ಅಕ್ರಮವಾಗಿ ದಾಸ್ತಾನು ಮಾಡಿದ್ದ ಸುಮಾರು ಒಂದು ಲಕ್ಷದ 22 ಸಾವಿರ ಮೌಲ್ಯದ ಮದ್ಯ ವಶ

Team Udayavani, Apr 14, 2020, 5:30 PM IST

ಬೆಂಗಳೂರು: ಕೋವಿಡ್-19 ಸೋಂಕು ಲಾಕ್ ಡೌನ್ ಇರುವ ಕಾರಣ ಅಕ್ರಮವಾಗಿ ದಾಸ್ತಾನು ಮಾಡಿದ್ದ ಎರಡು ಪ್ರಕರಣಗಳಲ್ಲಿ ಸುಮಾರು ಒಂದು ಲಕ್ಷ 22 ಸಾವಿರ ಮೌಲ್ಯದ ಮದ್ಯವನ್ನು ನಗರದ ಶ್ರೀರಾಂಪುರದ ಬಳಿ ವಶಪಡಿಸಿಕೊಳ್ಳಲಾಗಿದೆ.

ಅಕ್ರಮವಾಗಿ ಮಾರಾಟ ಮಾಡುವ ಉದ್ದೇಶದಿಂದ ಮದ್ಯ ಸಂಗ್ರಹಿಸಿದ್ದ ವಿಶ್ವನಾಥ್, ನರಸಮ್ಮ ರನ್ನು ಬಂಧಿಸಲಾಗಿದೆ. ಜೊತೆಗೆ ಒಂದು ದ್ವಿಚಕ್ರ ವಾಹನವನ್ನು ವಶಕ್ಕೆ ಪಡೆಯಲಾಗಿದೆ.

ಇವರುಗಳ ಜೊತೆಗೆ 22 ಬಾಟಲಿಗಳಲ್ಲಿ ಒಟ್ಟು 3.960 ಲೀಟರ್ ಶಂಕಿತ ನಕಲಿ ಮದ್ಯದ ಹೊಂದಿದ್ದು, ಮಾರಾಟ ಮಾಡುವ ಉದ್ದೇಶದಿಂದ ಸಾಗಾಣಿಕೆ ಮಾಡುತ್ತಿರುವುದನ್ನು ಪತ್ತೆಮಾಡಲಾಗಿದೆ.

ಮತ್ತೊಂದು ಪ್ರಕರಣದಲ್ಲಿ ವರುಣೇಶ್ ಮತ್ತು ರಘು. ಎನ್. ಇವರು ದ್ವಿಚಕ್ರ ವಾಹನದಲ್ಲಿ ಅಕ್ರಮವಾಗಿ 48 ಬಾಟಲಿಗಳಲ್ಲಿ 8.640 ಲೀಟರ್ ಶಂಕಿತ ನಕಲಿ ಮದ್ಯದ ದಾಸ್ತಾನನ್ನು ಹೊಂದಿದ್ದು, ಮಾರಾಟ ಮಾಡುವ ಉದ್ದೇಶದಿಂದ ಸಾಗಾಣಿಕೆ ಮಾಡುತ್ತಿರುವುದನ್ನು ಪತ್ತೆ ಮಾಡಲಾಗಿದೆ.

ಇವರುಗಳನ್ನು ದಸ್ತಗಿರಿ ಮಾಡಿ ಮೊಕದ್ದಮೆ ದಾಖಲಿಸಿ, ನ್ಯಾಯಾಲಯದ ಮುಂದೆ ಹಾಜರುಪಡಿಸಲಾಗಿದೆ.