ಕರೆದರೆ ಮಾತುಕತೆಗೆ ಸಿದ್ಧ: ಬಾಲಕೃಷ್ಣ

Team Udayavani, Mar 22, 2018, 7:00 AM IST

ಬೆಂಗಳೂರು: ಮಾಜಿ ಪ್ರಧಾನಿ ದೇವೇಗೌಡರು ಮತ್ತು ಮಾಜಿ ಮುಖ್ಯಮಂತ್ರಿ ಕುಮಾರಸ್ವಾಮಿ ಕರೆದರೆ ಮಾತುಕತೆಗೆ ಸಿದ್ಧ ಎಂದು ಜೆಡಿಎಸ್‌ ಬಂಡಾಯ ಶಾಸಕ ಎಚ್‌.ಸಿ. ಬಾಲಕೃಷ್ಣ  ಅಚ್ಚರಿ ಹೇಳಿಕೆ ನೀಡಿದ್ದಾರೆ.

ವಿಧಾನಸೌಧದಲ್ಲಿ ಬುಧವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ನಮ್ಮ ಸದಸ್ಯತ್ವ ರದ್ದುಗೊಳಿಸಿ ಎಂದು ಒಂದು ಕಡೆ ಕಾನೂನು ಹೋರಾಟ ಮಾಡುತ್ತಾರೆ, ಇನ್ನೊಂದು ಕಡೆ ವಿಪ್‌ ಜಾರಿ ಮಾಡಿ ಓಟು ಹಾಕಲು ಹೇಳುತ್ತಿದ್ದಾರೆ. ಇದರಲ್ಲಿ ಪಕ್ಷದ ವರಿಷ್ಠರ ನಡೆ ಅರ್ಥವಾಗುತ್ತಿಲ್ಲ. ಯಾವುದಾದರೂ ಒಂದು ತತ್ವಕ್ಕೆ ಅನ್ವಯವಾಗಿ ಅವರು ನಡೆದುಕೊಳ್ಳಲಿ ಎಂದರು.

ವಿಪ್‌ ಬಗ್ಗೆ ನಮಗೆ ಅಷ್ಟೊಂದು ತಿಳುವಳಿಕೆ ಇರಲಿಲ್ಲ. ಈಗ ಜ್ಞಾನೋದಯವಾಗಿದೆ. ಯಾರಿಗೆ ಓಟ್‌ ಮಾಡಬೇಕು ಅನ್ನುವ ಬಗ್ಗೆ ಚರ್ಚಿಸಿ ತೀರ್ಮಾನ ಮಾಡುತ್ತೇವೆ. ಅದಕ್ಕೂ ಮೊದಲು ಪಕ್ಷದ ವರಿಷ್ಠರು ಮಾತುಕತೆಗೆ ಕರೆದರೆ ಹೋಗಲು ಸಿದ್ಧ ಎಂದು ತಿಳಿಸಿದರು.