ಗಮನ ಸೆಳೆದ ಮಕ್ಕಳ ಸಾಹಿತ್ಯ ಸಮ್ಮೇಳನ ಅಧ್ಯಕ್ಷರ ಮೆರವಣಿಗೆ

Team Udayavani, Feb 26, 2022, 12:24 PM IST

ರಬಕವಿ-ಬನಹಟ್ಟಿ: ರಬಕವಿ ಬನಹಟ್ಟಿ ತಾಲ್ಲೂಕು ಪ್ರಥಮ ಮಕ್ಕಳ ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷೆ ಭಾಗ್ಯಶ‍್ರೀ ಉಳ್ಳಾಗಡ್ಡಿ ಮತ್ತು ಸಹ ಅಧ್ಯಕ್ಷ ನಚಿಕೇತ ಉಮದಿಯವರ ತೆರೆದ ಬಂಡಿಯಲ್ಲಿ ನಡೆದ ಮೆರವಣಿಗೆ ಗಮನ ಸೆಳೆಯಿತು.

ರಬಕವಿಯ ದಾನಮ್ಮ ದೇವಿ ದೇವಸ್ಥಾನದಿಂದ ಆರಂಭಗೊಂಡ ಮೆರವಣಿಗೆ ನಗರದ ಪ್ರಮುಖ ಬೀದಿಗಳಲ್ಲಿ ಸಂಚರಿಸಿ ಹೊಸೂರಿನ ಹಜಾರೆ ಅಂತರರಾಷ್ಟ್ರೀಯ  ಶಾಲೆಯಲ್ಲಿ ನಿರ್ಮಾಣ ಮಾಡಲಾದ ಸಾಹಿತಿ ದಿ. ದು. ನಿಂ. ಬೆಳಗಲಿ ಸಭಾ ಮಂಟಪ ತಲುಪಿತು.

ಮೆರವಣಿಗೆಯ ಸಂದರ್ಭದಲ್ಲಿ ಛದ್ಮ ವೇಷಧಾರಿ ಮಕ್ಕಳು ಗಮನ ಸೆಳೆದರು. ಸ್ಕೌಟ್, ಗೈಡ್ ಮತ್ತು ಸೈನಿಕ ವೇಷ ತೊಟ್ಟ ವಿದ್ಯಾರ್ಥಿಗಳ ಪಥ ಸಂಚಲನ ಗಮನ ಸೆಳೆಯಿತು.

ಬಾಗಲಕೋಟೆ ಜಿಲ್ಲಾ ಮಕ್ಕಳ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಈರಣ್ಣ ಲಟ್ಟಿ ಮೆರವಣಿಗೆಗೆ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಸಮ್ಮೇಳನದ ಪದಾಧಿಕಾರಿಗಳಾದ ಶೈಲಾ ಮಿರ್ಜಿ, ದ್ರಾಕ್ಷಾಯಣಿ ಮಂಡಿ, ಕಿರಣ ಕರಲಟ್ಟಿ, ನಂದಿನಿ ಕುಲಕರ್ಣಿ, ಮಲ್ಲಿಕಾರ್ಜುನ ಮನ್ಮಿ, ಸಾವಿತ್ರಿ ಚಾಂಬಾರ, ಸಂಜಯ ಮಹಾಜನ, ರಮೇಶ ಇಟಗೋಣಿ, ಕಾಡಪ್ಪ ಇಂಗಳಗಾವಿ, ಶ್ರೀಶೈಲ ಕುಂಬಾರ, ವಿದ್ಯಾ ನಡುವಿನಮನಿ, ಜಯಶ‍್ರೀ ಕಟ್ಟಿಮನಿ, ಪ್ರಭು ಉಮದಿ,  ಸೇರಿದಂತೆ ಅನೇಕರು ಇದ್ದರು.