ಮಹಾರಾಷ್ಟ್ರದಲ್ಲಿ ಮಳೆ: ಕೃಷ್ಣಾ ನದಿಗೆ 25,600 ಕ್ಯೂಸೆಕ್‌ ನೀರು

Team Udayavani, Jul 8, 2019, 2:23 PM IST

ಬನಹಟ್ಟಿ: ರಬಕವಿ ಬನಹಟ್ಟಿ ಸಮೀಪ ಕೃಷ್ಣಾ ನದಿ ತುಂಬಿ ಹರಿಯುತ್ತಿದೆ.

ಬನಹಟ್ಟಿ: ಮಹಾರಾಷ್ಟ್ರದ ಕೃಷ್ಣಾ ಜಲಾನಯನ ಪ್ರದೇಶಗಳಲ್ಲಿ ಸಾಕಷ್ಟು ಪ್ರಮಾಣದಲ್ಲಿ ಮಳೆಯಾಗುತ್ತಿದ್ದು, ಅಲ್ಲಿಯ ಜಲಾಶಯಗಳಿಂದ ನದಿಗೆ ನೀರು ಬಿಡುತ್ತಿರುವುದರಿಂದ ಕೃಷ್ಣಾ ನದಿಗೆ 25600 ಕ್ಯೂಸೆಕ್‌ ನೀರು ಹರಿದು ಬಂದಿದೆ ಎಂದು ಗ್ರೇಡ್‌ ತಹಶೀಲ್ದಾರ್‌ ಎಸ್‌.ಬಿ.ಕಾಂಬಳೆ ತಿಳಿಸಿದ್ದಾರೆ.

ಕೃಷ್ಣಾ ಜಲಾನಯನ ಪ್ರದೇಶಗಳಾದ ಕೊಯ್ನಾ 311 ಮಿ.ಮೀ, ನವುಜಾ 309 ಮಿ.ಮೀ, ಮಹಾಬಳೇಶ್ವರ 224 ಮಿ.ಮೀ, ಸಾಂಗ್ಲಿ 6 ಮಿ.ಮೀ, ವಾರಣಾ 120 ಮಿ.ಮೀ, ಕೊಲ್ಲಾಪುರ 19 ಮಿ.ಮೀ, ರಾಧಾನಗರಿ 100 ಮಿ.ಮೀ, ದೂಧಗಂಗಾ 104 ಮಿ.ಮೀ ಮಳೆಯಾದ ವರದಿಯಾಗಿದೆ.

ಹಿಪ್ಪರಗಿ ಜಲಾಶಯದಲ್ಲಿ ನೀರಿನ ಮಟ್ಟ 521.20 ಮೀಟರ್‌ ಇದ್ದು, ಸದ್ಯ 2 ಟಿಎಂಸಿ ನೀರು ಇದೆ. ಜಲಾಶಯದಿಂದ ನದಿಯ ಮುಂಭಾಗಕ್ಕೆ 23600 ಕ್ಯೂಸೆಕ್‌ ನೀರು ಬಿಡಲಾಗುತ್ತಿದೆ.