ಲಾಕ್ ಡೌನ್‌ ಸಡಿಲಿಕೆಯಿಲ್ಲ

Team Udayavani, Apr 23, 2020, 3:04 PM IST

ಜಮಖಂಡಿ: ಮೇ 3ರವರೆಗೆ ಲಾಕ್‌ಡೌನ್‌ ಸಡಿಲಿಕೆ ಮಾಡುವುದಿಲ್ಲ. ಕೋವಿಡ್‌-19 ಅನ್ನು ಹೊಡೆದೊಡಿಸಲು ಎಲ್ಲರೂ ಕಡ್ಡಾಯವಾಗಿ ಮನೆಯಲ್ಲಿದ್ದು, ಸರ್ಕಾರದೊಂದಿಗೆ ಸಹಕರಿಸಬೇಕು ಎಂದು ಉಪಮುಖ್ಯಮಂತ್ರಿ ಗೋವಿಂದ ಕಾರಜೋಳ ಹೇಳಿದರು.

ನಗರದ ಮಿನಿವಿಧಾನಸೌಧ ಸಭಾಭವನದಲ್ಲಿ ಬುಧವಾರ ತಾಲೂಕುಮಟ್ಟದ ಅಧಿಕಾರಿಗಳ ಸಭೆಯಲ್ಲಿ ಮಾತನಾಡಿದ ಅವರು, ರಾಜ್ಯದಲ್ಲಿ ಕೋವಿಡ್‌-19 ವೈರಸ್‌ ಪರೀಕ್ಷೆಗೆ 17 ಲ್ಯಾಬ್‌ಗಳಿದ್ದು, ಇನ್ನೆರೆಡು ದಿನಗಳಲ್ಲಿ ಮತ್ತೆ 10 ಲ್ಯಾಬ್‌ ಗಳನ್ನು ತೆರೆಯಲಾಗುತ್ತದೆ. ಸದ್ಯ ಪ್ರತಿದಿನಕ್ಕೆ 120 ಗಂಟಲು ದ್ರವ ತಪಾಸಣೆ ಮಾಡಲು ಸಾಧ್ಯವಾಗುತ್ತಿದ್ದು, ಹೊಸದಾಗಿ ಲ್ಯಾಬ್‌ ತೆರೆಯಲು ಇನ್ನಷ್ಟು ಸಾಮಗ್ರಿ ಸಂಗ್ರಹಿಸಲಾಗುತ್ತಿದೆ ಎಂದರು.

ರಾಜ್ಯದ 22 ಜಿಲ್ಲೆಗಳ 421 ಹಾಪ್‌ಕಾಮ್ಸ್‌ಗಳನ್ನು ಆರಂಭಿಸಲಾಗಿದ್ದು, ಇಲ್ಲಿ ರೈತರು ಬೆಳೆದ ಹಣ್ಣು ತರಕಾರಿ ಮಾರಾಟದ ವ್ಯವಸ್ಥೆ ಮಾಡಲಾಗಿದೆ ಎಂದರು. ಸಭೆಯಲ್ಲಿ ಸಂಸದ ಪಿ.ಸಿ. ಗದ್ದಿಗೌಡರ, ಶಾಸಕರಾದ ಆನಂದ ನ್ಯಾಮಗೌಡ, ಸಿದ್ದು ಸವದಿ, ಮಾಜಿ ಶಾಸಕ ಶೀಕಾಂತ ಕುಲಕರ್ಣಿ, ಜಿ.ಎಸ್‌. ನ್ಯಾಮಗೌಡ, ಉಪವಿಭಾಗಾಧಿಕಾರಿ ಡಾ| ಸಿದ್ದು ಹುಲ್ಲೊಳ್ಳಿ ಇದ್ದರು.