ಡಿ. 23ರಂದು ಬೆಳಗಾವಿ ಚಲೋ ಕಾರ್ಯಕ್ರಮ

Team Udayavani, Dec 21, 2021, 7:53 PM IST

ರಬಕವಿ-ಬನಹಟ್ಟಿ : ಆದಿಬಣಜಿಗ ಸಮಾಜದ ವತಿಯಿಂದ ಡಿ. ೨೩ ರಂದು ಬೆಳಗಾವಿ ಚಲೋ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿದೆ ಎಂದು ರಬಕವಿಯ ಆದಿಬಣಜಿಗ ಸಮಾಜದ ಮುಖಂಡ ಧರೆಪ್ಪ ಉಳ್ಳಾಗಡ್ಡಿ ಹೇಳಿದರು.

ಅವರು ಮಂಗಳವಾರ ರಬಕವಿಯಲ್ಲ್ಲಿ ನಡೆದ ಡಿ. 23 ರಂದು ಬೆಳಗಾವಿ ಚಲೋ ಕಾರ್ಯಕ್ರಮದ ಪೂರ್ವಭಾವಿ ಸಭೆಯಲ್ಲಿ ಮಾತನಾಡಿದರು. ಆದಿಬಣಜಿಗ ಸಮಾಜವನ್ನು ಗೆಜೆಟ್‌ನಲ್ಲಿ ಸೇರಿಸುವ ನಿಟ್ಟಿನಲ್ಲಿ . ಬೆಳಗಾವಿ ಸುವರ್ಣಸೌಧದ ಎದುರು ಡಿ. 23ರಂದು ಆದಿಬಣಜಿಗ ಸಮಾಜದ ವತಿಯಿಂದ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿದೆ ಈ ಪ್ರತಿಭಟನೆಗೆ ರಬಕವಿ-ಬನಹಟ್ಟಿ ತಾಲೂಕಿನಲ್ಲಿರುವ ಆದಿ ಬಣಜಿಗ ಸಮಾಜದ ಬಂಧುಗಳು ಪ್ರತಿ ಮನೆಗೊಬ್ಬರಂತೆ ಬೆಳಗಾವಿ ಸುವರ್ಣಸೌಧಕ್ಕೆ ಆಗಮಿಸಿ ಪ್ರತಿಭಟನೆಯಲ್ಲಿ ಪಾಲ್ಗೊಳ್ಳಬೇಕು. ಶತಮಾನಗಳಿಂದ ಸರ್ಕಾರದ ನಿರ್ಲಕ್ಷ್ಯಕ್ಕೆ ಒಳಗಾದ ಸಮಾಜವನ್ನು ಮುಖ್ಯವಾಹಿನಿಗೆ ತರಲು ಮತ್ತು ಸಮಾಜದ ಪ್ರತಿಯೊಬ್ಬರಿಗೆ ಸರ್ಕಾರ ವಿಶೇಷ ಸವಲತ್ತು, ಶೈಕ್ಷಣಿಕ, ಸಾಮಾಜಿಕ, ಆರ್ಥಿಕ ಸವಲತ್ತು, ಮೀಸಲಾತಿ ಸೌಲಭ್ಯ ಸೇರಿದಂತೆ ಹಲವು ಪ್ರಶ್ನೆಗಳಿಗೆ ಉತ್ತರ ಕಂಡುಕೊಳ್ಳುವ ನಿಟ್ಟಿನಲ್ಲಿ ಪ್ರತಿಭಟನೆ ಮಾಡಲಾಗುತ್ತಿದೆ ಎಂದರು.

ಈ ಸಂದರ್ಭದಲ್ಲಿ ಡಾ. ಬಸವರಾಜ ಡಂಗಿ, ರಾಜು ಸಜ್ಜನವರ, ಮಲ್ಲಪ್ಪ ಶಿರಗುಪ್ಪಿ, ಶ್ರೀಶೈಲ ಆದರಗಿ, ರಮೇಶ ಯಕ್ಸಂಬಿ, ಮಹಾದೇವ ಯಕ್ಸಂಬಿ, ತಮ್ಮಣ್ಣ ಮಾಯನ್ನವರ, ಶೇಖರ ಸಜ್ಜನವರ, ಆನಂದ ಚೌಲಗಿ, ಬಸವರಾಜ ಹಂಚನಾಳ, ಕೆಂಪೆರಾಯ ನಿವಜಗಿ, ಕುಮಾರ ಸಜ್ಜನವರ, ಶೈಲು ನಿಂಬಿಕಾಯಿ, ನಾಗರಾಜ ನಿಂಬಿಕಾಯಿ, ಆನಂದ ಶಿರೋಳ, ವಿಶಾಲ ಶಿರಗುಪ್ಪಿ ಸೇರಿದಂತೆ ಅನೇಕರು ಇದ್ದರು.