ರಾಜೀವ್‌ಗಾಂಧಿ ವಿವಿ ಕುಲಸಚಿವರ ನೇಮಕಕ್ಕೆ ತಿದ್ದುಪಡಿ

Team Udayavani, Feb 15, 2019, 6:37 AM IST

ಬೆಂಗಳೂರು: ರಾಜೀವ್‌ಗಾಂಧಿ ಆರೋಗ್ಯ ವಿಜ್ಞಾನಗಳ ವಿಶ್ವ ವಿದ್ಯಾಲಯದ ಕುಲ ಸಚಿವರ ನೇಮಕ ಮಾಡಲು ಕಾಯ್ದೆ ತಿದ್ದುಪಡಿಗೆ ವಿಧಾನಸಭೆಯಲ್ಲಿ ಅಂಗೀಕಾರ ದೊರೆಯಿತು. ಬೆಳಗಾವಿ ಚಳಿಗಾಲದ ಅಧಿವೇಶನದಲ್ಲಿ ಮಂಡನೆಯಾಗಿದ್ದ ವಿಧೇಯಕಕ್ಕೆ ಬಿಜೆಪಿ ಗಲಾಟೆಯ ನಡುವೆಯೇ ವೈದ್ಯಕೀಯ ಶಿಕ್ಷಣ ಸಚಿವ ಇ ತುಕಾರಾಂ ಒಪ್ಪಿಗೆ ಪಡೆದುಕೊಂಡರು.

ಕುಲಸಚಿವರ ನೇಮಕಕ್ಕೆ ಕಡ್ಡಾಯವಾಗಿ ಐದು ವರ್ಷ ಪ್ರೊಫೇಸರ್‌ ಆಗಿ ಕೆಲಸ ಮಾಡಿರುವ ಅನುಭವ ಹೊಂದಿರಬೇಕು ಎನ್ನುವ ನಿಬಂಧನೆಯನ್ನು ಸಡಿಲಗೊಳಿಸಲು ಈ ಕಾಯ್ದೆಗೆ ತಿದ್ದುಪಡಿ ತರಲಾಗಿದೆ. ಕಾಯ್ದೆ ಸದನದಲ್ಲಿ ಅಂಗೀಕಾರ ತಕ್ಷಣವೇ ಹಾಲಿ ಮೌಲ್ಯಮಾಪನ ಕುಲಸಚಿವ-

ಡಾ. ಎಂ.ಕೆ. ರಮೇಶ್‌ ಅವರನ್ನು ಬಿಡುಗಡೆಗೊಳಿಸಿ ಬೆಂಗಳೂರು ವೈದ್ಯಕೀಯ ಮಹಾವಿದ್ಯಾಲಯ ಮತ್ತು ಸಂಶೋಧನಾ ಸಂಸ್ಥೆಯ ಪ್ರಾಧ್ಯಾಪಕರ ಹುದ್ದೆಗೆ ವರ್ಗಾಯಿಸಲಾಗಿದೆ. ಮೌಲ್ಯಮಾಪನ ಕುಲ ಸಚಿವ ಹುದ್ದೆಗೆ ಕಿದ್ವಾಯಿ ಸಂಸ್ಥೆ ಪ್ರಾಧ್ಯಾಪಕ ಡಾ. ಕೆ.ಬಿ. ಲಿಂಗೇಗೌಡ ಅವರನ್ನು ನೇಮಿಸಿ ಸರ್ಕಾರ ಆದೇಶ ಹೊರಡಿಸಿದೆ.