Bengaluru: ಜಾಲಹಳ್ಳಿ ಸಮೀಪ ಬಾಲಕಿಯನ್ನು ಎಳೆದಾಡಿದ ಬೀದಿನಾಯಿಗಳ ಗ್ಯಾಂಗ್‌

Team Udayavani, Oct 14, 2024, 2:31 PM IST

ಬೆಂಗಳೂರು: ರಾಜಧಾನಿ ಬೆಂಗಳೂರಿನಲ್ಲಿ ಬೀದಿ ನಾಯಿಗಳ ಹಾವಳಿಗೆ ಕಡಿವಾಣ ಹಾಕಬೇಕಿದ್ದು, ಜಾಲಹಳ್ಳಿಯ ಏರ್‌ಫೋರ್ಸ್‌ ಕ್ಯಾಂಪಸ್‌ ಬಳಿ ಬಾಲಕಿಯೊಬ್ಬಳನ್ನು ಬೀದಿನಾಯಿ ಎಳೆದಾಡಿ ಕ್ರೌರ್ಯ ಮೆರೆದಿದೆ. ಈ ದೃಶ್ಯ ಸ್ಥಳೀಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದ್ದು, ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್‌ ಆಗುತ್ತಿದೆ.

ಜಾಲಹಳ್ಳಿಯ ಏರ್‌ಫೋರ್ಸ್‌ ಕ್ಯಾಂಪಸ್‌ ಬಳಿ ಸೆ.28ರಂದು ಬಾಲಕಿಯರಿಬ್ಬರು ನಡೆದುಕೊಂಡು ಬರುತ್ತಿದ್ದರು. ಆ ವೇಳೆ ಏಕಾಏಕಿ ಬಾಲಕಿ ಮೇಲೆ 7 ಬೀದಿ ನಾಯಿಗಳು ದಾಳಿ ನಡೆಸಿವೆ. ಬಾಲಕಿಯ ಪ್ಯಾಂಟ್‌ ಹಿಡಿದು ಎಳೆದಾಡಿವೆ. ಆ ವೇಳೆ ಬಾಲಕಿ ಕೆಳಗೆ ಬಿದ್ದು ಸಹಾಯಕ್ಕಾಗಿ ಕೂಗುತ್ತಿದ್ದಳು. ಇತ್ತ ಈಕೆಯ ಒತೆಗಿದ್ದ ಮತ್ತೋರ್ವ ಬಾಲಕಿ ಆತಂಕಗೊಂಡು ಅಲ್ಲಿಂದ ಓಡಿಹೋಗಿದ್ದಾಳೆ. ಬಾಲಕಿಯ ಚೀರಾಟ ಕೇಳಿ ಬಂದ ಸ್ಥಳೀಯರು ಆಕೆಯನ್ನು ರಕ್ಷಣೆ ಮಾಡಿದ್ದಾರೆ.