12 ಸ್ಥಾನಕ್ಕೆ 13 ನಾಮಪತ್ರ ಸಲ್ಲಿಕೆ

Team Udayavani, Dec 29, 2019, 5:12 PM IST

ಬಳಗಾನೂರು: ಪಟ್ಟಣದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರಿ ಸಂಘದ ಚುನಾವಣೆ 2020ರ ಜನವರಿ 5ರಂದು ನಡೆಯಲಿದ್ದು, ನಾಮಪತ್ರ ಸಲ್ಲಿಕೆಗೆ ಕೊನೆ ದಿನವಾದ ಶನಿವಾರ 12 ಸ್ಥಾನಗಳಿಗೆ 13 ನಾಮಪತ್ರ ಸಲ್ಲಿಕೆಯಾಗಿವೆ ಎಂದು ಚುನಾವಣಾಧಿಕಾರಿ ಬಸವರಾಜ ನಾವಿ ತಿಳಿಸಿದ್ದಾರೆ.

ಸಾಲಗಾರರ ಕ್ಷೇತ್ರ ಸಾಮನ್ಯ ಮೀಸಲು 5 ಸ್ಥಾನಗಳಿಗೆ ಶರಣೇಗೌಡ
ಶಂಕರಬಂಡಿ, ಸಿದ್ದಯ್ಯ ಗುಣಾರಿ, ಶರಣಪ್ಪ ಮರೆಡ್ಡಿ, ಅಮರಪ್ಪ ಮೊದ್ಲಾಪುರ, ಮರೇಗೌಡ ಮಾಲಿ ಪಾಟೀಲ, ವೀರನಗೌಡ ಶಂಕರಬಂಡಿ ಸೇರಿ 6 ಜನ ಉಮೇದುವಾರಿಕೆ ಸಲ್ಲಿಸಿದ್ದಾರೆ.

ಹಿಂದುಳಿದ ವರ್ಗ ಎ, ಮೀಸಲು 2 ಸ್ಥಾನಗಳಿಗೆ ಮಲ್ಲಪ್ಪ ಅನ್ವರಿ, ಹುಸೇನಬಾಷಾ ಬೂದಗುಂಪ ನಾಮಪತ್ರ ಸಲ್ಲಿಸಿದ್ದಾರೆ. ಪರಿಶಿಷ್ಟ ಪಂಗಡ ಮೀಸಲು ಒಂದು ಸ್ಥಾನಕ್ಕೆ ಹುಚ್ಚಪ್ಪ ತಳವಾರ, ಪರಿಶಿಷ್ಟ ಜಾತಿ ಮೀಸಲು ಒಂದು ಸ್ಥಾನಕ್ಕೆ ಭೀಮರಾಯಪ್ಪ ಹರಿಜನ, ಮಹಿಳಾ ಮೀಸಲು 2 ಸ್ಥಾನಗಳಿಗೆ ಮಹಾದೇವಿ ಕುರುಬರ, ಶಾಂತಮ್ಮ ಯಾತಗಿರಿ ನಾಮಪತ್ರ ಸಲ್ಲಿಸಿದ್ದಾರೆ.

ಸಾಲಗಾರರಲ್ಲದ 1 ಸ್ಥಾನಕ್ಕೆ ಶ್ರೀಶೈಲಪ್ಪ ಗುಣಾರಿ ನಾಮಪತ್ರ ಸಲ್ಲಿಸಿದ್ದಾರೆ. ನಾಮಪತ್ರ ವಾಪಸಿಗೆ ಡಿ.30 ಕೊನೆ ದಿನವಾಗಿದೆ. ಪಿಕೆಪಿಎಸ್‌ ಮುಖ್ಯ ಕಾರ್ಯನಿರ್ವಾಹಕ ಅ ಧಿಕಾರಿ ವೆಂಕಟೇಶ ನಾಯಕ, ಮುಖಂಡರಾದ ಪಂಪನ ಗೌಡ ಮಾಲಿಪಾಟೀಲ, ಸಿದ್ದನಗೌಡ ಮಾಲಿಪಾಟೀಲ ಅಮರಯ್ಯಸ್ವಾಮಿ, ಅಮರಪ್ಪ ಲಕೋಜಿ, ಪರಮಣ್ಣ ಮೂಲಿಮನಿ ಇತರರು ಇದ್ದರು.