ನಿರ್ಮಾಣ್‌ ಶೆಲ್ಟರ್ಸ್‌ನಿಂದ ಬುದ್ಧ ಜಯಂತಿ

Team Udayavani, May 19, 2019, 3:01 AM IST

ಬೆಂಗಳೂರು: ಬನ್ನೇರುಘಟ್ಟ ಸಮೀಪ ನಿರ್ಮಾಣ್‌ ಶೆಲ್ಟರ್ಸ್‌ ನಿರ್ಮಿಸಿರುವ ನಿಸರ್ಗ ಬಡಾವಣೆಯಲ್ಲಿ ಶನಿವಾರ ಬೆಳಗ್ಗೆ ಬುದ್ಧ ಪೂರ್ಣಿಮೆ ಪ್ರಯುಕ್ತ ಭಗವಾನ್‌ ಬುದ್ಧ ಜಯಂತಿ ಆಚರಿಸಲಾಯಿತು.

ಕಾರ್ಯಕ್ರಮದ ಅಧ್ಯಕ್ಷತೆ ವಹಿಸಿದ್ದ ನಿರ್ಮಾಣ್‌ ಸಮೂಹ ಸಂಸ್ಥೆಗಳ ಸಂಸ್ಥಾಪಕ, ನಿಪ್‌ಮ್ಯಾಟ್‌ ಅಧ್ಯಕ್ಷರಾದ ಲಕ್ಷ್ಮೀನಾರಾಯಣ್‌ ಬಡಾವಣೆಯಲ್ಲಿರುವ ಬುದ್ಧನ ಪ್ರತಿಮೆಗೆ ಜ್ಯೋತಿ ಬೆಳಗಿ, ಪುಷ್ಪಾರ್ಚನೆ ಮಾಡುವ ಮೂಲಕ ಕಾರ್ಯಕ್ರಮಕ್ಕೆ ಚಾಲನೆ ನೀಡಿದರು.

ಬಳಿಕ ಮಾತನಾಡಿ, ಕಾಯಕವೇ ಕೈಲಾಸವೆಂದ ಬಸವಣ್ಣ, ಸಂವಿಧಾನ ಶಿಲ್ಪಿ ಡಾ. ಅಂಬೇಡ್ಕರ್‌, ಶಾಂತಮೂರ್ತಿ ಬುದ್ಧ, ಮಹಾತ್ಮಾ ಗಾಂಧೀಜಿಯವರನ್ನು ನೆನೆದು ಕಾರ್ಯಕ್ರಮಕ್ಕೆ ಮತ್ತಷ್ಟು ಮೆರುಗು ತಂದುಕೊಟ್ಟರು.

ಪ್ರಬುದ್ಧಾಲಯದ ಹಿರಿಯ ನಿವಾಸಿಗಳಾದ ಭವಾನಿ ಶಂಕರ್‌, ಬಾಬೂ ಕಾಮತ್‌ ಹಾಗೂ ನಿಪ್‌ಮ್ಯಾಟ್‌ನ ವಿಶ್ವಸ್ಥರಾದ ಕೆ.ಎನ್‌. ರಂಗನಾಥ್‌, ಕೃಷ್ಣಾರೆಡ್ಡಿ. ಜೆ.ವಿ. ಶಿವರಾಮ್‌ರೆಡ್ಡಿ ಹಾಗೂ ಎಸ್‌. ರವಿರಾಜ್‌ ಭಟ್‌ರವರು ಉಪಸ್ಥಿತರಿದ್ದರು.