Bangalore: ವಿಶ್ವದ ಕುಖ್ಯಾತ ಮಾರ್ಕೆಟ್‌ ಪಟ್ಟಿಯಲ್ಲಿ ಬೆಂಗಳೂರಿನ ಎಸ್‌ಪಿ ರಸ್ತೆ ಉಲ್ಲೇಖ!

Team Udayavani, Jan 31, 2024, 10:40 AM IST

ವಾಷಿಂಗ್ಟನ್‌: ಅಮೆರಿಕದ ವ್ಯಾಪಾರ ಪ್ರತಿನಿಧಿಗಳ ಸಂಸ್ಥೆಯು(ಯುಎಸ್‌ಟಿಆರ್‌) ಮಂಗಳವಾರ “2022ರ ವಿಶ್ವದ ಕುಖ್ಯಾತ ಮಾರುಕಟ್ಟೆಗಳ ಪಟ್ಟಿ’ಯನ್ನು ಬಿಡುಗಡೆಗೊಳಿಸಿದೆ. ಇದರಲ್ಲಿ ಬೆಂಗಳೂರಿನ ಎಸ್‌ಪಿ ರಸ್ತೆ (ಸದರ್‌ ಪತ್ರಪ್ಪ ರಸ್ತೆ) ಹೆಸರು ಉಲ್ಲೇಖವಾಗಿದೆ.

ಈ ಪಟ್ಟಿಯಲ್ಲಿ ವಿಶ್ವದ 39 ಆನ್‌ಲೈನ್‌ ಮತ್ತು 33 ಭೌತಿಕ ಮಾರುಕಟ್ಟೆಗಳನ್ನು ಹೆಸರಿಸಲಾಗಿದೆ. ನಕಲಿ ಟ್ರೇಡ್‌ಮಾರ್ಕ್‌ ಸೃಷ್ಟಿ ಅಥವಾ ಹಕ್ಕುಸ್ವಾಮ್ಯ ಚೌರ್ಯದಲ್ಲಿ ಈ ಮಾರುಕಟ್ಟೆಗಳು ತೊಡಗಿವೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ. ಮುಂಬೈನ ಹೀರಾ ಪನ್ನ ಮಾರುಕಟ್ಟೆ, ಕೋಲ್ಕತ್ತಾದ ಕಿಡ್ಡರ್‌ಪೋರ್‌ ಮಾರುಕಟ್ಟೆ, ದೆಹಲಿಯ ಟ್ಯಾಂಕ್‌ ರಸ್ತೆ ಮಾರುಕಟ್ಟೆ ಹಾಗೂ ಇ-ಕಾರ್ಮಸ್‌ ಉದ್ಯಮ “ಇಂಡಿಯಾ ಮಾರ್ಟ್‌’ ಕೂಡ ವಿಶ್ವದ ಕುಖ್ಯಾತ ಮಾರುಕಟ್ಟೆಗಳ ಪಟ್ಟಿಯಲ್ಲಿವೆ.

ಈ ಮಾರುಕಟ್ಟೆಗಳಲ್ಲಿ ನಕಲಿ ವ್ಯಾಪಾರ ಹೆಚ್ಚು. ಅಲ್ಲದೇ ಕಳ್ಳತನ ಮಾಡಿರುವ ಸರಕುಗಳ ಮಾರಾಟ ಎಗ್ಗಿಲ್ಲದೆ ನಡೆಯುತ್ತಿದೆ. ಇದರಿಂದ ಗ್ರಾಹಕರು ಮತ್ತು ಸಣ್ಣ ವ್ಯಾಪಾರಿಗಳಿಗೆ ನಷ್ಟವಾಗುತ್ತಿದೆ ಎಂದು ಯುಎಸ್‌ಟಿಆರ್‌ ತನ್ನ ವರದಿಯಲ್ಲಿ ಹೇಳಿದೆ.