ಪಟ್ಟದಕಲ್ಲದಲ್ಲಿ ಯೋಗೋತ್ಸವ ಕಾರ್ಯಕ್ರಮ ಯಶಸ್ವಿ

Team Udayavani, Jun 7, 2022, 3:36 PM IST

ಬಾದಾಮಿ: ಪಟ್ಟದಕಲ್ಲು ಗ್ರಾಮದಲ್ಲಿ ಆಯುಷ್‌ ಟಿವಿ ನೇತೃತ್ವದಲ್ಲಿ ನಡೆದ ಯೋಗೋತ್ಸವ ಕಾರ್ಯಕ್ರಮ ಸೋಮವಾರ ಯಶಸ್ವಿಯಾಯಿತು.

ಬೆಳಗ್ಗೆ 6 ಗಂಟೆಗೆ ಪಟ್ಟದಕಲ್ಲಿನ ವಿರೂಪಾಕ್ಷ ದೇವಾಲಯದ ಆವರಣದಲ್ಲಿ ನಿರ್ಮಿಸಿದ್ದ ವೇದಿಕೆಯಲ್ಲಿ ಹರಿಹರ ಪಂಚಮಶಾಲಿ ಪೀಠದ ಶ್ರೀ ವಚನಾನಂದ ಸ್ವಾಮೀಜಿ, ಪತಂಜಲಿ ಯೋಗ ಪೀಠದ ಪ್ರಭಾರಿ ಭವರಲಾಲ್‌ ನೇತೃತ್ವದಲ್ಲಿ ಸುಮಾರು 1500 ಕ್ಕೂ ಹೆಚ್ಚು ಯೋಗ ಪ್ರೇಮಿಗಳು ಪಾಲ್ಗೊಂಡಿದ್ದರು.

ಆಯುಷ್‌ ಜಿಲ್ಲಾ ಡಿಎಚ್‌ಒ ಪಿ.ಎಂ.ಗಾಣಿಗೇರ, ಸಂತೋಷ್‌ ಪಟ್ಟಣಶೆಟ್ಟಿ, ವೆಂಕಟೇಶ ಇನಾಮದಾರ, ರೋಣ ಆಯುರ್ವೇದಿಕ್‌ ಕಾಲೇಜಿನ ಪ್ರಾಚಾರ್ಯರು ಸಾಥ್‌ ನೀಡಿದರು.

ಕಾರ್ಯಕ್ರಮದ ರೂವಾರಿ ಆಯುಷ್‌ ಟಿವಿ ವ್ಯವಸ್ಥಾಪಕ ನಿರ್ದೇಶಕ ಒ. ಹರಿಕೃಷ್ಣ, ಮುಖ್ಯಸ್ಥ ಶ್ರೀನಾಗೇಶ, ದೇಸಾಯಿ, ಅರವಿಂದ, ಪುರಾತತ್ವ ಇಲಾಖೆಯ ಅಧಿಕಾರಿ ಮೌನೇಶ ಕುರುವತ್ತಿ, ಪ್ರಶಾಂತ ಕುಲಕರ್ಣಿ, ಸಿ.ವಿ. ಚನ್ನವೀರ ಗೌಡ, ಬಾದಾಮಿಯ ವೀರಪುಲಕೇಶಿ ಆಯುರ್ವೇದಿಕ ಹಾಗೂ ಪದವಿ ಮಹಾವಿದ್ಯಾಲಯ ವಿದ್ಯಾರ್ಥಿಗಳು ಪಟ್ಟದಕಲ್ಲಿನ ಸರ್ಕಾರಿ ಶಾಲೆಗಳ 400ಕ್ಕೂ ಹೆಚ್ಚು ಮಕ್ಕಳು ಪಟ್ಟದಕಲ್ಲು ಹಾಗೂ ಸುತ್ತಮುತ್ತಲಿನ ಸಮಸ್ತ ಗ್ರಾಮಸ್ಥರು ಆರಕ್ಷಕ ಠಾಣಾ ಸಿಬ್ಬಂದಿ ಪುರಾತತ್ವ ಇಲಾಖೆ ಸಿಬ್ಬಂದಿ ಶಿಕ್ಷಣ ಇಲಾಖೆಯ ಸಿಬ್ಬಂದಿ ಆಕರ್ಷಕ ಯೋಗ ಆಸನ ಪ್ರದರ್ಶಿಸಿದರು.