ವಿದ್ಯುತ್‌ ಅಡಚಣೆ ವಿರೋಧಿಸಿ ಬಿಜೆಪಿ ಪ್ರತಿಭಟನೆ

Team Udayavani, May 28, 2017, 12:05 PM IST

ಕೆ.ಆರ್‌.ಪುರ: ವಿದ್ಯುತ್‌ ಪೂರೈಕೆಯಲ್ಲಾಗುತ್ತಿರುವ ಅಡಚಣೆ ವಿರುದ್ಧ ಬಿಜೆಪಿ ಕಾರ್ಯಕರ್ತರು ಮತ್ತು “ಕೆಆರ್‌ಪುರ ರೈಸಿಂಗ್‌’ ಸಂಘಟನೆಯ ಕಾರ್ಯಕರ್ತರು ಶುಕ್ರವಾರ ರಾಮಮೂರ್ತಿ ನಗರದಿಂದ ಕೆಆರ್‌ಪುರದ ಬೆಸ್ಕಾಂ ಕಚೇರಿವರೆಗೆ “ಬೆಸ್ಕಾಂ ಚಲೋ’ ರ್ಯಾಲಿ ನಡೆಸಿದರು. 

ಪ್ರತಿಭಟನೆಯಲ್ಲಿ ಮಾತನಾಡಿದ ಮಾಜಿ ಶಾಸಕ ನಂದೀಶ್‌ ರೆಡ್ಡಿ “ಕೆ.ಆರ್‌.ಪುರ ಕ್ಷೇತ್ರದಲ್ಲಿ ವಿದ್ಯುತ್‌ ಅಭಾವ ಸೃಷ್ಟಿಯಾಗಿದೆ. ಇದರಿಂದ ಸಾರ್ವಜನಿಕರಿಗೆ ಮತ್ತು ವಿದ್ಯಾರ್ಥಿಗಳಿಗೆ ತೊಂದರೆಯಾಗಿದೆ,’ ಎಂದು ದೂರಿದರು.

“ಬೆಸ್ಕಾಂ ಅನಿಮಿಯತವಾಗಿ ವಿದ್ಯುತ್‌ ಕಡಿತ ಮಾಡುತ್ತಿದೆ. ಹೀಗಾಗಿ ಸಾರ್ವಜನಿಕರ ಎಲ್ಲಾ ಕೆಲಸ ಕಾರ್ಯಗಳಿಗೂ ತೊಡಕುಂಟಾಗುತ್ತಿದೆ. ತುಂತುರು ಮಳೆಗೂ ವಿದ್ಯುತ್‌ ಕಡಿತಗೊಳಿಸುವ ಅಧಿಕಾರಿಗಳು ದೂರುಗಳಿಗೆ ಸ್ಪಂದಿಸುತ್ತಿಲ್ಲ,’ ಎಂದು ಆಕ್ರೋಶ ವ್ಯಕ್ತಪಡಿಸಿದ್ದರು. 

ಪಾಲಿಕೆ ಸದಸ್ಯರಾದ ಬಂಡೆ ರಾಜಣ್ಣ, ಪದ್ಮಾವತಿ ಶ್ರೀನಿವಾಸ್‌, ಕ್ಷೇತ್ರಾಧ್ಯಕ್ಷ ಚಿದಾನಂದ, ಮುಖಂಡರಾದ ಶಿಗೇಹಳ್ಳಿ ಸುಂದರ್‌, ವೆಂಕಟೇಶ್‌ ಶೆಟ್ಟಿ ಸೇರಿ ಹಲವರು ಹಾಜರಿದ್ದರು.