ಕ್ಯಾನ್ಸರ್‌ ಪತ್ತೆಗೆ ಸಂಚಾರಿ ಕ್ಲಿನಿಕ್‌ ವಾಹನ ಕೊಡುಗೆ

Team Udayavani, Nov 23, 2018, 11:29 AM IST

ಬೆಂಗಳೂರು: ಗ್ರಾಮೀಣ ಜನರಲ್ಲಿ ಕ್ಯಾನ್ಸರ್‌ ಕುರಿತು ಜಾಗೃತಿ ಮೂಡಿಸಲು ಹಾಗೂ ಜನರಿಗೆ ಆರೋಗ್ಯ ತಪಾಸಣೆ ನಡೆಸಿ ಆರಂಭಿಕ ಹಂತದಲ್ಲೇ ರೋಗ ಪತ್ತೆ ಹಚ್ಚಿ ಚಿಕಿತ್ಸೆ ಪಡೆಯಲು ಅನುಕೂಲವಾಗುವಂತೆ ಭಾರತ್‌ ಎಲೆಕ್ಟ್ರಾನಿಕ್ಸ್‌ ಸಂಸ್ಥೆಯು ಕಿದ್ವಾಯಿ ಸ್ಮಾರಕ ಗಂಥಿ ಸಂಸ್ಥೆಗೆ ಕ್ಯಾನ್ಸರ್‌ ಡಿಟೆಕ್ಷನ್‌ ಕ್ಲಿನಿಕ್‌ ಬಸ್‌ ಕೊಡುಗೆಯಾಗಿ ನೀಡಿದೆ.

ಬಿಇಎಲ್‌ ಸಂಸ್ಥೆಯ ಮುಖ್ಯ ವ್ಯವಸ್ಥಾಪಕ ನಿರ್ದೇಶಕ ಎಂ.ವಿ.ಗೌತಮ ಅವರು ವಿಶೇಷ ಕ್ಯಾನ್ಸರ್‌ ಡಿಟೆಕ್ಷನ್‌ ಕ್ಲಿನಿಕ್‌ ಬಸ್‌ನ ಕೀಲಿ ಕೈ ಯನ್ನು ಕಿದ್ವಾಯಿ ಸ್ಮಾರಕ ಗಂಥಿ ಸಂಸ್ಥೆಯ ನಿರ್ದೇಶಕ ಡಾ.ಸಿ.ರಾಮಚಂದ್ರ ಅವರಿಗೆ ಗುರುವಾರ ಹಸ್ತಾಂತರಿಸಿದರು.

ಬಿಇಎಲ್‌ ಸಂಸ್ಥೆಯು 2.50 ಕೋಟಿ ರೂ. ವೆಚ್ಚದಲ್ಲಿ ಕ್ಯಾನ್ಸರ್‌ ಪತ್ತೆ, ತಪಾಸಣೆಗೆ ಪೂರಕವಾಗಿ ಅತ್ಯಾಧುನಿಕ ಉಪಕರಣಗಳನ್ನು ಅಳವಡಿಸಿ ವಿಶೇಷವಾಗಿ ಬಸ್‌ ವಿನ್ಯಾಸಗೊಳಿಸಿದೆ. ಕಿರು ಕ್ಲಿನಿಕ್‌ ಮಾದರಿಯ ಬಸ್‌ನಲ್ಲಿ ಅಗತ್ಯ ವೈದ್ಯಕೀಯ ಉಪಕರಣಗಳನ್ನು ಅಳವಡಿಸಲಾಗಿದೆ.