ಮರಣಿಸಿದ ತಿಂಗಳುಗಳ ಬಳಿಕ ಬಂತು ಕೋವಿಡ್ ‌2 ನೇ ಡೋಸ್ ಲಸಿಕಾ ವರದಿ? ಏನಿದು ವಿಚಿತ್ರ!

Team Udayavani, Sep 11, 2021, 6:44 PM IST

ಬನಹಟ್ಟಿ : ದೇಶಾದ್ಯಂತ ಕೋವಿಡ್ ವೈರಸ್ ಹಾವಳಿಯನ್ನು ತಡೆಯಲು ಕೇಂದ್ರ ಸರ್ಕಾರ ಭಾರತೀಯರಿಗೆ ಲಸಿಕೆ ನೀಡುತ್ತಿದೆ. ಆದರೆ ಇಲ್ಲೊಂದು ಕಡೆ ಸತ್ತವರ ಹೆಸರಲ್ಲೂ ಸಹ ಲಸಿಕೆ ನೀಡಿಕೆಗೆ ಮುಂದಾಗಿರುವದು ಶಾಕ್ ತಂದಿದೆ.

ಬಾಗಲಕೋಟೆ ಜಿಲ್ಲೆಯ ರಬಕವಿ-ಬನಹಟ್ಟಿ ತಾಲೂಕಿನ ಬನಹಟ್ಟಿಯ ಮಾಲಾ ಪ್ರಕಾಶ ಪಾವಟೆ ಕೋವಿಡ್‌ ಮೊದಲ ಡೋಸ್ ಪಡೆದ ನಂತರ  ಕಳೆದ ಏಪ್ರಿಲ್ 28 ರಂದು ಕೋವಿಡ್‌ ನಿಂದ  ಮರಣ ಹೊಂದಿದ್ದಾರೆ. ಅವರು ಸತ್ತಿರುವ ಮರಣ ಪ್ರಮಾಣ ಪತ್ರವೂ ಕುಟುಂಬಸ್ಥರ ಬಳಿ ಇದೆ. ಇದೀಗ ಮಾಲಾ ಎರಡನೇ ಡೋಸ್  ಲಸಿಕೆ ನೀಡಲಾಗಿದೆ ಎಂದು ಸೆ.8 ರಂದು ಮನೆಯವರ ಮೊಬೈಲ್‌ಗೆ ಮೆಸೇಜ್ ಜೊತೆಗೆ ಲಸಿಕೆ ಪ್ರಮಾಣ ಪತ್ರವನ್ನು ನೀಡಲಾಗಿದೆ.

ಇದನ್ನೂ ಓದಿ:ಟೋಲ್ ವಸೂಲಿ ಮಾಡಿ ಸೌಲಭ್ಯ ನೀಡದ ಜಿಕೆಸಿ ಕಂಪನಿ ವಿರುದ್ಧ ಜನರ ಆಕ್ರೋಶ

ಇದನ್ನು ನೋಡಿ ಮನೆಯವರು ಶಾಕ್ ಆಗಿದ್ದಾರೆ. ನಂತರ ಮಾಧ್ಯಮದವರಿಗೆ ಮರಣ ಪ್ರಮಾಣ ಪತ್ರವನ್ನು ತೋರಿಸಿ, ಇದು ಹೇಗೆ ಸಾಧ್ಯ ಎಂದು ನಮಗೆ ತಿಳಿಯುತ್ತಿಲ್ಲ ಎಂದಿದ್ದಾರೆ.