ಕೋಲ್ಕತಾ ಮೆಟ್ರೋಗೆ 11ನೇ ಬೋಗಿ ಕಳುಹಿಸಿದ ಬಿಇಎಂಎಲ್‌

Team Udayavani, Apr 4, 2019, 3:00 AM IST

ಬೆಂಗಳೂರು: ಕೋಲ್ಕತಾ ಮೆಟ್ರೋ ರೈಲು ನಿಗಮಕ್ಕೆ (ಕೆಎಂಆರ್‌ಸಿಎಲ್‌) 11ನೇ ಮೆಟ್ರೋ ಬೋಗಿಯನ್ನು ಬಿಇಎಂಎಲ್‌ ಬುಧವಾರ ಒದಗಿಸಿದೆ.

ಕೇಂದ್ರದ ರಕ್ಷಣಾ ಇಲಾಖೆಯ ಸ್ವಾಧೀನದಲ್ಲಿರುವ ಬಿಇಎಂಎಲ್‌, ಬೆಂಗಳೂರನ ಘಟಕದಲ್ಲಿ ಸಿದ್ಧಪಡಿಸಿದ್ದ ಮೆಟ್ರೊ ಬೋಗಿಯನ್ನು ಕೋಲ್ಕತಾಗೆ ಕಳುಹಿಸಿಕೊಟ್ಟಿದ್ದು, ಕೇಂದ್ರ ವಸತಿ ಹಾಗೂ ನಗರಾಭಿವೃದ್ಧಿ ಇಲಾಖೆಯ ಕಾರ್ಯದರ್ಶಿ ಡಿ.ಎಸ್‌.ಮಿಶ್ರಾ ಅವರು ಇದಕ್ಕೆ ಚಾಲನೆ ನೀಡಿದರು.

ಈ ಸಂದರ್ಭದಲ್ಲಿ ಬಿಇಎಂಎಲ್‌ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ದೀಪಕ್‌ ಕುಮಾರ್‌ ಹೊಟಾ ಇದ್ದರು. ಕೆಎಂಆರ್‌ಸಿಎಲ್‌ನಿಂದ 14 ಮೆಟ್ರೋ ಬೋಗಿಗಳಿಗೆ ಬೇಡಿಕೆ ಬಂದಿದ್ದು, ಈಗಾಗಲೇ 10 ಬೋಗಿ ಪೂರೈಕೆ ಮಾಡಲಾಗಿದೆ.

ಬುಧವಾರ 11 ಬೋಗಿ ಕೂಡ ನೀಡಲಾಗಿದ್ದು, ಇನ್ನುಳಿದ ಬೋಗಿಗಳನ್ನು ನಿರ್ದಿಷ್ಟ ಕಾಲಮಿತಿಯೊಳಗೆ ನೀಡುತ್ತಿದೆ. ಬಿಇಎಂಎಲ್‌ ಒಟ್ಟಾರೆ ಬೆಂಗಳೂರು, ದೆಹಲಿ, ಜೈಪುರ್‌ ಹಾಗೂ ಕಲ್ಲಿಕೋಟೆಗೆ 1500 ಬೋಗಿಗಳನ್ನು ಉತ್ಪಾದನೆ ಮಾಡಲಿದೆ ಎಂದು ತಿಳಿಸಿದೆ.