Desi Swara: ಭಾರತೀಯ ರಾಯಭಾರ ಕಚೇರಿಯಡಿಯಲ್ಲಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮ

Team Udayavani, Feb 17, 2024, 11:18 AM IST

ಕತಾರ್‌: ಭಾರತೀಯ ರಾಯಭಾರ ಕಚೇರಿಯ ಅಡಿಯಲ್ಲಿ ಭಾರತೀಯ ಸಾಂಸ್ಕೃತಿಕ ಕೇಂದ್ರ ಮತ್ತು ಅದರ ಸಂಬಂಧಿತ ಸಂಸ್ಥೆಗಳು ಲುಸೈಲ್‌ ಬೌಲೆವಾರ್ಡ್‌ನಲ್ಲಿ ನಡೆಯುತ್ತಿರುವ “ಹಯ್ಯ ಏಷ್ಯಾ ಉತ್ಸವ’ದ ಭಾಗವಾಗಿ ವಿವಿಧ ಪ್ರದರ್ಶನಗಳನ್ನು ಪ್ರದರ್ಶಿಸುತ್ತಿವೆ.

ಇಂಡಿಯನ್‌ ಕಲ್ಚರಲ್‌ ಸೆಂಟರ್‌ (ಐಇಇ) ಕಾಲ ಚಕ್ರಮ… (ಕೇರಳ ರಿದಮ್ಸ್‌ , ಫೆಸ್ಟಿವಲ್) ಅನ್ನು ಆಯೋಜಿಸಿದೆ. ಸಾಂಸ್ಕೃತಿಕ ಸಂಭ್ರಮವು ಭರತನಾಟ್ಯ, ಕಥಕ್ಕಳಿ, ಮೋಹಿನಿಯಾಟ್ಟಂ, ಕೇರಳನಾದನಂ, ಕೈಕೊಟ್ಟಿಕಳಿ ಮತ್ತು 11ನೇ ಶತಮಾನದ ಪ್ರಾಚೀನ ಸಮರ ಕಲೆಯಾದ ಕಲರಿಪ್ಪಾಯಟ್ಟುಗಳಲ್ಲಿ ಮೋಡಿಮಾಡುವ ಪ್ರದರ್ಶನಗಳನ್ನು ಪ್ರದರ್ಶಿಸಿತು. ವಿವಿಧ ದೇಶಗಳ ಸಾವಿರಾರು ಪ್ರೇಕ್ಷಕರು ಇದನ್ನು ವೀಕ್ಷಿಸಿದರು. ‌

ಈ ಸಂದರ್ಭದಲ್ಲಿ ಐಸಿಸಿ ಅಧ್ಯಕ್ಷ ಎ.ಪಿ.ಮಣಿಕಂಠನ್‌, ಉಪಾಧ್ಯಕ್ಷ ಸುಬ್ರಹ್ಮಣ್ಯ ಹೆಬ್ಟಾಗಿಲು, ಪ್ರಧಾನ ಕಾರ್ಯದರ್ಶಿ ಮೋಹನ್‌ ಕುಮಾರ್‌, ಐಸಿಸಿ ವ್ಯವಸ್ಥಾಪಕ ಸಮಿತಿಯ ಸದಸ್ಯರು, ಸಂಘ ಸಂಸ್ಥೆಗಳ ಅಧ್ಯಕ್ಷರು ಹಾಗೂ ಸಮಾಜದ ಹಿರಿಯ ಮುಖಂಡರು ಉಪಸ್ಥಿತರಿದ್ದರು. ಪ್ರದರ್ಶನಗಳನ್ನು ಎರ್ನಾಕುಲಂ ಜಿಲ್ಲಾ ಸಾಮಾಜಿಕ ಸಂಘಟನೆಯ ವ್ಯವಸ್ಥಾಪಕ ಸಮಿತಿಯು ಸಂಯೋಜಿಸಿತು.