶ್‌ ನಾರಾಯಣ್‌ ಕಾಟಿಪಳ್ಳ ಸಾರಥ್ಯದ ಟೀಮ್‌ ಪಿಲಿನಲಿಕೆ ದುಬೈ ತಂಡದಿಂದ ವಿಶೇಷ ಹುಲಿ ಕುಣಿತದೊಂದಿಗೆ ವಾದ್ಯ ಗೋಷ್ಠಿ, ಅರ್ನಾಕಲಿ ವೇಷ, ಚೆಂಡೆವಾದನದೊಂದಿಗೆ ನಮ್ಮೆಲ್ಲರ ಹೆಮ್ಮೆಯ ಮೈಸೂರು ದಸರಾ ವೈಭವವನ್ನು ನೆನಪಿಸುವ ವಿಶೇಷ ಮೆರವಣಿಗೆಯು ಬಹಳ ವಿಜೃಂಭಣೆಯಿಂದ ನಡೆಯಿತು. ‌

ಸಾವಿರಕ್ಕೂ ಹೆಚ್ಚಿನ ಸಂಖ್ಯೆಯಲ್ಲಿ ಕನ್ನಡಿಗರು ಭಾಗವಹಿಸಿ ನಮ್ಮ ನಾಡು ನುಡಿ ಸಂಸ್ಕೃತಿಯ ಗೌರವಕ್ಕೆ ಪಾತ್ರರಾಗಿದ್ದು , ಕಸ್ತೂರಿ ಕನ್ನಡದ ಕಂಪಸೂಸುವ ಸಮಾರಂಭವಾಗಿತ್ತು.

ರಕ್ತದಾನ ಮಹಾದಾನ ಎನ್ನುವ ಒಳ್ಳೆಯ ಉದ್ದೇಶವಿಟ್ಟುಗೊಂಡು UAEಯಲ್ಲಿರುವ ಬಹುತೇಕ ಎಲ್ಲ ಸಂಘ ಸಂಸ್ಥೆಗಳ ಜತೆ ಸೇರಿ ಸರಿ ಸುಮಾರು 400ಕ್ಕಿಂತಲೂ ಹೆಚ್ಚಿನ ರಕ್ತದಾನ ಶಿಬಿರ ಆಯೋಜನೆ ಮಾಡುವ ಮೂಲಕ ಜನ ಮಾನಸವನ್ನು ಗೆದ್ದಿರುವ ದುಬೈಯ ಯಶಸ್ವಿ ಉದ್ಯಮಿ, ಖ್ಯಾತ ಸಮಾಜ ಸೇವಕರಾದ ಮೊಗವೀರ ಫ್ಯಾಮಿಲಿ UAEಯ ಉಪಾಧ್ಯಕ್ಷರಾದ ಬಾಲಕೃಷ್ಣ ಸಾಲಿಯಾನ್‌ ಯಾನೆ ಬಾಲಣ್ಣ ಅವರಿಗೆ ದುಬೈ ಕರ್ನಾಟಕ ಸಂಘದ ಪ್ರತಿಷ್ಠಿತ ಕರ್ನಾಟಕ ರಾಜ್ಯೋತ್ಸವ 2023ರ ವಿಶೇಷ ಪ್ರಶಸ್ತಿ ಪ್ರದಾನ ಸಮಾರಂಭ ನಡೆಯಿತು.

ಶಶಿಧರ್‌ ನಾಗರಾಜಪ್ಪ ಅಧ್ಯಕ್ಷರು ಮತ್ತು ಸರ್ವ ಪದಾಧಿಕಾರಿಗಳು ಹಾಗೂ ಸದಸ್ಯರು ಕರ್ನಾಟಕ ಸಂಘ ದುಬೈನ ಸದಸ್ಯರು ಕಾರ್ಯಕ್ರಮದ ಯಶಸ್ವಿಗೆ ಸಹಕರಿಸಿದರು.

ವರದಿ: ಮಹಾಲಕ್ಷ್ಮೀ ಸುಬ್ರಹ್ಮಣ್ಯ