India ವಿಶ್ವಕಪ್ ಗೆಲ್ಲಲಿ ಎಂದು ಕಾಡಸಿದ್ದೇಶ್ವರರಿಗೆ ಹೂ ಮಾಲೆ ಅರ್ಪಿಸಿದ ಅಭಿಮಾನಿ

Team Udayavani, Oct 3, 2023, 9:06 PM IST

ರಬಕವಿ ಬನಹಟ್ಟಿ : ಭಾರತ ವಿಶ್ವಕಪ್ ಗೆಲ್ಲಲಿ ಎಂದು ಬಾಗಲಕೋಟೆ ಜಿಲ್ಲೆಯ ರಬಕವಿ ಬನಹಟ್ಟಿ ತಾಲೂಕಿನ ಬನಹಟ್ಟಿಯ ಶ್ರೀ ಕಾಡಸಿದ್ದೇಶ್ವರ ಜಾತ್ರೆಯಲ್ಲಿ ವಿಶೇಷವಾಗಿ ಬೋರ್ಡ್ ಹಿಡಿದು ಶ್ರೀ ಕಾಡಸಿದ್ದೇಶ್ವರನಿಗೆ ಹೂ ಮಾಲೆ ಅರ್ಪಿಸಿದ ಘಟನೆ ಮಂಗಳವಾರ ಸಂಜೆ ನಡೆದಿದೆ.

ರಬಕವಿ ಬನಹಟ್ಟಿ ತಾಲೂಕಿನ ಬನಹಟ್ಟಿಯಲ್ಲಿ ನಡೆಯುತ್ತಿರುವ ಶ್ರೀ ಕಾಡಸಿದ್ದೇಶ್ವರ ಜಾತ್ರಾ ಮಹೋತ್ಸವದಲ್ಲಿ ಶ್ರೀ ಕಾಡಸಿದ್ದೇಶ್ವರರಿಗೆ ಭಕ್ತರು ಹರಕೆ ಹೊರುವುದು ವಾಡಿಕೆ ತಮ್ಮ ಇಷ್ಟಾರ್ಥ ಸಿದ್ದಿಸಿದಂತೆ ಮತ್ತೆ ಬಂದು ಹೂಮಾಲೆ ಪಟಾಕಿ ಸಿಡಿಸಿ ಹರಕೆ ತೀರಿಸುತ್ತಾರೆ. ಆದರೆ ಇಲ್ಲಿಯ ಅಮೀತ ಮನಗೂಳಿ ಹಾಗೂ ಅಂಕಿತಾ ರಾಜಶೇಖರ ಮನಗೂಳಿ ಅವರು ಸದ್ಯದಲ್ಲಿಯೇ ನಡೆಯಲಿರುವ ವಿಶ್ವಕಪ್ ಕ್ರಿಕೆಟ್ 2023ನ್ನು ಭಾರತ ತಂಡ ಗೆಲ್ಲಲಿ ಎಂದು ಕಾಡಸಿದ್ದೇಶ್ವರರಿಗೆ ಹೂ ಮಾಲೆ ಅರ್ಪಿಸಿ ಪ್ರಾರ್ಥಿಸಿ ತಮ್ಮ ಅಭಿಮಾನವನ್ನು ಮೆರೆದಿದ್ದಾರೆ.