ಕಬ್ಬನ್‌ ಉದ್ಯಾನದಲ್ಲಿ ಇಂದು ಮಕ್ಕಳ ದಿನಾಚರಣೆ

Team Udayavani, Nov 14, 2017, 11:27 AM IST

ಬೆಂಗಳೂರು: ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆ ವತಿಯಿಂದ ನ.14ರಂದು ಬೆಳಗ್ಗೆ 11ಕ್ಕೆ ಕಬ್ಬನ್‌ಪಾರ್ಕ್‌ನಲ್ಲಿ ಮಕ್ಕಳ ದಿನಾಚರಣೆ ಹಮ್ಮಿಕೊಳ್ಳಲಾಗಿದೆ. ರಾಜ್ಯಪಾಲ ವಜೂಭಾಯ್‌ವಾಲಾ ಅವರು, ಕಾರ್ಯಕ್ರಮ ಉದ್ಘಾಟಿಸುವರು.

ಸಚಿವರಾದ ಆರ್‌.ರೋಷನ್‌ಬೇಗ್‌, ಕೆ.ಜೆ.ಜಾರ್ಜ್‌, ಉಮಾಶ್ರೀ, ಮೇಯರ್‌ ಸಂಪತ್‌ ರಾಜ್‌, ಸಂಸದ ಪಿ.ಸಿ.ಮೋಹನ್‌ ಭಾಗಹಿಸುವರು. ಮಕ್ಕಳ ಹಕ್ಕುಗಳ ರಕ್ಷಣಾ ಆಯೋಗದ ಅಧ್ಯಕ್ಷೆ ಡಾ.ಕೃಪಾ ಅಮರ್‌ ಆಳ್ವ, ರಾಜ್ಯ ಬಾಲಭವನ ಸೊಸೈಟಿ ಅಧ್ಯಕ್ಷೆ ಡಾ.ಅಂಜಲಿ ನಿಂಬಾಳ್ಕರ್‌ ಪಾಲ್ಗೊಳ್ಳುವರು. 

ಮಕ್ಕಳ ಹಬ್ಬಕ್ಕೆ ಇಂದು ತೆರೆ: ನ.11ರಿಂದ ಕಬ್ಬನ್‌ಪಾರ್ಕ್‌ನಲ್ಲಿ ಆಯೋಜಿಸಲಾಗಿದ್ದ ಮಕ್ಕಳ ದಿನಕ್ಕೆ ಮಂಗಳವಾರ ಸಂಜೆ ತೆರೆ ಬೀಳಲಿದೆ. ಉದ್ಯಾನದ ಬ್ಯಾಂಡ್‌ಸ್ಟಾಂಡ್‌, ಒಡೆಯರ್‌ ಪ್ರತಿಮೆ ಸಮೀಪ, ಬಾಲಭವನ ಆಡಿಟೋರಿಯಂ ಮುಂತಾದ ಸ್ಥಳಗಳಲ್ಲಿ ವಿವಿಧ ಸಾಂಸ್ಕೃತಿಕ ಕಾರ್ಯಕ್ರಮಗಳು ನಡೆಯಲಿವೆ. ಸಾಹಸ ಕ್ರೀಡೆಗಳು, ಫ್ಲವರ್‌ಶೋ, ಗ್ರಾಮೀಣ ಕ್ರೀಡೆಗಳು, ವಸ್ತುಪ್ರದರ್ಶನ ನಡೆಯಲಿದೆ.