ಬೀಳಗಿ ಕೆರೆ ಅಭಿವೃದ್ಧಿಗೆ 1 ಕೋಟಿ ಅನುದಾನ: ನಿರಾಣಿ

Team Udayavani, Feb 13, 2021, 7:23 PM IST

ಬೀಳಗಿ: ಕೆರೆ ಸುತ್ತಲು ಜನರ ವಾಯು ವಿಹಾರಕ್ಕಾಗಿ ಗಾರ್ಡನ್‌, ಸಾರ್ವಜನಿಕರಿಗೆ ಆಸನದ ವ್ಯವಸ್ಥೆ ಹಾಗೂ ವಿವಿಧ ಅಭಿವೃದ್ಧಿಕಾಮಗಾರಿಗೆ 1ಕೋಟಿ ಅನುದಾನ ಶೀಘ್ರ ಮಂಜೂರಾಗಲಿದೆ ಎಂದು ವಿಧಾನ ಪರಿಷತ್‌ ಸದಸ್ಯ ಎಚ್‌. ಆರ್‌. ನಿರಾಣಿ ಹೇಳಿದರು.

ಗುರುವಾರ ಪಟ್ಟಣದ ಕೆರೆಗೆ ಭೇಟಿ ನೀಡಿ ಮಾತನಾಡಿದ ಅವರು, ಸಚಿವ ಮುರಗೇಶ ನಿರಾಣಿ ಅವರ ಜನರ ಆಸೆಯಂತೆ 2ಕೋಟಿ ರೂ. ವೆಚ್ಚದಲ್ಲಿ ಕೃಷ್ಣಾ ನದಿಯಿಂದ ಪಟ್ಟಣದ ಕೆರೆಗೆ ಶೇ. 90ರಷ್ಟು ನೀರನ್ನು ತುಂಬಿಸಲಾಗಿತ್ತು. ಆದರೆ ಅಧಿಕಾರಿಗಳ ನಿರ್ಲಕ್ಷ್ಯದಿಂದ, ನಿಗದಿತ ಅವಧಿಯಲ್ಲಿ ಕಾಮಗಾರಿ ಮುಗಿಸದಕಾರಣ ಕೆರೆ ನೀರು ಸೋರಿಕೆಯಾಗುತ್ತದೆ.ಸುತ್ತಮುತ್ತಲು ಗಿಡಗಂಟಿ ಬೆಳೆದಿವೆ. ಕೆರೆ ದಡದಲ್ಲಿ ಜನರು ಬಯಲು ಶೌಚಮಾಡುವದನ್ನು ತಡೆಗಟ್ಟಲು ಪಪಂ ಕ್ರಮ ಕೈಗೊಳ್ಳಬೇಕು ಎಂದರು.

ಬರುವ ದಿನಗಳಲ್ಲಿ ಸಚಿವ ಮುರಗೇಶ ನಿರಾಣಿ ಕೆರೆ ಬಾಗಿನ ಅರ್ಪಣೆ ಮಾಡುವರು. ಜನರ ಆಸೆಯಂತೆ ಸಂಪೂರ್ಣವಾಗಿ ಕೆರೆಗೆನೀರು ತುಂಬಿಸಲಾಗುವುದು ಎಂದು ಭರವಸೆ ನೀಡಿದರು.

ಬಿಜೆಪಿ ಅಧ್ಯಕ್ಷ ಈರಣ್ಣ ಗಿಡ್ಡಪ್ಪಗೋಳ,ಪಪಂ ಮುಖ್ಯಾಧಿಕಾರಿ ಐ.ಕೆ. ಗುಡದಾರಿ, ಸಣ್ಣ ನೀರಾವರಿ ಎಂಜನಿಯರ್‌ ಎಸ್‌.ಎಂ. ಬಾಟಿ, ಪಪಂ ಅಧ್ಯಕ್ಷ ಸಿದ್ದಲಿಂಗೇಶ ನಾಗರಾಳ, ಉಪಾಧ್ಯಕ್ಷ ಕಾಮೇಶ ದಂಧರಗಿ, ಸಂತೋಷ ನಿಂಬಾಳ್ಕರ, ಸಿದ್ದು ಮಾದರ, ಮುತ್ತು ಬೋರ್ಜಿ, ನಿಂಗಪ್ಪ ದಂಧರಗಿ, ಮಲ್ಲಪ್ಪ ಶಂಬೋಜಿ, ವಿ ಜಿ ರೇವಡಿಗಾರ, ಸಂಗಪ್ಪ ಕಟಗೇರಿ ಇದ್ದರು.