10 ಸಾವಿರ ಕುಟುಂಬಕ್ಕೆ ಆಹಾರ ಧಾನ್ಯ

Team Udayavani, Apr 20, 2020, 3:56 PM IST

ಮುಧೋಳ: ನಗರದ ಜನತೆಗೆ ನೆರವಾಗಲು ಬಿಜೆಪಿ ಹಾಗೂ ಪಕ್ಷದ ಮುಖಂಡರು ಕಾರ್ಯಕರ್ತರ ಸಹಯೋಗದೊಂದಿಗೆ ನಗರದ 10 ಸಾವಿರ ಕುಟುಂಬಗಳಿಗೆ ಉಚಿತ ಆಹಾರಧಾನ್ಯ ನೀಡಲಾಗುವುದು ಎಂದು ಬಿಜೆಪಿ ಮುಖಂಡ ಅರುಣ ಕಾರಜೋಳ ಹೇಳಿದರು.

ರವಿವಾರ ಮನೆ ಮನೆಗೆ ಆಹಾರಧಾನ್ಯ ವಿತರಿಸಿ ಮಾತನಾಡಿ, ನಗರದಲ್ಲಿ ದಿನಸಿ ಬ್ಯಾಗ್‌ ವಿತರಿಸುವ ಕಾರ್ಯದಲ್ಲಿ ಮಾತನಾಡಿ ಬಡವ ಶ್ರೀಮಂತ, ಜಾತಿ ಧರ್ಮ,ನೋಡದೆ ಪಕ್ಷಾತೀತವಾಗಿ ಎಲ್ಲ ಕುಟುಂಬಗಳಿಗೆ ತಲುಪಿಸಲಾಗುವುದು ಎಂದು ಹೇಳಿದರು.

ಜಿಲ್ಲಾ ಉಪಾಧ್ಯಕ್ಷ ಬಿ.ಎಚ್‌.ಪಂಚಗಾಂವಿ, ತಾಲ್ಲೂಕು ಘಟಕದ ಅಧ್ಯಕ್ಷ ಹಣಮಂತ ತುಳಸಿಗೇರಿ, ನಗರ ಘಟಕದ ಅಧ್ಯಕ್ಷ ಡಾ.ರವಿ ನಂದಗಾವಿ, ಬಿಜೆಪಿ ಮಾಜಿ ಅಧ್ಯಕ್ಷರಾದ ಕೆ.ಆರ್‌.ಮಾಚಪ್ಪನವರ, ಗುರುರಾಜ ಕಟ್ಟಿ, ಪ್ರಧಾನ ಕಾರ್ಯದರ್ಶಿ ಕುಮಾರ ಹುಲಕುಂದ ಮಾತನಾಡಿದರು. ಜಿ.ಪಂ ಸದಸ್ಯ ಭೀಮನಗೌಡ ಪಾಟೀಲ, ಹಿರಿಯ ವಕೀಲ ಪ್ರಕಾಶ ವಸ್ತ್ರದ, ಕಲ್ಲಪ್ಪಣ್ಣ ಸಬರದ, ಸುರೇಶ ಉದಪುಡಿ, ಎಫ್‌.ಎನ್‌.ಪಾಟೀಲ, ನಾಗಪ್ಪ ಅಂಬಿ, ಸೋನಪ್ಪಿ ಕುಲಕರ್ಣಿ, ಪ್ರದೀಪ ನಿಂಬಾಳಕರ, ಆನಂದ ಗಣಾಚಾರಿ, ಬಂಡು ಘಾಟಗೆ, ಸಿದ್ಧನಾಥ ಮಾನೆ, ಗುರುಪಾದ ಕುಳಲಿ, ಕೇದಾರ, ತುಷಾರ ಭೋಪಳೆ, ಗಣೇಶ ರಾಠೊಡ ಇದ್ದರು.