ನೃತ್ಯಗಾರ್ತಿ ಮೇಲೆ ಕೇರಳ ಮೂಲದ ಡ್ಯಾನ್ಸ್‌ಮಾಸ್ಟರ್‌ ನಿರಂತರ ಅತ್ಯಾಚಾರ

Team Udayavani, Apr 4, 2017, 11:14 AM IST

ಬೆಂಗಳೂರು: ನೃತ್ಯಗಾರ್ತಿಯೊಬ್ಬರ ಮೇಲೆ ನಿರಂತರ ಅತ್ಯಾಚಾರವೆಸಗಿದ ಆರೋಪದ ಮೇಲೆ ಕೇರಳ ಮೂಲದ ಡ್ಯಾನ್ಸ್‌ ಮಾಸ್ಟರ್‌ನನ್ನು ಬಾಣಸವಾಡಿ ಠಾಣೆ ಪೊಲೀಸರು ಬಂಧಿಸಿದ್ದಾರೆ. 

ಕ್ರಿಸ್ಟೋಫ‌ರ್‌ (30) ಬಂಧಿತ ಆರೋಪಿ. ಈತ ಬಾಣಸವಾಡಿಯಲ್ಲಿ ಕಳೆದ 10 ವರ್ಷಗಳಿಂದ ಡ್ಯಾನ್ಸ್‌ ಕ್ಲಾಸ್‌ ನಡೆಸುತ್ತಿದ್ದ. ನೃತ್ಯ ಹೇಳಿಕೊಡುವ ನೆಪದಲ್ಲಿ ಕಳೆದ 10 ತಿಂಗಳಿಂದ ಕ್ರಿಸ್ಟೋಫ‌ರ್‌ ತಮ್ಮ ಮೇಲೆ ನಿರಂತರ ಅತ್ಯಾಚಾರ ಎಸಗಿದ್ದಾನೆಂದು ಹರಿಯಾಣ ಮೂಲದ ಯುವತಿ ದೂರು ನೀಡಿರುವು ದಾಗಿ  ಪೊಲೀಸರು ತಿಳಿಸಿದ್ದಾರೆ.

ಕ್ರಿಸ್ಟೋಫ‌ರ್‌ 10-15 ಮಂದಿಗೆ ನೃತ್ಯ ತರಬೇತಿ ನೀಡುತ್ತಿದ್ದಾರೆ. ಇದೇ ಕ್ಲಾಸ್‌ಗೆ 2014ರಲ್ಲಿ ಹರಿಯಾಣ ಮೂಲದ ಯುವತಿ ಸೇರಿದ್ದರು. ನೃತ್ಯ ಹೇಳಿಕೊಡು ವಾಗ ಕ್ರಿಸ್ಟೋಫ‌ರ್‌ ಮತ್ತು ಯುವತಿ ನಡುವೆ ಆತ್ಮೀಯತೆ ಬೆಳೆದಿದೆ. ನಂತರ ಯುವತಿಯನ್ನು ಮದುವೆಯಾಗುವು ದಾಗಿ ನಂಬಿಸಿ 2016 ಆಗಸ್ಟ್‌ನಿಂದ ನಿರಂತರ ಅತ್ಯಾಚಾರವೆಸಗುತ್ತಿದ್ದ.

ತರಗತಿ ಮುಗಿಸಿಕೊಂಡು ವಿದ್ಯಾರ್ಥಿಗ ಳೆಲ್ಲ ಮನೆಗೆ ಹೋದ ಕೂಡಲೇ ತಮ್ಮ ಮೇಲೆ ದೌರ್ಜನ್ಯವೆಸಗುತ್ತಿದ್ದ ಎಂದು ಸಂತ್ರಸ್ತೆ ದೂರು ನೀಡಿದ್ದಾರೆ. ಆರೋಪಿ ಯನ್ನು ಬಂಧಿಸಿದ್ದು, ಹೆಚ್ಚಿನ ವಿಚಾರಣೆಗೆ ಪೊಲೀಸ್‌ ವಶಕ್ಕೆ ಪಡೆಯಲಾಗಿದೆ. ಜತೆಗೆ ವೈದ್ಯಕೀಯ ಪರೀಕ್ಷೆಗೊಳಪಡಿಸಲಾಗಿದೆ. ಎಂದು ಪೊಲೀಸರು ತಿಳಿಸಿದ್ದಾರೆ.